انا معنديش مشكله كبيره في الشغل بررا مصر بس الناس قالولي ان الشركه الوطنيه بتاعت بلدي بس هي اللي تقبلني و انا لسه مش عندي خبره ,
هل لو اخدت الرخصه من امريكا و حبيت اشتغل في السعوديه مثلا (علي اساس ان السعوديه تعترف بال FAA)
هل هتوافق انها تشغلني واللا لازم اكون عندي خبره ؟
و ياريت لو حضرتك توجهني لحاجه محدده و طريق امشي عليه عشان انا تايه خالص و معنديش خبره في المجال ده اوي
و مشكر اخي علي مساعدتك
عندك حق، مصر للطيران بتقبل ساعات قليلة، بس لازم تجرب تشوف في أي حتة في العالم وظيفة، وعلى فكرة الوظائف في اسيا كتيرة، والسنوات القادمة إلي مش هيتعين في مصر للطيران، وزارة الطيران المدني المصري هتبعتو الصين أو اندونيسيا، لأن في إتفاقية بين مصر وهذه الدول لتوظيف طيارين مصريين.
أعتقد صعب تشتغل في السعودية وانت معندكش خبرة
أنا هقولك على إلي حصل مع طيار صديق: هو كان كل هدفو إن يتعين في مصر للطيران، درس في أمريكا وأخد الرخص بدري، بعدها رجع مصر واستنى 3 سنين عقبال ما ينزل الإعلان والحمد لله اتعين، ولكن أنا لو كنت ماكانو كنت هروح أدوار على شغل في شركة صغيرة أو أقعد أجمع ساعة طيران لغاية ما مصر للطيران تنزل اعلان جديد، يعني ممكن الإستفادة من 3 سنين دول لجمع الساعات. وإعتبر إنو في ال 3 سنين دول يمكن تلاقي شركة صغيرة محترمة ولها سمعتها. يعني نصيحتي مضيعش وقتك عقبال الاعلان التاني، دور في كل حتة في العالم.