[فاطيما1984]

اقتباس:     المشاركة الأصلية كتبت بواسطة مؤمن الروينى  

صحيح يا جماعة هو فى معهد تدريب طيران محترم يكون معندوش سجل تجارى ؟؟؟
صحيح يا جماعة هو فى معهد تدريب طيران محترم يكون مش معتمد من جهة عالمية وموثوق فيها؟
صحيح يا جماعة هو فى معهد تدريب طيران محترم يكون اللى بيدرس فيه مشتغلش غير أسبوعين واتطرد؟
صحيح يا جماعة هو فى معهد تدريب طيران محترم يكون صاااااحب المعهد بيوزع فلايرات فى الopen day أكنه صاحب فطير ؟؟؟؟؟
صحيح يا جماعة هو فى معهد تدريب طيران محترم يكون الطلبة اللى اشتغلوا منه معدوش 20 طالب ؟؟؟

هاى يا مؤمن لاانا عارفة انك مش بتغلط وباين من اسلوبك انك عايز تفهم عشان كدة انا هرد عليك لان كل نقطك واضحة ومفهاش غلط خالص
اولا بالنسبة لنقطة السجل التجارى اكيد اى نشاط تجارى عايز يمشى سليم لازم يكون لية سجل تجارى والسجل التجارى دة بيتطلب ضرايب وبديهى اى نشاط تجارى بينزل اعلانات وبقى معروف وسط شركات الطيران يبقى اكيد دافع ضرايبة وبالتالى يبقى سهل علية عمل سجل تجارى معتقدقش ان بعد صاحب المعهد ماجايب كل المضيفين دول عشان يدرسوا لينا وبيدفع ليهم وماجر المكان وموضبة يبى عامل حسابة ان المكان هيتقفل بعد كام شهر لانة مدفع الضرايب وكمان صاحب المعهد اساسا عندنا رجل اعمال يعنى فاهم فى كل الحاجات دية وعارف انة من غير تراخيص وضرايب المكان هيتقفل مظنش ان فى واحد عاقل يدفع كل دة ومبيكونش دافع الضرايب وعارف انة كدة كدة مكانة هيتقفل بعد شهور قليلة ومع ذلك عمال بيدفع اكيد هو مش لاقى فلوسة على الارض
ثانيا بالنسبة لللاعتماد انا هقولك حاجة بسيطة انت لما تحب تسافر برة اول حاجة لازم تعملها اية طبيعى انك تعتمد اوراقك كلها من الخارجية المصرية دة الهيئة الى بتعتمد اوراقك الناس الى بتسافر بالخارج ومش بتدور على اى اعتماد برة لانهم برة مش بيطلبوا غيرة حتى لو انت اعتمدت اوراقك من هيئات اجنبية وغيرة وغيرة لازم لازم الخارجية المصرية نفس الحال برضة بالنسبة لمعاهد الضيافة الجوية الهيئة الوحيدة الى لازم تعتمد معهد ضيافة جوية فى مصر هى هيئة الطيران المدنى ومن غير هذا الاعتماد يبقى انت معتمد برضة بس من الخارج مش من بلدك وبالنسبة لاعتماد وزراة الخارجية دة يخص معاهد الضيافة الجوية معاهد الضيافة الجوية فى مصر ملهاسش غير اعتماد واحد هو هيئة الطيران المدنى وطبعا دى صعبة جدا لانك لازم يكن عندك طيارة للتدريب عليها وطبعا بما اننا كلنا غير معتمدين من هئة الطيران المدنى الهيئة المصرية الى المفروض تعتمد معاهد الضيافة الجوية فى مصر يبقى كلة متساوى حتى لو جبتلى اعتماد من الهند
ثالثا بالنسبة للمضيفين الى عندنا احنا عندنا كذا مضيف من السعودية والامريتس ومصر للطيران الوحيد الى فيه مش بيشتغل دلوقتى هو واحد فى الخطوط السعودية وطبعا قعد بعد ما قضى عمرة كلة فى الخطوط السعودية 20 سنة تقريبا وتقريبا كابتن اسامة عندكو يعرفة اسمة كابتن مجدى والباقى كلهم شغالين والحمد للة عادى ولا فى حد اطرد ولا حاجة انا مش عارفة انتوا جايبين الكلام دة منين وحتى لو اتطردوا تفتكر هو الانسان الى ربنا خلقة مش من حقة يغلط ويتعلم ومن بعدها يبقى احسن واحد فى النيا تفتكر الى غلط مرة يفضل محكوم علية بلااعدام تفتكر انت يا مؤمن مغلطتش مرة فى حياتك وفى شغلك ربنا اتاح لينا الغلط والى مش بيغلط بيبقى ملاك وانا مقدرش اقولك ان المضيفين الى عندنا ملاكية ولا حد على وجة الدنيا ملاك طالما كلنا اقتنعنا بالنقطة دية يبقى خلاص منعدش نحاسب الناس على اخطائهم طالما صلحوها وبقوا فى احسن المراتب دة على كلامك ان فى حد عندنا اطرد بعد اسبوعين لكن للاسف اقدر اقولك ان الكلام دة محصلش
