اخي الكريم اشكرك على طرح الموضوع ,,
واحب اقلك في الاول والاخير الانسان دايما يطمح للأفضل ويدور على حاجة تخليه مرتاح اكثر ,,
وفعلا كل مازادت خبرتك في شركتك الحالية بتعطيك الشركات التانية عروض افضل للعمل معاها ,,
مثلا في السعودية سما وناس والخطوط السعودية شركات متنافسة ,, قد تعرض الشركتين مميزات لموظفي السعودية لإغرائهم والعمل لديهم للاكتساب من خبرتهم ,,
ايش المشكلة في دا الموضوع طالما اني بحثت وشفت ان الشركة التانية افضل لي ممكن تكون افضل معنويا وممكن علميا وممكن ماديا ,,
كل شخص يدور على الشي اللي يفتقده في شركته ,,
انا مثلا صحيح راتبي مو هذاك الشي المتعارف عليه في عالم الطيران ولكن مرتاح مادياً وينقصني فقط الراحة المعنوية وتطوير النفس ,,
السبب اننا اكبر شركة في المملكة وعلينا ضغط جامد ,, فبعض الشهور ممكن تشوف اهلك 4 مرات في الشهر ,,
عكس سما وناس لأن ماعندهم رحلات مبيت خارجية فتلاقيهم دايما موجودين مع اهاليهم بس الرواتب مش ممتازة مثلا ,,
لذلك بالنسبة ليا لو بترك الخطوط السعودية ممكن اختار سما للطيران
لأنه مدينة ساحلية واحنا في جدة اتعودنا على البحر
الدمام او الخبر بطبيعتها مدن هادية وجميلة ممكن اتعود عليها ومايهمني المادة قد مايهمني راحتي النفسية ,, بس اكيد انو يكون المرتب على الاقل نفس اللي اخده في السعودية لأنو مو معقول اترك مدينتي واروح مدينة تانية اعيش فيها لأنك اتعودت على صرف مبلغ معين في بلدك وصعب تصرف اكثر منو على حسب ميزانيتك ,,
عارف كلامي مو مرتب بس والله جاي من رحلة وحيلي مهدود بس ماقدر اسيبكم من غير رد ,, سلام بروح انام