[سفرياتي]

بعد مادخلنا الاراضي الكمبودية توقف الباص عند ساحة فيها محل للصرافة والسيارة اللي بتنقلني لمدينة سيام ريب متوقفة والسواق ينتظرني


نزلت صرفت المبلغ المتبقي معي من العملة التايلندية (بات) وحولتها الى (ريل) كمبودي


وهذي صورة لعملة كمبوديا جديدة



10000 ريل كمبودي = 2.5 دولار


وركبت شناطي فالسيارة وانطلقنا على بركة الله الى مدينة سيم ريب توقفنا عند محل يعبي السيارة (قاز)



لاحظت وحنا فالطريق ان الكمبوديين يرشون اللي يمشون برجولهم بالماي ماتوقعت ان الكمبوديين عندهم احتفالات مائية مثل التايلنديين

وهذي صورة لاطفال معهم بوادي يرشون اللي يمر من جنبهم





مشينا حوالي 50 كيلو والمتبقي تقريبا 210 كيلو على كلام السائق مافيه لوحات ارشادية و90 % من المسافة الى سيم ريب طريق صحراوي كأنك طالع للبر

وفيه اعمال صيانة وعلى كلام السائق لهم 3 سنوات على هالصيانة !!

فالطريق صادفنا امطار عاد تعرفون المعاناة امطار و طريق ترابي ( ريغه ) والسيارة صغيرة

بصراحة حمدت ربي اني احسن من غيري تخيلوا فالنقل والتنقلات يعتمدون على مكينة مثل ماطور الماي القديم و فيه سيور مشبوكة في مكرات وصندوق مصنوع من خشب ومافيه شئ اسمة دركسون نظامهم نظام سياكل حديدتين يحركها

وترى هذي وسيلة النقل اللي يعتمدون عليها اغلب الكمبوديين واذا حصلت سيارة بتلاحظ ان ماعليها لوحات !! وبعض الشاحنات والباصات قاصين التنده !! < يعني مقصوص سقف الموتر !!


بعد 4 ساعات وصلنا الى المدينة المقصودة سيم ريب