انا صراحه زي الكويتيه ماشفت ابد
الصحافه ياحبايب الكويتيه تكتب الاخبار لان الوضع خلاص طلع عن السيطره
وكل الاعطال اللي تصير من العيار الثقيل ومنها خلل في محرك وتعطل واحتراق محرك
وخلل في اجهزه الكمبيوتر والهايدروليك واخيرا وليس اخرا اقنعه الاكسجين تنزل بسبب انخفاض الضغط
والمصيبه ان بعض الاقنعه غير موصله بانابيب الاكسجين
بتقولون لي تحصل في جميع شركات العالم ؟؟ اقولكم غلطانين لان اللي قاعد يصير مع الكويتيه
ماصار مع الخطوط الكازاخستانيه حتى!!!
وعلى فكره ترى بعض اسطول طيارات ال klm اقدم من الكويتيه ومع ذلك مايصير فيها اعطال
وهذا يدل اما على ضعف الصيانه او زياده الضغط عليها وانا ارجح الثانيه
واتمنى من اي احد بيكتب على الكويتيه انه يفكر باللي بيكتبه قبل
لان الناس بتصدق اللي تشوفه وماراح تصدق كلام كم شخص عنده مصلحه في الكويتيه او شي من هذا القبيل
تحياتي
أخوي أول شي ما صار احتراق للمحرك صار عطل للمحرك و في فرق و الفرق شاسع.. و من وين جبت الخلل في الكمبيوتر و الهيادرولك ؟ و مصدرك أن الأقنعة غير موصلة بأنابيب ؟ و فرضا أنها غير موصلة بأنابيب شلون القناع راح ينزل ؟ إذا كان من غير أنبوب فراح يسقط.. أرجو أنك تذكر لي المصدر..
و طائرات KLM في منها القديم و منها الجديد.. عندهم طيارات جديدة تصل إلى 2008.. أما الكويتية فمعظم طائراتها تعدت ال15 سنة..
و إذا ما عليك أمر تروح تشوف تنصيف SkyTrax لشركات الطيران و شوف KLM و KAC و راح تلاحظ أن لهم نفس عدد النجوم Overall و هذا على الرغم من أنهاا شركة عالمية و عندها طيارات أجدد بكثير من طيارات الكويتية و أنشأت سنة 1920 و الكويتية سنة 1954..
أتمنى لما تذكر شي في المرة القادمة تأتينا بمعلومات صحيحة..
و صيانة الخطوط الجوية الكويتية ممتازة جدا كونهم على مقدرة أن يجعلوا هالطائرات الي لا تستخدم على نطاق واسع حاليا قابلة للطيران.. و أنا ما أقولك أن حال الخطوط زين و لكن الأعطال الي قاعدين انشوفها أعطال بسيطة بإستثناء واحد أو اثنين.. أما التأخيرات فسببها نقص في الأسطول يعني الأسطول مكون من 17 أو 16 طيارة فأي خلل بسيط في أي طيارة لا يمكن تعويضه بطيارة أخرى..
أما سالفة اجهاد الطائرة، طيارات الكويتية لما تروح لندن أو أي دولة أووربية تظل ليلة واحدة في المطار على عكس أغلب الشركات الأخرى يتم استبدال الطاقم و الطيران بالطائرة مرة أخرى بدون الإنتظار.. و وجهة نظرك فيها جزء من الصحة و هي أن الطائرات عليها ضغط كبير و هذا صحيح و لكن ليس من ناحية عدد الرحلات المجدولة عليها و لكن صار لها أكثر من 15 سنة تطير فأكيد بتكون مجهدة و هذا يرجعنا إلى الموضوع الأول و هو اقالة الطائرات و استبدالها بجديدة..
تحياتي..