بناء على طلبك يا سيدي العزيز
فانا لا استطيع ان ارد لك طلب
كتبت خاطره جديده وهي بالعاميه اتمنى انها تعجبكم
اسمها عمره ماكان ليكي
بعد فراقنا بسال عنك كل ليله
بس مش بلاقي اجوبه
ليه حالي كل ليله ..هو نفسه سنين طويله ..
حاسه نفسي من بعد حبه خلاص حياتي مستحيله
وافضل اسال عنه كل ليله
ومش بلاقي اجوبه
وافضل تاني اكرر نفس الاسئلة
واقول لقلبي :
يعني مش حاسس باللي بيا
ولا مش وحشاه عينيا
وفين راح خوفه عليا
وفين راح حبه اللي ليا
ياقلبي حن ليله عليا
قولي ليه ضاع من ايديا !!
فيرد قلبي عليا باسئلة !ويقولي ..
يعني لو واصله غرامك ..
ولالو حاسس آلآمك ..
ولا لو فاكر كلامك ..
يبقى فين خوفه عليكي ؟
يبقى مش وحشاه عنيكي
صدقيني مره واحده
هو عمره ماكان ليكي
هو عمره ماكان ليكي ...
اتمنى انها تعجبكم
اختكم هاجر