اهلا بيكى داعية الخير
منورة المنتدى ..
بالنسبه لاسئلتك بجاوبك عليها
..
1- بعد تقديم السي فى ماذا يحدث؟
بعد تقديم السى فى للشركة بيتم الاتصال بيكى لو لاقو انك مناسبه من حيث المواصفات والمؤهلات بتاعتك ..
2-وما هى مواصفات الصورة المرفقه معه؟
الصورة اولا خلفايتها بيضاء
صورة 4*6 للوجه
وصورة بالطول تقريبا 5*10
اللبس يكون كلاسيك طبعا بعيدا عن الجينز والكاجوال
يفضل جيب وبلوزة وجاكيت
او بدله كلاسيك
والبدله او الجيب والجاكين يكونو لونهم اسود يفضل او كحلى
والقميص يكون ابيض والطرحة تكون لونها متناسق
الواقفه تكون معتدله ويكون الرجل مقفوله والايد جنب الرجل وتكون الصوابع باينه ومفروده بطريقة انسيابيه
3-هل يقوموا باخطارنا عن الانترفيو ؟
اه اكيد لو لاقو انك مناسبه لهم هيتصلو بيكى ويحددو ميعاد للانترفيو
4-وماذا يتم بها كل شخص يدخل منفردا ويتم سؤاله ام مجموعات لانى سمعت ان الامراتيه يكون فى شكل مجموعات واسئلتها غريبه هل الشركات السعودية مثل الامراتية ؟
فى الخطوط السعودية بيدخل كل شخص بمفرده على حسب مسمعت
ولكل شركة اسلوبها واسئلتها
مش كل الشركات زى بعض
بس طبعا الاماراتية مختلفة شوية عن السعودية
الاماراتية معروفة بصعوبة اختباراتها
السعودية اسهل مش تقلقى من ده مدام معاكى لغة انجليزية كويسه
5-وكم شخص يقوم بسؤالنا؟ وهل تكون باللغة العربيه ام الانجليزيه؟
بتختلف بردو من شركة لاخرى
ممكن شخص او اثنين او ثلاثة
وبتبقى باللغة الانجليزية عشان يعرفو مستوى اللغة عندك .
6-وماذا يتم بعده هل نضخع لامتحان اللغة الانجليزية؟ وهل يكون شفوى ام تحريرى؟
لأ اللى سمعته عن الخطوط السعودية ان مفيش اختبار انجليزى للبنات
واللى اتقبلو قبل كدا مجرد الانترفيو وخلاص على الاساس ده حددو المقبولات
7-واين نخضع للكشف الطبى هل يكون فى البلد التى يحدث بها الانترفيو ام فى السعودية؟
الكشف الطبى بيكون فى هيئة الطيران المدنى فى المكان اللى بيتعمل فيه الانترفيو
هنا فى مصر كان فى هيئة الطيران المدنى
ولو فى المغرب اكيد بيكون فى المكان المعادل له
مش فى السعودية
8-والكشف الطبى لقياس الطول والوزن ام يكون كشف على الاذن؟
الكشف الطبى بيكون شامل كل شئ
قياس الوزن والطول والاذن والنظر والتنفس وتحاليل الدم كاملة واشاعات ورسم قلب
كشف شامل ..
..
اتمنى اكون قدرت افيدك
وتحت امرك فى اى استفسار اخر
بالتوفيق ,,