Sendury
بالتوفيق ان شاء الله.
اذا ممكن تعطينا كم سؤال من المقابله..
Sendury
بالتوفيق ان شاء الله.
اذا ممكن تعطينا كم سؤال من المقابله..
امين وياك إن شاء الله. من ناحية المقابلة طبعا كانت طويلة جدا معي ليه ما اعرف لكن الحمد لله عدت على خير . اول ما دخلت كان فيه ٣ اشخاص طبعا اول شيء سالوني كم طولك ؟ و قالي اوقف و امد يدي لاعلى شيء عند الباب "يبغون يشوفون وين توصل يدي" المهم خلصت و جلست قام طلب مني اوراقي و اخذ يقرا السي في حقي و جا و احد رابع و دخل الغرفة و جلس، بعدها بدا الشغل الصح ، قالي عرف عن نفسك طبعا كل المقابلة بالانجليزي لمى خلصت قام يسالني عن اشياء في السيفي بتاعي و عن تعليمي و دراستي و بعدها قام يسالني اسئلة زي ليه اخترت وظيفة مظيف ؟ عادي لو احد يسبك ؟ وقام يسالني عن ردة فعلي لو صار لي كذا و كذا في الطيارة. طبعا يبغون يشوفون ردود فعلي . و الحمد لله ارد عليهم مبتسم و بكل هدوء . طبعا النقاش كلة بالانجلش مافي عربي الا بالاخير دخلوا اثنين و باين انهم مدراء او شيء قاموا يكلموني بالعربي وو يتناقشون معي و جلسوا يحاولون يقنعوني انها وظيفة متعبة و شاقة و فيها و فيها و انا اجاوبهم على قد سوالهم . اتوقع انهم يبغون يشوفون اني صامل بالوظيفة و لا بس كذا جايهم مشي حالك . قام السادس سالني قالي تعرف رسالة الخطوط السعودية ؟ جاوبتة ان تكون ناقل عالمي المستوى ، سعودي السمات و فائق العناية بعملائة. الموظف الخامس سالني قالي ايش مهام مظيف الطيران ؟ و جاوبتة الحفاظ على سلامة الركاب و تزويدهم بالراحة و تلبية احتياجاتهم. اتذكر جاوبتهم شيء زي كذا . المهم قام شكرني و احد منهم و قالي اعطيني صورتين شخصية و خرجت من عندهم . جلست في صالة الانتظار لين ما جا الموظف الرابع و اخذني لغرفة الوزن قاس وزني و طولي و خرجت . الله يسهل ان شاء الله و يوفق الجميع .