[mhd83]

بسم الله الرحمن الرحيم ...اولا الف مبروك على القبول وانشالله تشوف الخير بهالشركة .
مابعرف اذا بدأت الدورة ولا لسا ....بس رح حاول اكتب اللي بعرفه عن التدريب اللي عملته في JATS
انا عملت تدريب عن سلامة المقصورة وهو عبارة عن قسم نظري بيتكلم عن فوارق الضغط وتأثيرها على الركاب والطاقم وكيفية تجنبها وايضا عن الحريق في الطائرة وكيفية التعامل معه وبكره انشالله لما تلتحق بالتدريب رح تشوف كم فلم مصور عن هالشي...وايضا عن سلامة المسافرين فيما اذا تعرضوا لنقص الاكسجين او حالات الخوف ...وكيفية التعامل مع المواد الخطرة اثناء الرحلة والتعامل مع الخاطفين والكودات المتفق عليها بين الflight crew والcabin crew...وفي اشياء غيرها.
يعد هذا رح تاخذ عن معدات الطائرة مثل عبوة الاكسجين وطفاية الحريق وسترة النجاة وباقي المعدات الموجودة على الطائرة ..طبعا هذا الدرس عملي ونظري ...واخر شي رح تعمل مناورة داخل الكابين عن كيفية اخلاء المسافرين في حالة الطوارئ على الارض....المناورة الثانية رح تكون كمان نفس الشي بس اصعب شوي... في البحر (في المسبح)بكون موجود قارب مطاطي كبير (raft)وبتكون لابس سترة النجاة وهنا عليك ان تقفز من باب الطائرة او انك تمثل دورالغريق ...في اشياء كتير رح تساويها في الماء مثل تركيب الخيمة والتجديف بالفارب وما الى ذلك ...اما بالنسبة للسباحة: انا كمان مابعرف اسبح ...وقدرت اتخطى الدورة ونجحت فيها لانه رح تكون لابس سترة النجاة وهذا الشي رح يمنعك من الغرق ...وهلآ انا مسجل بدورة سباحة لانه الافضل انه الواحد يتعلمها ...انتهى.
ارجوا ان لا اكون قد اطلت عليكم وان اكون افد قدر الامكان بمعلوماتي المتواضعة وشكرا للجميع.