[جون بارنز]

اسوأ رحلة كانت اخر رحلة دولية على الخطوط السعودية من خمس سنوات (حلفت من بعدها مااركب خطوطنا على الدولية) ومن نيويورك الى الرياض عن طريق جدة . عند الاقلاع من نيويورك ظهرا كان بجانبي راكب سوداني وانا على الشباك. كنت اقرأ في كتاب اخذته من المطار والا بالاخ السوداني يقول ان المضيف يكلمني. نظرت للمضيف فقال لا مش هوالمضيف الثاني اللي في الممر الاخر. قلت طيب اذا عايزني اكيد بيكلمني مرة اخرى. شوي والسوداني يقول اهووه الحين يناديك. نظرت في المضيف وهو ياشر الي ويقول اغلق الشباك. حسبت الموضوع تقني . سكرت الشباك وجلست اسولف مع صاحبنا السوداني وبعد نصف ساعه فتحته لكي اكمل القرائة.جاء المضيف وقال يااخي سكر الشباك قلت عفوا ليش؟ حنا في النهار صحيح الركاب اللي امامي وخلفي مقفلينه لكن هذا من حقي ( انا استغربت لان الكلام يجيني من مضيف في ممر اخر والمضيفين اللي عندنا مااحد سأل). المهم قال عشان عيوني .... قلت اسف وسامحني. وسكرت الشباك وفتحت نور القرائه. الا والاخ ينادي ويقول يااخي طفي النور. ههههههههههههه قلت له : لأ . لو تقول عشان عيوني انا اول ماوصل السعودية بروح لخالد مطر واقول له عندكم مضيف خصصو له طياره مظلمه...وانك غير لائق طبيا. انا وصلت معاي لاني مانمت جاي من رحلة لوس انجلس 6 ساعات وانتظار في المطار 5 ساعات. صاحبنا السوداني الله يذكره بالخير فطس ضحك وقام للحمام...والمضيف اختشى ومشي. رجع اخونا من الحمام وقال اقول لك يازول تعرف هذاك الراجل ليش عايز تغلق النافذة؟؟ قلت ليش؟ قال انظر في المقعد اللي خلفك. نظرت وايش شفت؟؟ خير اللهم اجعله خير. مضيفه رافعه الفاصل اللي بين المقاعد ونايمه. بصراحة خجلت وغضبت في نفس الوقت.ووصلت جدة وتفاجات انو لازم ننزل في المطار ونرجع نفس المقعج لان الرحلة مواصلة للرياض. ووصلت الرحلة للصالة الداخلية في مطار الملك خالد (لانها تحولت داخلية) وضربناها كعابي للصالة الدولية نستلم العفش.بالرغم ان رحلة الرياض نيويورك وقفت في جدة ونلونا من الطيارة وسوينا تشيك ان مرة ثانية وتاخرت 5 ساعات.تخيل تقلع من الرياض الى نيويورك الساعة 10 مساءا ويجي الصباح وانت باقي في مطار جدة. من بعدها توووووبة.للاسف حسبت المبالغ اللي صرفتها في الخطوط الاجنبية ولن تصدقوا انها فاقت المئة الف ريال من بعد ذلك اليوم. انا لااعمم وفيه مضيفين قمة في كل شيء.ولكن هذي حرية شخصية