بالنسبة لي :
- سافرت للأردن للدراسة من جدة - عمان بطيارة اي ايرباص الغبرة وطلعنا شلة وأخذنا في الرحاة ساعة وعليها يوم وصلنا عمل هبوط انطفت الكهرباء علقنا في الرن ويه وقفلت اللمبات مافي مكيفات جلسنا ساعة امكن جلسنا نطالع في بعض اش الهرجة اش فيه وبس جابولنا تق اللي يسحب الطيارات (فشيلة) تقول معانا كرسيدا وقفت في الاشارة وجاى ونش سحبنا..
- ومرة كنا جايين من المغرب كازابلانكا - جدة الرحلة كانت مملة أقلعت العصر وصلنا عالصبح كانت رايقة الطيارة ولا اتهزت هزة وحدة المهم يوم قربنا من جدة والناس نعسانة ونايمين وشوية جانا مطب تقول ضربنا في جبل والله الكل نط من مكانه وقاموا مفجوعين وخايفين وهزهزة وترقيص في الطيارة والله انا انفجعت كم مرة طلعت طيارة بس أبدا مو مطب هادى تقول زلزال في الطيارة المهم عدت على خير الكل نزل جدة مصدع اللي يمسك في الرأس من كثر الخوف والغضب ماله نفس يطل في أحد
:protest: :protest:
- ومرة طلعت من جدة - الطائف رحلة قصيرة بس مطبات تعور البطن المهم كنت جالس عالمقعد وطلبت عصير تفاح لو تشوف المضيفة تقول اندرتيكر أعوذ بالله قلت شكلهم مختصين لحقون الطائف مايأذوهم المهم يوم أدتني العصير قلتلها أبغى ثلج راحت وجات وانا كنت مقدم على القدام عشان العصير ماينكب وفي يدها جالون الثلج ملياااان وظهري مفتوح من رقبتي عشان مقدم المهم وجانا مطب على جيتها من ورايا وتطير كم ثلجة دخلت في ظهري
وبررررررد وقمت بسرعة اجيب الثلج طاح ورا وادخل يدي اجيبها نزلت في البنطلون يالهوي :3d_002::3d_002: وجري عالحمام وطلعوا بعد ايش المهم وجاتك المضيفة واسفين وسامحنا واغفرلنا وعديها سوت هرج كثير قلتلها طيب جيبي جالون عصير التفاح ((<--- يموووت في العصير التفاح)) والله وجابتو وأخذته
وعلى البيت عدل.
مشكور عالموضوع ...