انا مع اي قرار يتم ولكن بشرط يكون فيه شفافيه وعداله
كل الشغل من تحت لتحت كانهم يسوون جريمه
اي شركه تحصل على دعم يجب يكون فيه مقابل تقدمه
بس اشك جدا ان تلك الشركات تخفض اسعارها بما يقابل الدعم لانها جايه تربح وتكسب.
الشركات هذي عموما لازم ندعمها لانها بالنهاية شركات سعودية وتبي توظف شباب سعوديين
ومن مصلحة الجميع نجاحها.
للاسف خبر محزن هذا الخبر راح ينهي الخطوط السعودية بسبب الدعايات الي تحطها القطريه ف الناس عبالهم احسن شركه ( مع الخيل يا شقرا ) لذالك يبيلها وقت لا يقل عن سنه من تجاربهم بالسفر حتى يعرفون الحقيقه
الشركه هذي يبي يصير لها اسم مختلف,,,
عموما الخطوط اصلا تتمنى ينشال منها عبء ولو جزء من النقل الداخلي وتم الموضوع فعلا في 2007 وقامت الهيئة بتقسيم الخطوط الداخلية بين السعودية وناس وسما ولكن صار فيه اعتراضات من سكان المناطق ورجعت الخطوط لهم.
طيران ناس مثلا كان مجبر ينقل على خط القصيم-الرياض كمثال والخطوط شالت ايدها من الخط عقب اتفاق توزيع خطوط النقل على الشركات الثلاث مع كثير من الخطوط الداخلية الاخرى
لكن الناس اشتكت ورفعوا برقيات وشركه ناس ماقدرت تكمل لان الناس قاطعوها ورجعت السعودية مره اخرى تغطي كل الخطوط الداخلية.
مستحيل شركه من الشركات ذي تنافس فضلا على ان تحرج الخطوط داخليا
لسبب بسيط هو ان الاسعار الي تقدمها الخطوط داخليا اسعار
غير تجاريه
ثانيا الخطوط تقدم تخفيض 50% على تلك الاسعار المنخفضة اصلا لكم لامحدود من الناس (جميع الطلاب في كل المراحل/جميع العسكريين في كل القطاعات والرتب/جميع المعاقين بكل درجاتهم مع مرافقيهم)
ثانيا نوعية وحجم الطائرات وعدد المطارات الي تخدم (26 مطار داخلي)
يجعل المنافسه على الاقل اول 5 سنوات صعبه عليهم.
اصدقائي كباتن بالخطوط زعلانين ان الشركات تاخرت ببدايه العمل
يقولون علينا لود وضغط عمل عجيب مانقدر ننفس
نبي تدخل الشركات ذي علشان على الاقل نبدا نشتغل دولي او يخف علينا ساعات ال on call
(ساعات العمل الاحتياطية).