السلام عليكم ورحمة الله
أخوي بدون وزن الطيارة الحساب غير دقيق أبدا يعني ممكن كل المكونات تكون جيدة وتركب على بعض بس كم الوزن اللي راح ترفعه؟ ايش موديل الطيارة وايش تحتاج قوة رفع؟
يعطيك العافية يابو عبدالله لكن عندي تعقيب بسيط
أنا حسبت على فرض إنها طائرة صناعة يدوية ووزن الطيران كيلو
المروحة خذ 7 في 4 أفضل
أقصى وزن تقدر ترفعه القطع اللي ذكرت مع تبديل المروحة ل 7 في 4 راحي يعطيك حوالي 950 جرام رفع وسحب الأمبير على السبيد كنترول في حدود 22 أمبير (السيرفوهات صغيرة ما راح تحتاج الأربعة سيرفوهات أكثر من 2 أمبير إضافية يعني اللود اللي عند حوالي 25 أمبير والسبيد 30 أمبير متواصل و40 متقطع لحد 10 ثواني قبل لا يسخن ويتلف) إذا السبيد كنترول جيد ويقدر فعلا يعطي الأرقام اللي عليه فإنت في السليم (ما قد استعملت هذا النوع ما أقدر أحكم عليه)
الشاحن هذا يحتاج محول (باور سابلاي) يا تشتريه أو تولف واحد من باور سابلاي حق كمبيوتر. في الحالتين بيكلفك سعر شاحن جيد مدمج الباور سابلاي فيه. إذا انت في جدة روح نادي تيك أوف أو شوف المواقع الاليكترونية اللي موجودة في جدة
jeddahrc.com
jeddahrcshop.com
arabrcshop.com
الاسلاك اللي أخترتها نحيفة مرة ممكن تنفع بس الأفضل خذ أسلاك عيار 12 أو 14 وأفياش من النوع اللي موجود عندك على الشاحن وإذا ما تعرف تلحم ودي الأغراض لمحل تصليح الكترونيات وهم يلحموها لك
بالتوفيق إن شاء الله
صراحه عشان ما اكذب, انت ما شاء الله تبارك الله تبهرني باستنتاجاتك الحسابيه لاني صراحه ما اعرفلها مضبوط, ولكن الشي المتعارف عليه انك تاخذ اسبيد كونترول اعلى من المطلوب بدرجه عشان اذا بغيت بالمستقبل تستخدم الموتور مع مروحه اكبر بشوي تقدر تستخدم نفس الاسبيد كونترول .. ايضا بعض الاحيان لمن تكون الاجواء هواء شديده ودرجة حراره عاليه تحتاج اسبيد كونترول اعلى لان المحرك بيعمل جهد اكبر عن المطلوب بسبب الرياح.
صحيح انا احتاج مروحه 4*7 ادائها افضل وما تخلي الموتور يسخن بسرعه.
اذا تقدر يالغالي توضحلي طريقة حساباتك اكون ممتن وشاكر لك يالغالي :) :) .
والله اعلم ..
اتمنى لك التوفيق