بسم الله الرحمن الرحيم
السلام عليكم ورحمة الله وبركاته
حبايبي كيف حالكم انشالله طيبين شلون صحتكم ياربي تكون تمام
انا اليوم جايبلكم قصيدة تشكو حالنا هذه الأيام والله المستعان انا عجبني صدق الكلام اللي فيها....اترككم مع القصيدة:
القصيدة تقول:
الفكر ضد الموت في كل الأوقات
واللي عايش بليا فكر,,عايش بتابوت
الصح منه يدوم ويخلد اموات
ولا الغلط مجرد سنين ويموت
والشعر لو ماصار ساعي قناعات
يصبح حكي لكن على هيئة بيوت
والصدق مفتاح الكرامة ومنجات
يكسيك من لبس الثنى مشلح وكوت
والكذب نقص عقول وفعول..واثبات
بان اغلب الياقوت ماهو بياقوت
والحب احلى شي الا....مع الذات
والدار اغلى شي الا....بلا قوت
والدين عز وهيمنة وانتصارات
لاصار قول وفعل وجهاد وقنوت
يوم المشايخ قبل عصر الدويلات
تنقل كفن وسلاح,,ماتنقل بشوت
في وقتها ياهل الخطب والشعارات
سالت دموع العز من عين جالوت
وفي وقتنا ياصانعين القرارات
نضحي بغزة على شان بيروت
والفرق شاسع ياصراع الحضارات
والقول أكيد وبالأدلة ومثبوت
الماضي امجاد وشموخ وفتوحات
والحاضر مهايط ومقهى وبالوت
وأمر وأدهى ماهو قادم و ات
لاصار واقعنا مبهذل وممقوت
يمثل الأمة بالأمة عصابات
وعلى خراب بيوت تتعمر بيوت
جلسات سرية على شان جلسات
تفوت اللي مستحيل انه يفوت
واللعب واضح في جميع المجالات
بتشوت!؟صلحلي,اصلحلك تشوت
والخير بين في وجيه البشاوات
والشعب مستهلك ومتعب وكبوت
حرية الرأي اختصاص القيادات
وحنا تخصص ذل وانصات وسكوت
ياصاحبي خل القصص والحكايات
وش ميزة التوت ان فقد لذة التوت..!؟
ان مت من قول الحقايق سهالات
على الأقل بتدري على ويش بتموت
لكن المشكلة ماهي فكثر الأصوات
المشكلة لاصار ماللعقل صوت.
اتمنى ان تنال على اعجابكم الشاعر في القصيدة يحكي حال الأمة العربية ككل اتمنى انها نالت على استحسانكم..
اترككم في رعاية الله..
تقبلو خالص حبي وتقديري...