[عمر الاشقر]

اقتباس:     المشاركة الأصلية كتبت بواسطة no7e  

اسمحوا لي يا إخوان اللي غير متفقين مع التقييم ، وأرجو أنكم تقبلونها بصدر رحب ، إذا كانت الخطوط السعودية يتعاملون مع التقييم بمثل الطريقة اللي تتعاملون بها (ولا أظن كذا ) فطبيعي جداً أننا نرجع للخلف ولنجمة واحدة فقط ، لسبب بسيط وهو إذا كان المقيّم أصلاً تستشيره الخطوط وتقول رأيك في خدمتنا بتفاصيلها ، وبعدين يرد عليهم يقول لهم الواقع والأرقام تشير أن تقييمكم 87 ومع المقارنة المقارنة المقارنة بغيركم من الشركات أنتم في ذيل الخدمات ، ترا من العيب أننا نقول له حنا ما يهمنا أصلاً رأيك ! واحنا أصلا أفضل خطوط في العالم وأنت بايخ ولا لك معايير .

يا جماعة أنتم تتعاملون مع أرقام , وسكاي تراكس لها طريقة أنك ممكن تسحب أوراقك منها وتقول مع السلامة
وتعلن هذا في موقعها وتنتهي مثل ما سوت خطوط (AeroSur ) ولايزعل أحد .

وبالنسبة للإخوان اللي ردوا أنهم حرين في اختيارهم أو أن الخطوط السعودية تتقدم أو أن الخطوط من أفضل الشركات العربية فلن أرد عليهم لأنهم يظهر أنهم ما جربوا الخطوط حتى الخطوط الكوبية .

بقي شيء واحد وهو كيف نتقدم ؟ وكيف تصير خطوطنا أفضل خطوط بالعالم ، الجواب الإداري والمعادلة البسيطة التنظير وصعبة التطبيق هو أننا نتعامل مع الواقع بصورته الحقيقية ، ونبدأ من حيث نحن ، لا من حيث نتوهم .

ملاحظة بسيطة لكل الإخوة اللي مروا في الموضوع واستشاطوا غضباً من التقييم ، هذي وجهة نظر مدعومة بأرقام وحقائق ولا يمكن الرد عليها إلا بمثل الأرقام والحقائق أو بتوضيح رسمي من السعودية أن التقييم غير صحيح ولا عادل ، أما الرد بسواليف مرة سافرت أنا وربعي وانبسطنا ، ومرة ركبت وكانت الرحلة ممتعة والمقاعد فسيحة فهذه أوهام مثلها تماماً مثل قول الشاعر : ((من يقارننا بغيرنا حاقد أو جاهل ))

أرجو من الجميع تقبل تحياتي وتقديري وحبي واحترامي للجميع خاصةً البيغ بوس اللي مر على الموضوع

طيب احنا حرين في اختيرنا نبغا نختار السعوديه انت ليش زعلان يما اكثر الشركات في طيران ناس وفي غيرها الناس يقولو يمين انت تقول يسار والله شي عجيب