. ومش مكتوب إيه الخطوة اللي بعد كده بس المنطقي ان الناجحين المفروض يستنوا تليفون يحدد ميعاد الكشف الطبي على ما اعتقد.
ياقمر
خطوة الكشف دى لسه شوية عليها
الاول فى اهم خطوة اللى هى الانترفيو
تقريبا بتتصلو بيهم او هما بيتصلو بيكم يحددو ميعاد الانترفيو
وتروحو يومها بلبس كلاسيك شيك
وبيقيسو الطول والوزن وبعد كدا بتدخلو واحد واحد للجنه
بتكون من 7 اشخاص تقريبا
وبيخلوكم تقرو براجراف ويقولك فهمت منه ايه
بيكون سهل مش صعب
عن السياحة او الاهرامات والفراعنه .. ( ده اللى حصل للبنات ) اكيد انتو بردو مش هيفرق
ويسألو اسئلة عادية بالعربى عن الوالد او ليه مثلا عاوز تبقى مضيف او اشتغلت فين قبل كدا
وبعد الانترفيو هتتصلو بعدها بيومين تعرفو تعرفو مين المقبول
والمقبول هيتصلو بيه بعدها بأسبوع كدا عشان فى مقابله تانى مع كابتن علاء عاشور
وبعد كدا بقى بيقولو تعالو خدو جواب الكشف الطبى
بس ياجماعه اهــــــم حاجة الوزن لانهم بيدققو فيه وبيتلككواوى
يعنى اللى عنده شوية زايدين يلحق ينسفهم ههههه
لو تقدرو كمان يكون الفرق بين الطول والوزن 110 ياريت عشان ميكونش فى فرصه تلاكيك
وطبعا الشياكة والمظهر بردو مهم
الانترفيو باختصار اهم خطوة واهم من الامتحان نفسه
خلو بالكم منه
بس مش تشدو اعصابكم لان اللجنه كويسة جدا وفريندلى اوى
مش بيضايقو حد بس المهم تكون عاملين اللى عليكم فى الوزن والشكل
وربنا معاكم كلكم
واللى يشوف النتيجه يقول عشان نطمن عليكم
بــــــــــــالتوفيق للجميع ..