[first row]

شكرا اختي الشمعه على مشاركتك بهذه التجربه التي ارجو ان يستفيد منها من يقرأها ..
تصرف مشرفك كان ممتاز في تعامله معك ومع العميل .
ذكرتيني باهمية الاشراف الفعال والمهم في تسهيل العمل للموظف وانجاحه .حيث ان سوء تقدير المشرف قد يسبب المشاكل.
حدثت معي قصه عندما كنت اعمل في نفس المجال .في احد الايام كنت امر بحاله نفسيه سيئه ومع بداية الدوام ذهبت للمشرف وشرحت له ضروفي وطلبت منه اجازه لمدة اسبوع .لكنه رفض ..طيب ثلاثه ايام ..برضه ما رضي ..رغم ان لي فتره ستة اشهر ما اخذت اجازه ..وطبعا العذر ان مافيه موظفين كفايه.
المهم رجعت مكاني وبدأت في اخذ المكالمات لخدمة الركاب ..وحوالي الساعه 11صباحا استقبلت مكالمه من عميل كان يتكلم من راس خشمه وكان عنده حجز درجه اولى من الرياض الى جده ..وطلب مني تاكيده .وماسك في تاكيد حجزه وانه انتم تقدرون لابغيتم وانتم وانتم ...طبعا رديت عليه بتهذيب ان الرحله مليانه الان بس يتأكد حجزك لما يجي دورك في الانتظار.
قال : انا اكلمك من مكتب فلان (وزير)ولازم اطلع هذي الرحله.
قلت له: ممكن تتكلم مع مشرف الحجز في الرياض لان هذي رحلتهم وهم عندهم الصلاحيه في التصرف فيها.(طبعا هو متصل من الرياض وانا في جده)
قال بصوت مرتفع : وليه اتصل على مكتب الرياض وليش ماتخدمني انت وش الي تسويه عندك لو اكلمك من اسرائيل لازم تخدمني .
عاد انا يوم رفع صوته وخصوصا لما قال اسرائيل فقدت اعصابي .
قلت له . اساسا لايشرفني اخدمك لا انت ولا اشكالك ...(وكلمه ماتنكتب) ورميت السماعه وقفلت الخط عليه ..
رحت للمشرف وقلتله على الي صار ..وانا معصب ..قلي طيب هد شوي وروح خذ بريك
.على الساعه اثنين بعد الظهر جاني استدعا من المدير انا والمشرف ..
رحنا على المدير قال لي ان فلان الفلاني اتصل يشتكي منك وانك قلت وقلت ..
قلت صحيح ولو اشوفه قدامي اتوطى في بطنه ..
بدا ينصحني ان الامور ماتجي كذه وانت معروف عنك اخلاقك و..الخ
شرحتله ان عندي ضروف خاصه شرحتها للمشرف ماثره على نفسيتي ومارضي يعطيني اجازه .
قلي طيب جيب طلب الاجازه وانا اوقعه.
طبعا كان تصرفي غلط في غلط لكن احيانا تفلت اعصاب الواحد . وكذلك عدم تفهم المشرف المباشر له دور كذلك .وكانت تلك اول وانشالله اخر مره اغلط .