[Avionics Technician]

يا شباب انا بس حاب انكم ما تقلقو ترى من يوم ما اختبرنا اول اختبار لغاية ما باشرنا التدريب كانت فترة طويلة اكثر من ثلاث شهور وشكينا كثييييير انه انسحب علينا سيفون بس الموضوع طلع انهم قبل ما يقبلون الشخص قبول نهائي اول شي يرسلو معلومات تفصيلية عن المتقدمين للإستخبارات عشان ياخذو تزكية منهم انه الشخص ذا ما عليه اي شبهات والعملية ذي بتاخذ وقت زي اي معاملة حكومية ذا غير وثيقة خلو السوابق وتحليل الكشف عن المخدرات والكحول في الدم.

طبعاً الشي ذا ولو انه يطول وممل بس مهم جداً لأن منسوب الشركة وخاااصة زي وضعنا الفنيين يعني بيطلعو على معلومااات واسرار كثيييرة للقوات الجوية السعودية ولا سمح الله لو اشتغل واحد يبي يضر البلد بيقدر ,, عشان كذا لازم يتفحصو كل شي بشكل دقيييييق جداً

فاحسن شي كل واحد يتوكل على الله ويصبر واللي فيه خير ربنا بيقدمه انشالله

وبالنسبة للموظفين في سابك وارامكو وغيرها احب اقول انها معادلة طويلة لازم تحسبها تمااام يعني اذا كان اهم شي عندك الراتب فالراتب اكثر بكثييير من الرواتب اللي ذكرتوها بس حط في بالك انه بعد تعيينك بتكون انت تابع للطيارة يعني لو جا قرار بنقل الطائرة من قاعدة الى قاعدة لازم تروح معها واذا كنتم عالتايفون فوضعكم اتوقع انه بيكون انشالله افضل من وضعنا من ناحية العمر الافتراضي للطيارة (جديدة) يعني ضامن انشالله الاستمرارية بس لازم تواجهكم مشاكل بالتدريب وشوية لخبطة لانها طيارة جديدة ومالها انظمة تدريبية سابقة يعني ببالعربي كذا بيجربون عليكم البرنامج وبيحاولو يعدلو فيه في الدفعات القادمة.

في شخص سألني عن طائرة ال بي سي 9 ووضعها وبرنامجها
هي طبعاً مقرها في الرياض في كلية الملك فيصل للطيران وتستخدم لتدريب طلاب الكلية على الطيران واجمل مافي الموضوع ان الطيارات التدريبية غالباً ما يكون سهل التعامل معها وصيانتها وكونها بدائية يعطيك فكرة اكبر كمتدرب عن انظمة الطيران بشكل واضح اكثر من الطائرات المعقدة (على فكرة الطائرة مروحية أو Turbofan
بالنسبة للسفر الى بريطانيا ما بيكون الا لتخصصات معينة فقط حسب توفر الادوات التعليمية في السعودية من عدمها
يعني انا اذكر من دفعتنا الشباب اللي اشتغلو على ذي الطيارة وسافرو لبريطانيا كانت التخصصات مثل Egress وذولي قعدو اطول مدة وذا تخصص خاص بكرسي الاقلاع في الطائرة وعندك برضو الكهربا و وتخصص التحكم بالصدا ووغيرها اذا ما خانتني الذاكرة

وبالنسبة للواتب راح تكون بالظبط متساوية لجميع التخصصات وجميع الطائرات وتتغير فقط حسب وضعك في التدريب يعني لو كان عليك ملاحظات او غياب او رسوب ممكن يزيدون رواتب اللي معك وتفضل انت زي ما انت لغاية ما تحسن وضعك

عموما بالتوفيق للجميع