حبايبي الله لا يهينكم انا حطيت الموضوع على شان نساعد بعض مو نتهجم على بعض واقولكم شغلة على فاست المدرسة كويسة وهي ب 31 مو 30 وعندهم 4 طيارات 152 _ و3 طيارات 172 - طيارة واحدة 150 - وطيارة ملتي انجن تدفع 4000 دولار هنا بجدة كوميشن واول ما توصل تدفع 5000 دولار وتقريبا بعدها ب 10 ايام او 15 يوم تدفع تقريبا 4000 دولار
والسكن على حسابك وبالنسبة للجراوند سكول في مانيلا والطيران في قرية لنقيان عندهم مدرج ولاكن مو كنترول ولا فية ايلس او فيو ار ومدة الطيران من مانيلا الى لنقيان ساعة وارعين دقيقة وبالباص 5 ساعات تقريبا هذا بلنسبة لفاست
اتمنى اني اكون اعطيتكم صورة واضحة عن فاست
شف حبيبي فاست انا اشوف انها افضل مدرسة من المدارس الموجوده حاليا في الفلبين الي بهذي الاسعار اقصد بحدود الثلاثينات في مدارس افضل واقوى بس من ال 45 وانت ماشي
عموما حبيت اوضح بعض النقاط عن فاست
اولا الطيارات ترا مرة كثير مو بالعدد هذا الي انت ذكرته
ال 152 ما ابالغ لو قلت فيه اكثر من 8 طيارات وال ا172 فيه 4 والخامسة في الهنجر بتتزبط
وال 150 مافي غير حبة وحدة رقمها 991
من ناحية طيارات زي الليل ما عندك مشكلة
اما من ناحية لنقيان يا طويل العمر
هذا احسن مكان تتعلم فيه لا في تور يقول لك وقف ولا في احد له شغل فيك اقعد نقز الين بكرة لحاااااااااااااالك زي الخبل الين ما تدوخ وتقول للكابتن يرحم امك نزلني
ترا كون المطار مو كنترول هذي نقطه في صالحك مو ضدك وانا سالت كثييييييييييييييير كباتن اول شي سالوني المطار كنترول ولا لا
وبالاجماع المطار الي ما فيه كنترول افضل لانك تسوي تتش اند قو قد ما تبغا وتستفيد من كل دقيقة وانتا في الطيارة وتتعلم صح
لانه يا حبيبي مثلا ناخذ مطار مانيلا على سبيل المثال
مطار كنترول واخر حلاوة ومطار كبير ودولي وفيه كل شي فيو ار دي ام اي و كمان اي ال اس
بس في هذا المطار ما تقدر تطلع وتنزل بكيفك لانه انت تنزل وتشوف طيارة 747 جالسة تستنى حضرتك تنزل
وتشوق طيارة ماسكة هولدنق عشانك
فمو معقول يعطول الفرصة وانت جاي تتعلم ويعطلوا رحلات الخليقة على حسابك ولهذا تاخذ وقت مرة طويل اوقات تستنى عشان تقلع او تنزل
عموما انت في البداية ما تحتاج اي شي غير انك تتعلم تقلع وتنزل الطيارة يعني بالعربي تطير تعرف كيف تطير وتسوي لاندق وتيك اوف وتعرف كيف تتحكم بالطيارة فوق وخلاص
بعد كذا لما تخلص الكلام دا وتخش كرس كنتري وتخش في النسترومنت ما راح تشوف لنقيان هذي راح تنزل في مطارات كثيرة كلها فيها فيو ار وفهيا كل شي انت تبغات وتبغت تشوفة وتفهمة لا تخاف من هذي الناحية
القراوند سكول انا بصراحة شفت اكثر من مدرسة ما ناسبني
هو الصراحة ممتاز واكثر من ممتاز لكن يفتقر الي ان يكون من القليم
يعني راح تاخذ معلومات مرة حلوة وكويسة بس لما تفك القليم راح تحس نفسك مانت فاهم ولا شي
لما تبدا تقرا وتفك الرموز راح تلاقي في اشياء ذكرت في القراوند وفي اشياء ما ذكرت اصلا هذا بكل صراحة لاني انا ما احب اجامل ولا اكذب انا اقول لك الوضع الي انا شفته
قد يكون لسسب ما اني انا اصلا جاي فاهم اشياء كثير ومعلوماتي كلها من قليم وفي الفلبين مافي احد يدرك القليم كامل من الجلدة للجلدة الا من رحم ربي وبالاتفاق ووو شغلة طويلة
بالنسبة للدفعات والامور المادية اذا فلوسك جاهزة انتا راح تدفع اليو ولا بكرة فما فرقت
اذا قروشك مو مرة جاهزة ادفع الدفعة الاولى وفهمهم بس اصدق معاهم متى راح تدفع
في شي مرة مهم في المدرسة هو وضوح التعامل والعالم تبغا تخدم الطالب الي يحسسهم انه يبغا يتعاون معاهم صراحة هذا شي لمسته وشافة اي واحد درس في فاست
المديرة صراحة مرة محترمة ومرة متفهمة ومتعاونه الى ابعد درجة وكلمتها وحدة ولا عندها اساليب ملتوية مرة كلمة ورد غطاها ما تحب تلعب لا يمين ولا شمال وفزيييييييييييييعة الصراحة حتى لو عندك مشكلة برة المدرسة هي تساعدك وحصلت مشاكل لشباب وحلتها بطريقتها عاد ما ندري ايش سوت بس المهم انت تكون في السليم
عموما نظرة عامة عن المدرسة المدرسة فيها عدد طيب من الطلاب والطيارت مسفطة على كيفك مافي مشاكل
راح تتعلم اشياء مرة حلوة وكل حاجة تتعلمها راح تتعلمها صح
من ناحية اول شي ما تعرف الطيارة راح تعرفها صح في لنقيان
بعد ما تعرف الطيارة وتبدا كروس كنتري راح تطلع وتنزل في اكثر من مطار من ضمنها مطار مانيلا
الجزء الاهم في مطار مانيلا هو الكمينكيشن كيف تقدر تتكلم مع التور وكيف تقدر تفهم التور ايش يبغا في البداية راح تحس انه عمرك ما راح تسويها بس راح تسويها بس يبغالها شجاعة شوية بس اول مرة راح تاخاف بعدها عادي امورك تمشي زي الحلاوة
والكابتن راح يدربك ويخليك تتكلم مع تورات من المطارات الصغيرة اول وبعدين يفلتك على مانيلا لا تخاف راح يعلموك
السمليتور في المدرسة راح تستفيييييييييييييد منه مرة كثير
اتمنى اني نقلت لك الصورة كاملة والله من رواء القصد
وبالتوفيق وعقبال ما نشوفك على 380 سولو هههههههههههههه