ثالثا يامؤمن ميصحش خالص انك تقول على راجل بيعمل كل الى فى جهدة عشان المكان يكبر دة صاحب فطير مع احترامى لراجل بتاع الفطير انا شايفة ان الاتنين زى بعض دة بيحافظ على اكل عيشة ونفسة يكبر مكانة وبنفسة مش من خلال حد تانى يمكن الفرق الوحيد الى بينهم صنعة كل واحد ومستوى تعليمة عشان كدة مينفعش رجل اعمال وكبير فى السن وبيجرى على اكل عيشة تقارنة بواحد بتاع فطير دة ميصحش وعلى العموم كل واحد لية طريقتة فى اجتذاب العملاء صاحب المعهد عندكو بيقول لكل واحد بيجيلة انا المعاهد بتجيلى انا بس دة كلام كل الناس الى قدمت عندة ويكفى انك لما تيجى تدفع لية الفلوس حوال 3500 جنية مبيكونش عايز يديك ايصال بيهم ومستنى لما تكمل المبلغ انا اعتقد ان صاحب المكان لطالما دخل قرش واحد فى مكتبة النهاردة يبقى المبلغ دة لازم يطلع بية ايصال فلو كل واحد فينا اتكلم على طريقة صاحب المعهد فى شى معين يبقى انا هطلع عندك الوحش وانت هتطلع عندى الوحش وللاسف دة مش من حقنا الكلام دة من حق فقط الى بيجى يقدم عندنا هو الى يقول راية فى الطريقة دية ويكفى ان الطريقة غرضها شريف وهو جلب طلبة كتير مش احسن ما يقعد فى مكتبة وميشغلش حد ودة الى قالة مازن وانا كمان شوفتة بعينى فى اليوم انترفيو القطرية لما كنت بقول لبنت من عندكو مشتغلتيش لية لحد دلوقتى قالتلى اسامة دة الى بيطلع من عندة بينساة انا بلانسبة لى افضل الراجل الى يجرى على عيشة بنفسة ويجرى على تشغيل الناس الى عندة باكتر من طريقة
رابعا بالنسبة لموضوع محدش اشتغل عندنا اكتر من 20 طالب انا هفترض معاك ان كلامك صح مرة اية ردت على النقطة دية لما قولتلها كدة ان فى طالبة من عندكو مشتغلتش قالتلى احنا ملناش دعوة يعنى بنقول على العيوب الى فيها جرومج او انجليش وهى بحريتها تظبط ولا لا دة بالظبط الى انا عايزة اقولهولك احنا مش بنرفض حد الاالقصير لان دية ملهاش حل احنا بنقبل كل الناس وبنقولها قبلها انتى عندك عيوب فى كذا وكذا هتصلحيها ولا لا قالت اة بناخد منها الفلوس صممت وقالت لا مش هقدر مش بناخد منها فلوس وبنمضيها على اقرار بتصليح عيوبها وعلى فكرة دة بيحصل عندكوا انتوا كمان صح ولا لا مش بتمضوا الناس الى عندكو على ورقة بتقول اقر انا كذ كذا ان عندى مشكلة معينة فى كذا وكذا وساقوم بتصليحها اظن مش ذنب المعهد خالص خالص لو فى واحدة مصلحتش من نفسها صاحب المعهد مدخلش جواها وهى بتقول هصلح هصلح شاف اذا كانت كدابة ولا لا كمان انا عايزة اقولك حاجة مهمة جدا المعهد فاتح بقالة كام شهر انا كنت فى الكلاس التالت وكل كلاس 10 افراد يبقى الى دخلوا لحد دلوقتى 30 طالب وطالبة لما يشتغل منهم 20 بذمتك دية متبقاش حاجة كويسة اخر حاجة وتفرح وخد بالك العشرين الى اشتغلوا دول فى ظل منافسة عنيفة من بنات مدخلتش معاهد خالص وبنات وشباب معهدكو بذمتك وانا راضية ضميرك دية متبقاش نسبة تخلى الواحد يتفائل جدا اظن انا رديت على كل نقط حضرتك وبادب وباستفاضة وكل دة لانى حسيت من اسلوبك انك محتاج تفهم مش مجرد تغلط وبس البنى ادم الطبيعى لما بيكون فى شى مجهول ادامة يسال عنة الاول ويفهم ولو معجبهوش هو حر ولكن مش لما ميفهمش يغلط ومرسى ليك