[sm0_alr07]

بسسم الله الرحمن الرحيم..
والصلاة والسلام على من لا نبي بعده .. صلى الله عليه وسلم ..

انا يا جماعة الخير عندي والله تساؤلات كثيره .. وصار لي سنين ولا حصلت لها اجابه مقنعه .. او مرضيه بالمعنى الاصح ..

انا طالب في كلية الهندسه في جامعة الباحة قسم هندسة كهربائيه ..
وهاذي ثالث سنه لي ..

انا دخلت كلية الهندسة لجل رغبة اهلي ..

لانهم كانو رافضين فكرة سفري للدراسة برى عنهم .. يعني ما يبوني اغترب عنهم ..

وانا كانت امنيتي في شئين .. اولها اكاديمية الامير سلطان لتخريج طيراين في الخطوط الجويه السعوديه .. وثانيها كلية الملك فيصل الجويه ..

فاانا والله قرات عنها ..
بس المشكله احس اني ما حصلت جواب كافي ..

انا الاسئله اللي ابي اسالها .. هل فيه امكانيه اذا خلصت كلية الهندسه اني التحق بوحده من هاتين الكليتين .. وهل اذا كان هناك موافقه هل يعادلون لي المواد التي تم دراستها في كلية الهندسه ..
او ابدامن اول وجديد .. وكم مدة الدراسه في كل من الكليتين انا اللي اعرفه ان مدة الدراسه في كلية الملك فيصل الجويه .. ثلاث سنوات .. ولكن بالنسبة لاكاديمية الامير سلطان ؟

وابي اسال كلية الملك فيصل ايش تخرج بالضبط ..؟

وابي اسال انا اعرف الشروط .. ولله الحمد كلها منطبقه علي ..
الوزن والطول والفحص الطبي والنظر . لكن هل اكايمية الامير سلطان هل الدراسه فيها مجانيه والا على حسابي لاني سمعت انها بالفلوس يعني خاصه .. والترم بخمسين الف ريال مع اني دورت على هذا الكلام في النت ما حصلت شئ يثبت لي هذا الكلام ..

وتكفون والله العظيم اني في حيرة من امري ولازم ادرس في احدى هاذي الكليتين .. علما بان معدلي في كلية الهندسة فوق 3 من 4 ولله الحمد .

وايش هي المتطلبات في كلتا الكليتين يعني اللي اعرفه انه في اكاديمية الامير سلطان يركزون على الانجليزي
ولكن في كلية الملك فيصل .؟

والله يجزى اللي يرد على اسئلتي خير الدنيا والاخرة .. تكفون هاذي والله اول مشاركه لي هنا .. وباذن الله احصل الاجوبه الكافيه ..