مساء الخير للجميع ألف مبروك للنجاح
بس ممكن تعطيني نبذه ع الفحص الطبي وشو الإجراءات
تحياتي لك
أخوك طارق
حياتي طيران
الله يبارك فيك,
اول شيء دخلت على هذا الموقع
FAA MedXPress Login و دخلت معلوماتي و جاوبت على الاسئلة عشان يتسهل الاجراءات للطبيب ,و بعدما خلصت تم ارسال الى بريدي الالكتروني رقم خاص لازم اعطيها الطبيب قبل الفحص.
في يوم الفحص رحت و دفعت الرسوم اللي هو 90 دولار, بعدها سويت فحص البول و تطلع النتيجة في نفس اللحظة و الحمدالله كان النتيجة طبيعي بعدها انتظرت تقريبا ربع ساعة و قابلت الطبيب و اول جزء كان اختبار النظر اللي تشوف حروف صغيرة من مسافة بعيدة (مرة بالعين اليمنى و مرة بالعين اليسرى).
بعدها دخلت لغرفة اسوي فحص عمى الالوان الي فيها ارقام, و كان كلها على الجدار و الحمد الله قلت كل الارقام بسرعة
بعدما خلصت سويت اختبار ضغط الدم و اختبار للعين حق انحراف الرؤية, الطبيب عطاني مثل العدسة عليها خطوط و لونه احمر تستخدمه لعين واحد و تشوف ضوء امامك. بتشوف نفس الخط الاحمر و الطبيب يستخدم عدة عدسات اخرى ويحركها امام العدسة الحمراء و في نفس اللحظة الخط يتحرك و يقترب للضوء.
انا عارف انها معقدة شوية بس هو سهل ان شاء الله و الطبيب بيساعدكم.
اخر جزء قاس طولي و وزني و سئلني بعض الاسئلة و خلاص انتهيت و استلمت الشهادة الطبية.
سويت الفحص في مطار JFK و اقدر اروح في اي وقت بدون مواعيد