[Cpt.Mohammed]

المنتدى ليس خامل ولكن اعذر انشغال الأخوة ..

و الموضوع في مكانه الصحيح لأنه يشرح اجراءات من الممكن ان تتبع في الطيران التشبيهى ايضاً ..

ليس هناك فرق بين CAT و ILS او بمعنى أخر لا يسمى كل منهما نظاماً , لأن الـ CAT هو تصنيفات لنظام الـ ILS و ليس نظاماً منفصلاً للهبوط الألى , كالفنادق تصنيفاتها ثلاث نجوم , اربع نجوم , خمس نجوم ... و يصنف الـ CAT درجة خطورة الهبوط حسب الرؤية .. و الرؤية هنا هي الرؤية الأفقية Horizontal Visibility والرؤية الرأسية Vertical Visibility ..

الرؤية الأفقية : هى قيمة الـ RVR للمدرج , وكلما قلت كلما زادت خطورة الهبوط , كلما زاد التصنيف من I الى III .
الرؤية الرأسية : هى ارتفاع السحب القريبة من منطقة الـ Touch down من فوق سطح الأرض ,ولأوضح المسألة اكثر دعنى اتحدث عن الـ DH , حيث ان مصطلح DH او Decision Height يعبر عن الأرتفاع الآمن فوق منطقة الـ Touch down و الذي يجب عنده ان يرى الطيار بداية المدرج و أنارته Approach Lighting System بصورة واضحة , اذا تخطى هذا الأرتفاع و لم يرى المدرج بسبب تواجد سحب على هذا الأرتفاع او اقل منه , فلا يصرح له بالهبوط و لابد من ان يقوم بعمل Go around .. مثلاً الـ DH لمدرج 200 قدم , لو تواجدت سحب على ارتفاع 150 قدم .. لايمكن الهبوط على هذا المدرج ..

سواء بالنسبة لقيمة الرؤية الأفقية و الرأسية , يضع التصنيف CAT او اختصاراً لـ Category معايير او دعنى اقول Limits كحد ادنى للهبوط بأستخدام هذا التصنيف .. عبارة عن DH و RVR , ان تخطاها انخفاض ارتفاع السحب او الضباب Fog ( تستخرج قيمها من الـ TAF او الـ METAR ) فلا يمكن استخدام هذا التصنيف ..

طيب لماذا لا يمكن استخدام هذا التصنيف ؟؟ - لأن شركات الطيران تملك وثيقة تسمى Operation Specifications , يوضح بها عدد طائراتها و كل طائرة مصرح لها بالهبوط CAT ايه بناءاً على تفتيش قام به مهندسو تفتيش سلطة الطيران المدنى على الطائرة .. و في حالة ان الطائرة مصرح لها CAT I و هبطت في ظروف CAT II , تطبق على الشركة مخالفة .. عارف السؤال اللى في ذهنك الأن : و ازاي سلطة الطيران المدنى هتعرف ؟؟ - هتعرف عن طريق ورق الرحلة واللى لازم يتعمل بيه ملف و يتحط فيه الرصدات بتواريخ الرحلة و خطة الطيران Flight Plan .. ألخ , و لما بيفتشوا على الشركة التفتيش الدورى و لقوا في الرصدات ان الظروف الجوية كانت CAT II و الطيارة نزلت !! يبقى يا محترم انت خالفت معايير طائرتك لأنها مصرح ليها CAT I فقط ...

بالنسبة لوجود Charts بها ILS فقط و اخرى بها ILS CAT xx .. فهناك مطارات تتدنى فيها الرؤية الأفقية لمدد طويلة اثناء السنة , او انها على ارتفاع عالى فتتواجد السحب على ارتفاعات منخفضة فوق منطقة الـ Touch down طوال السنة , او انها قريبة من صحراء فتكثر الأنشطة الرملية عليها .. و بالتالى يتم توفير خريطة اضافية للتصنيفات , لأن تدنى الرؤية عند هذا المطار اصبح اعتيادى ...

