فالبدايه انا روحت قدمت يوم31/1 طلعت مكان التقديم الدور الثالث وكان في عدد بنات مش كتير كانت الغرفه اللي بنسلم فيها السي في كانت فيها استاذ هو اللي بياخد السيفيهات من البنات ويقوم بمراجعه اوراق كل واحده ويراجع اوراق مثلا 5 بنات ويدي ابليكيشن يتملي بالعربي وبعد كده تخدي الابليكشن مدبس فيه اوراقك وكانت في مضيفه في نفس الحجره تجتمع بالمجموعه اللي تم مراجعه السي في بتاعهم وتقوم فقط بالمساعده للبنات والاجابه علي اي استفسار بجانب عرضها لبعض الارشادات للاستفاده منها في الامتحان القادم ونملي الابليكشن ونسلمه لنفس الاستاذ واداني ورقه فيها ميعاد امتحاني انشاء الله يوم3/3وعلي فكره في بنات ما عملتشي انترفيو مع المضيفه لانه عادي مش لازم يعني بس اللي عمل معاها انترفيو بيحكي اللي قالتو لانها تعبت من كتر الكلام انا بس حظي اني عملت معاها انترفيو وكان معايا حوالي 5 بنات اول حاجه سألت في حد قدم قبل كده قولنا لا وسألت اسمك ايه ومتخرجه من ايه والسن وبعد كده قالت انتو انهارده علشان تسلموا السي في فقط والاستاذ هيحدد لكل واحده ميعا امتحان الانجليش القادم وقالت عباره عن 30 اختياري فالقواعد و براجراف10 اسطر انتي وحظك سواء موضوع ايجابي او سلبي وبعد كده في نفس اليوم هيكون في لجنه هتمتحن شفوي والاسئله مثلا عرفي نفسك اسئله بسيطه وكمان هتقري من مجله وهيقولك ترجمي اللي قرتيه.. ولازم تكوني رفيعه المضيفه قالت انهم عايزين ناس رفيعين وفي تناسق بين الطول والوزن يعني التخينه شويه تخس من هنا لغايه ميعاد امتحان الانجليش والبس يكون فورمال يعني جيب وجاكت وقميص تحته والجيب تحت الركبه بشويه صغيره وبلاش البس اللي بيلمع او الشربات الكرستال والميكاب خفيف والشعر مافهوش فرم ولا كيرلي ولا لونين وبلاش اكسسوار كتير بلاش اصلا وانك تنتبهي مع اللي هيقوم معاكي بالمقابله الاجابه علي قد السؤال بس بعد لما ننجح في امتحان الانجليش انشاء الله هيتم تحديد ميعاد الكشف الطبي وبالتوفيق وادعولي وانشاء الله هحكي اللي هيحصل يوم امتحاني الانجليش 3/3والله انا خايفه موت ربنا يستر وهذا ما حدث وبشكر اخي الغالي اخ كابتن ميدو علي اهتمامه بأعضاء المنتدي
اختي ايمان
جزاك الله كل خير على ردك
انا حصل لي كل اللي انتي قلتيه ده بس انا ميعاد امتحاني يوم 17/2 يوم الأربعاء الجاي بس انتي متأكدة ان الأنترفيو نفس
يوم امتحان الأنجلش علشان بس انا كنت عاملة حسابي انهم يومين مختلفين وكنت هالبس طقم يوم الأمتحان غير يوم الأنترفيو
وكمان لو انا لبست جيبة كلاسيك طويلة عادية لحد القدم يوم الأنترفيو
ينفع برضه ولا لازم برضه تكون تحت الركبة
بالله عليكي تردي عليا على بكرة علشان ماتزنقش يوم الأربعاء