منذ ان انتجت بوينغ 777 وايرباص تحاول انتاج طائرة تنافسها وتفشل .. انتجت 340 وفشلت وانتجت 330 وفشلت والان انتجت 350 ودربها درب خواتها ..
350 ممكن تنافس 787 لكن تنافس 777 فهي بعيدة جدا ..
بوينغ 777 هي اعظم اختراع في عالم الطيران المدني
أهلا أخي الكريم ،
مثل ما رد عليك أخونا ، ال 330 و 340 صمموا ودخلوا الخدمة قبل ال 777 .. لكن مو مشكلة .. خلينا نشوف كيف حسب قولك ال 330 فشلت قدام ال 777 ..
راح أكتب كل أنواع 330 و 777 .. عدد طلبياتهم .. ونقارن حسب سعتهم المقعدية (كلهم افتراضا 3 درجات) ..
777-200
88 طلبية من دخولها للخدمة .. السعة المقدية 305
777-200ER
422 طلبية .. السعة المقعدية 301
777-200LR
59 طلبية .. السعة المقعدية 301
777-300
60 طلبية .. السعة المقعدية 368
777-300ER
786 طلبية .. السعة المقعدية 365
200-330
630 طلبية .. السعة المقعدية 253
300-330
731 طلبية .. السعة المقعدية 295
لو نقارن بين نجاحهم .. تقدر بس تقارن بين 200-777 بكل أنواعها مع -300-330.. لأنهم نفس السعة وبالتالي الشركات راح تقارن بينهم قبل ما يطلبونها ..
300-330 عندها 731 طلبية ، و 777-200 عندها 569 ، يعني في التنافس المباشر في الطائرتين اللي توفر نفس الامكانيات الايرباص ناجحة اكثر .. ممكن تقول انه الايرباص دخلت الخدمة قبل البوينج بسنة واحدة .. لكن سنة في تاريخ طائرة عمرها أكثر من 20 سنة ماتفرق ..
أما بالنسبة ل 777-300 فهي محتكرة السوق تماما لأنه الايرباص مانرلت لها أي منافس في سعتها المقعدية ...الشركات تحدد نوع الطيارة حسب كمية الطلب والسعة المقعدية المطلوبة ...وفي حدود ال 360 راكب مالها الشركات الا بوينج .. توها الحين ايرباص نزلت 350 بعد 20 سنة .. وكل شي يشير انها مكسرة السوق تماما على 777 .. من ناحية امكانيات وأداء وتوفير ومن ناحية تكنولوجيا و راحة .. ومن ناحية طلبيات لو قارنت مكان ال 777 في بداياتها مثل وضع 350 حاليا
مادري اخوي كيف تقول انها راح تفشل قدام 777 .. ومادري كيف استنتجت ان 330 فشلت ايضا .. لكن الأرقام تقولك انه الايرباص نجحت اكثر في الطرازات اللي بينهم تنافس مباشر ..
340 قصتها ثانية .. مشكلتها انها صممت ب 4 محركات .. وطبعا صممت زمان لما كانت القوانين تتطلب من الشركات انها ماتقطع المحيطات الا ب 4 محركات احتياطا لو فشل محرك .. لكن الهندسة تطورت والمحركات صارت مشاكلها نادرة جدا .. فأصبح عادي مسموح لطائرات المحركين انها تروح أي مكان .. وبالتالي سوق ال 4 محركات تلاشى وتلاشت معها ال 340 .. استهلاك وقود وصيانة عالفاضي ..
تحياتي أخوي