يا عزيزي تصنيفات الهبوط ILS هي تصنيفات لا تتصل بأزرار او اجراءات , هي فقط معايير سلامة .. لو طائرتك مصنفة في الـ Ops Specifications الذي ذكرته بالأعلى CAT II اذاً هي مصنفة CAT I ايضاً لأنها تخطت حدود DH و RVR الخاصة بالـ CAT I و ذلك لأن الـ DH و الـ RVR لـ CAT II اقل من CAT I و بالتالى الطائرة التى يصرح لها ان تهبط CAT II يمكنها الهبوط CAT I ..

خد عندك المثال ده : حدود او Minima الخاصة بـ CAT I هي DH اكبر من 200 قدم و RVR اكبر من 2400 قدم
CAT II الـ DH أكبر من 100 قدم و أصغر من 200 قدم , RVR اكبر من 1200 قدم و اصغر من 2400 قدم ..

دلوقتى الرصدة بتقول الأتى R/05L 500 معناها الـ RVR لمدرج 05L د 500 متر , هنحولها لقدم 500 ÷ 0.304 = 1645 قدم ... الرقم ده محصور بين 1200 و 2400 قدم .. اذن الظروف الجوية على هذا المدرج 05L هي CAT II ...

اتفقنا كدا ؟؟ ركز بقى معايا .. لو طيارتك مصرح ليها CAT I فقط , لا يسمح لك بالهبوط على هذا المدرج ..
لو طيارتك مصرح ليها CAT II , يصرح لك بالهبوط ..
CAT III يصرح ايضاً ..

طيب لو الـ RVR على مدرج 05L اكبر من 2400 قدم ( بعد التحويل من المتر لأن الرصدة بتبقى بالمتر ) يبقى الظروف الجوية على المدرج ده CAT I , افرض بقى طيارتك مصرح ليها CAT II , تنزل وانت مستريح لأنك مصنف للأسوء CAT II يبقى بالنسبالك CAT I بسيطة ..

اخر حاجة حابب اقولهالك , ان التصنيف ده بيتوقف على عدة معايير على الطيارة ( اللى هو امتى اقول طيارة CAT I و طيارة CAT II ) , انت عرفت دلوقتى ان تصنيف المدرج بيتوقف على الظروف الجوية , ارتفاع السحب .. كثافة الضباب او اي ظاهرة جوية بتؤدى لتدنى الرؤية الأفقية كرياح رملية , امطار , ثلوج اللى بينعكس على قيمة الـ RVR للمدرج .. اما تصنيف الطائرات بيتوقف على عدد الـ Altimeter Radio اللى عليها , تصنيف الـ Yaw damper مصنعياً , شدة الفرامل و تواجد Anti-skid ام لا ... شدة انارة الـ landing Lights ... ألخ ...

الـ RNAV هو اختصار Area Navigation , و بأختصار شديد هي نقط ملاحية بأحداثيات محددة ( نفس نظام الـ Intersections و الـ Airways ) , بيتعرف عليها نظام الـ GPS على الطيارة و بيحدد مكانها عن طريق قاعدة بيانات ضخمة مسجلة بأحداثيات و اسم كل نقطة في ذاكرة النظام .. بيستخدمها بديل عن الـ ILS او الريديال من محطة VOR كمسار أقتراب للمدرج ..

الـ RVR مختلف عن الـ Visibility , الـ RVR هو اختصار Runway Visual Range , و بتقيسه Sensors محطوطة بجوار نهاية و بداية الـمدرج , الـ Visibility بتتقاس عن طريق الملاحظة و ليس بطريقة الكترونية زي الـ RVR , الراصد بيكون واقف و سيارة بيكون عليها مصباح بتبعد عنه لغاية ما يبدأ ميشوفش المصباح , تقاس المسافة و بتبقى دى الـ Visibility ..

الرصدة بتبقى ديماً فيها Visibility بس اول ما تقل عن 1500 متر , احنا محتاجين قياس دقيق ( ألكترونى ) لمدى الرؤية على المدرج , بتبدأ تظهر قيم الـ RVR في الرصدة ...