الدراسة الكاملة داخل السعودية تكون تعطيك رخص محلية فقط خاصة بالسعودية GACA .. أجنحة رابغ وحده من هذه الأكاديميات .. بالنسبة لمبلغ سعر الدراسة داخل المعاهد السعودية وأنا أصلا ما عمري سمعت بمعهد دراسة طيران غير أجنحة رابغ .. ع العموم المبلغ هذا تقدر تدرس فيه في أمريكا وتصرف على نفسك وفي نفس الوقت وتكون معاك رخص أمريكية معتمده في دول كثير ..
بالنسبة لأجنحة رابغ لا أنصح فيها .. رحت قبل شهر عندهم وحجزت رحلة مع مدرب "استكشافية" بـ 1500 للساعه من مطار رابغ .. وصلت الأكاديمية الساعة 10 صباحاً حسب توقيت الموعد الذي تم تحديده .. عند الوصول قالي الكابتن لا توجد إلا طائرة واحده متاحة حالياً وهيا الآن في الصيانة شغالين عليها .. قلت طيب وقعدت في غرفة الإنتظار الى الساعة 12 ونصف .. ثم أخبرني الكابتن بأن الطائرة جاهزة ورحت طرت مع المدرب .. المهم في هذا الكلام أني وقت الساعتين هذه ع بال ما كنت متتظر انتهاء الطائرة من الصيانة كنت أبحث عن طلاب الأكاديمية لكي أتناقش معهم واستفسر .. مالقيت إلا طالب واحد وكان منتظر أيضا نفس الطائرة التي في الصيانة اللي انا منتظرها .. سألتو عن الأكاديمية وكيف الوضع أجابني بجواب عادي وكأنو يحاول تلطيف الجواب لأنو حاس بالندم .. سألتو سؤال أخير "هل أنت نادم عن التسجيل في هذه الأكاديمية وأجبني بنعم أو لا" .. إجابة الطالب كانت نعم لأسباب عدة وأهمها التأخير في الطائرات والسعر العالي وأيضاً ذكر بأن الطائرات جميعها متهالكة ولا توجد إلا 4 طائرات في الخدمة .. 2 في مطار جدة و2 في مطار رابغ .. وأنا جربت الطائرة بنفسي مع المدرب لما طرت في الرحلة الإستكشافية وأيضا أخذت بعض الصور للكراج الخاص بالطائرات وكانت جميعها متفكفه لأجزاء ..
هذا كلامي خاص بأكاديمية أجنحة رابغ والتي أتت من أثر زيارتي للأكاديمية وتجربتها ..
على العموم أنا أقترح انو اللي يبغى يدخل أي اكاديمية لازم يزورها أولاً وياخد فيها تور بسيط على الأقل ،،
اللي حاب يجرب أكاديمية أجنحة رابغ يقدر يحجز رحلة استكشافية .. الساعة 2000 من مطار جدة .. و 1500 من مطار رابغ ..
هذه تجربتي مع الأكديمية وليس اتهام لهم .. بالتوفيق ،
بالنسبة لباريس آير تقدمت عليها وجاني قبول و كان باقي فقط خطوة واحدة للدفع المبدئي ولكن كنسلت الموضوع في اخر لحظة عندما سألت أحد الأعضاء الموجود هنا والذي درس في باريس اير أيضاً .. وهذه محادثتي معاه.
ملاحظة: انا أخفيت اسم الشخص لأن المحادثة كانت خاصة وما أخت منه الإذن لنشر المحادثة.
السلام عليكم ورحمة الله وبركاته ،،
أخي الغالي صحيح بأنك درست في باريس اير ؟
حياك الله اخوي معاذ
صحيح انا كنت في مدرسه باريس اير بس صار لي ظرف وضطريت اني احول منها في شباب سعوديين وفي شباب كويتيين يدرسون فيها ممكن انك تسالهم وتستفسر منهم وراح يفيدوك اكثر مني اخوي
بالتوفيق ان شالله
انا ما ابغى أستفسر استفسار عام .. بس ابغى أسألك سؤال واحد .. بما انك جربت المدرسة افرض انك اتولدت من جديد وراح تدرس الطيران .. هل راح تدخل نفس المدرسة؟ اذا لا ليش ووين راح تروح؟ .. يعني هل ندمت بقرارك في المدرسة؟
ويعطيك العافيه ومعليش ع الإزعاج ،
حياك الله اخوي
اكون صريح معاك لو بادرس طيران صراحه ما راح اختار مدرسه باريس اير وفي مدارس احسن منها وطيارات احسن منها
في مدارس افضل منها صراحه
صراحه ندمان لان حصل لي ظروف معاهم ولاكن زي ما قلت لك تقدر تسال الشباب هناك وهم راح يعلموك بكل شي عن المدرسه
بالتوفيق ان شالله
باريس آير حسب رأيي 70% يمدحوها وب 30% ينتقدوها .. في ناس مشيت معاهم وناس لا ..