السلام عليكم ورحمة الله وبركاته
احب انوه لشي معين, الاختيار بين المطارين فيها فروق مختلفه يقدر يحددها اللي يبي يدرس نفسه على اساس متطلباته وظروفه
مثلا المطار اللي مافيه برج مراقبه راح تطير فيه بسرعه وللعلم ترى الوقت يحسب لك والله اعلم من تشغيل الطياره فالمطارات اللي فيها برج مراقبه عادة تكون ازحم من اللي مافيها وعلى ذالك راح يكون تأخير اكثر في الطيران لان ممكن يكون قدامك لاين تنتظر دورك يعني ممكن 10 او 20 دقايق او اقل او اكثر تروح من وقتك المدفوع انتظار عشان تطير, هذا الشي ممكن يأخر اخذك لرخص مع وقت اقل شوي للطيران الفعلي غير كذا الخبرة من المطارات اللي فيها برج مراقبه تقدر تاخذها لأنك تقدر تروح تهبط في نفس المطار هذا اكثر من مره او تقدر تنقل بعد ماتاخذ الرخص للمطار الثاني اللي هو فيه برج مراقبه وتجمع ساعات تاخذلك خمسين او ثلاثين ساعه في المطار الثاني.
ايضا المطار اللي مافيه برج مراقبه تقدر تقلع من فوق العشب يعني تكسب خبره للأقلاع من على غير الشارع يعني المشي على العشب بالطيارة والاقلاع والهبوط عليه نوعا ما صعب ويعطيك خبرة وزيادة على اساسيات الطيران.
طبعا الموقع يختلف للمطارين فالي يهمه التنزه والاماكن الثانيه والمجمعات لازم يشوف وين اللي اقرب لها
انتبهو ترى المدينه باردة جدا جدا فياليت تاخذو الاحتياطات.
المهم كل واحد يصنع قراره واختيارة بنفسه ويتأكد بنفسه من المعلومات ويدعي ان الله ييسر ولا يوقف بحث ومقارنه بين الاكادميات الين لما يروح يبتدي دراسة لااحد يبني قراره على كلام شافه في منتدى او سمعه من واحد لازم يتأكد لان المتضرر الوحيد هو انت وهالله هالله بادعاء لان الله راح يوجهك للطريق الصحيح انشالله.
ولما تجي تحسب حسبه المال خذ الاحتياطات يعني مثلا لو تحسبها على الاسعار اللي عطوك اياها بتلاقيه 50 الف دولار كندي حط عليها 10 او 15 الف دولار كندي احتياطات نصيحه وانا متأكد انك راح تصرف منها لان الطيران في اشياء كثيره مااحد يقولك عنها تتطلعلك وانت تدرس وممكن تحتاج الى ساعات اضافيه عشان تاخذ الرخص يمكن المدرب يقولك مااقدر اوقعلك الا لما تاخذ ساعات اكثر عشان تاخذ خبرة.
الدعاء الدعاء الدعاء والله يكتب اللي فيه الخير للجميع ويوفق
حرنا والله و معد تعرف وين تدرس يعني هارفس سعرها مرتفعة في مقاطعة رخيصة وبرد و langley رخيصة في مقاطعة غالية بس الله يكتب الي فيه الخير للجميع