مساء الخير يا داعية الخير
هو فى حالتين بيتموا فى موضوع اختيار المضيفات وحالة منهم هى الى بتحصل
اولها اولا شركات الطيران بتيجى مباشرة على المعاهد لانة يعتبر اضمن مكان يكون فية ناس متدربة وكويسة ولكنهم بيكونوا عاملين حسابهم انهم بعد الذهاب للمعاهد هيعملوا اوبن داى لاى سبب من الاسباب البنات الى عجبوهم قليلين ومحتاجين اكتر ودة الغالب لانك صعب تطلعى من معهد 100 بنت عشان كدة بيعملوا اوبن داى
ثانيا الشركات مباشرة بتعمل اوبن داى مثلا فى كايرو ( تقديم سفيهات ) وطبيعى ان يكون فى بنات اتقبلت ( من معاهد او غير معاهد ) مثلا من اليكس فيحددوا ليهم يوم وبيجوا ليهم فى اليكس فى المكان الى بيحددوة
يعنى من الاخر معاهد الضيافة كلها ليها وظائف معينة وهى
1- التريب طبعا على الضيافة الجوية
2- تقديم السيفهات اون لاين ومراقبة شركات الطيران الى بتطلب مضيفات ومضيفين
3- التديب على الانترفيو يعنى كيفية اجتياز الانترفيو
مستحيل تلاقى معهد ضيافة بيعمل اكتر من كدة ولا المعهد ولا بيكون واسطة ولا اى حاجة والا كانوا سموة مكاتب عمل ولكن بالعكس زى ما قلت لنشوى هما بيمضوكى على ورقة انهم مش مسؤؤلين عن توظيفك وجربى وروح وشوف هيحصل معاكى كدة ولا لا
لكن الفروق فى المعاهد بقة بتكون اولا حسب بعدك وقرب من المكان ثانيا المصاريف فية وبيكون فيها تقسيط ولا لا يعنى انا مثلا فى معهد يعتبر مصاريفة من اقل المعاهد الى موجودة فى مصر وبيقسط وكمان لو انتى كويسة فى الانجليش بينزلك 1000 جنية ودة الى حصل معاية ولو حد يتيم يعنى باباة متوفى اساسا مش بيخلية يدفع غير 1000 جنية بس وعلى كل دة المعهد طلع وشة حلو علينا وبنات من عندنا كتير اشتغلوا راحوا الاوبن داى واتعملت ليهم الاختبارات ونجحوا ولا واسطة ولا حاجة شركات الطيران دية انتى ومؤهلاتك
( شخصية + انجليش + تدريب ضيافة + مظهر ) مش اكتر من كدة
المعهد اللي انتي روحتيه ده فين يا مايا بليز اسمو ايه وعنوانو ورقمو
