صل عالنبي وانا خوك
أنت فاهم الموضوع غلط..
أول شي الفلبن و الهنود الي يركبون عالكويتية لا يقلون في المستوى عن الفلبن و الهنود الي يركبون الإماراتية مثلا، بل مستواهم أعلى، و إذا تبي الدليل روح شوف موقع الكويتية تذكرة من مانيلا إلى نيويورك مرورا بالكويت.. و تذكرة أخرى من مانيلا إلى نيويورك مرورا بدبي.. راح تلاحظ أن فرق سعري كبير بين الشركتين.. و أنا توني شفت و كانت الكويتية 3000 دينار كويتي و الإماراتية 500 دينار كويتي يعني الفارق السعري يقارب 2500 دينار كويتي يعني بحدود ال9000 دولار أمريكي و أي شخص مستواه المادي متدني بياخذ الأرخص و هو الإماراتية أكيد.. و لكن هذا الكلام غير صحيح لأن المقياس الي تقيس عليه غير صحيح..
أما بخصوص اعتماد الخطوط الكويتية على الهنود و الفلبن.. أغلب رحلات الخطوط الكويتية إلى الهند و سيلان و بنغلاديش و مانيلا.. فعندك رحلات يومية لهذه المناطق فباليوم الواحد تطير مو أقل من 7 طيارات من و إلى الهند و سيلان و بنغلاديش و رحلة يومية ما عدا يوم واحد في الأسبوع إلى مانيلا.. و هذه الوجهات محد من الكويتيين يروح لها، و لكن تكون متروسة هنود و فلبن و غيره.. و عدد هذه الرحلات أكبر من عدد رحلات الأماكن السياحية كأووربا و مصر و غيرها من الوجهات الي يروح لها كويتيين.. فأكيد بتكون الجاليات الي تعتمد عليها الكويتية هي الجاليات الهندية و الفلبينية لأن الرحلات الي تخدمهم أكثر من الرحلات الي تخدم الكويتيين في الخطوط الكويتية.. و هذا الشي يحسب للكويتية و ليس ضدها بنظري كونها الأغلى في المنطقة و ما زالت الجاليات تختارها فهذا يعتبر استثمار خارجي..
و على فكرة، عندنا في الكويت تلاقي بعض الناس يشيل و يشدخ بالكويتية و بالنهاية لما يسافر يحجز على الكويتية..
و أنا في رحلاتي إلى أووربا و إلى الخليج تكون نسبة الكويتيين فيها متعدية ال75%، و لكن شي بديهي أن رحلات الهند الي تمثل الأكثرية من رحلات الكويتية تكون فل هنود و السبب واضح و هو: منو يروح الهند ؟ خصوصا أن رحلات الكويتية إلى أماكن نائية جدا في الهند.. لذلك يقال أن اعتماد الكويتية على الهنود.. و لكن لا يدل على أن الكويتيين ما يسافرون على الكويتية مثل ما وضحت فوق..
و التساؤل الي يطرح نفسه هو، ليش رحلات الهند أكثر طالما ما تخدم الكويتيين ؟
عدد الكويتيين في الكويت مليون تقريبا أما عدد الوافدين فهو مليونيين و بالتالي عدد الكويتيين يمثل الثلث من العدد الكلي للسكان في الكويت.. فإستثمارا من الكويتية زادت رحلات الهند و الدول الي على شاكلتها.. و كون الرحلات إلى الأماكن السياحية تكون فيها أغلبية الركاب كويتيين فهذا يدل على أن الكويتيين ما زالوا يسافرون عليها على الرغم من أنهم أقل من الوافديين في الكويت..
و أستغرب من الي ينقل أخبار زائفة عن الكويتية و هو ضدها و يقول أغلب الركاب هنود، طيب دامك أنت ضدها و ما تسافر عليها شلون عرفت أن أغلبها هنود ؟!!
فالخلاصة، أن الدولة الوافدين فيها أكثر أكيد بيكون اعتماد خطوطها على رحلات الوافدين أكثر من المواطنين كونهم يمثلون الأكثرية و ليس له دخل بالوضع الحالي للخطوط
عزيزي كلامك فيه جزء صحيح وهو ان السعر يصل فوق الألف اذا كانت رحلتك بدايتها من الكويت وينخفض السعر اذا كانت الرحلة تبدأ من الشرق أو الغرب حيث الفارق كبير . أما ازدحام الكويتيين فنلاحظه على الكويتية رحلة الامارات وجدة أو المدينة أو القاهرة لكن الشرق الآقصى فأغلبها جاليات . أما امريكا فركاب الرحلة خليط من بعض الاوروبيين والامركان " الجنود منهم " والكويتيين .. أما الغالبية من الركاب فهم من الجالية الهندية وليس هناك عيب في ذلك بسبب انخفاض سعر التذاكر وهذا افضل من من ان تقلع الطائرة وعليها كرسي فاضي وهنا كان الكويتي اذ اراد سعر مخفض كان يكلف احد معارفه أو اقرباءة بحجز تذكرة له من امريكا تكون بدايتها الكويت ويحصل عليها بسعر أقل لو ان اشتراها من الكويت . إلا ان الكويتية تنبهت لذلك واوقفت هذه العمليات ... أما إن مانسافر عليها فهذا غير صحيح لأن معلوماتنا من خلال مانشاهده داخل الطائرة ولذلك فالمعلومات واقعية وليست زائفة .