[يائسة]

joey براسلك بإذن الله
م فارس شكرا اخي الكريم تستاهل كل خير بالفعل جدة الفرص فيها اكثر
لكن اكيد مااقدر اروح الا متأكدة من عرض معين
والبحث جار والله يسهل يارب

ابو الحسن وانت ايضا اجمعين انشالله

صراحة ان صار يحز بخاطري لما احد يدخل يقول الله يرزقك يعني كانها الله يعطيك
كاني مريت وطلبت شي زي المتسولين
مع اني دارية ان النية طيبة لكن يحز بخاطري واسفة لو اني حساسة من هالناحية

انا اطلب من الادارة اغلاق الموضوع
اعتقد اني جربت الفرصة لي فترة طويلة فاتحته ومشكورين انهم خلو مفتوح بالرغم من المحاولات من بعض الاعضاء للتحريض على اغلاقه بس انا ماطلبت هالطلب لاني زعلانة منكم لكن
صار له فترة طويلة مفتوح
ولو ان احد يبغا يساعد ساعد
ماشاء الله بمنتداكم ماعليكم قاصر في كثير اصحاب عمل وكثير مدراء
وكثير ناس يقدرون يسوون واسطة او يسهلون الامر
عدد المشاهدات صار فوق ال 700 وماصار شي
ومااعتقد يصير.كل شي نصيب وحكمة ربي محد يعرفها والله يعوض خير علي وعلى كل المكروبين

احسنلي اسكره عشان توقف المهاترات المستقبلية من البعض الي الى الان ماسامحتهم
ولأن الهدف من الموضوع ماتحقق.

على كل انا بشكر كل من حاول يساعدني

وبس بهمس همسة بالاخير: لو صادفتو بنت زيي تعرض موضوع زي كذا رجاء لاتجرحوها بالنسبة لي
كنت ادور على عمل بطريقة تقليدية ومكاتب توظيف لحتى قبل فترة بنتي قلتلي ماما ام بنات الجيران تحهبم كثير.قلتلها حتى انا ماما؟ قالت لا هي توديهم الروضة الي جنب بيتنا بس انتي ماتودينا.
انتو ماتدرون ايش الي يحد الانسان يدور باي طريقة على رزقه خاصة الانثى انتو تعرفون ببلدنا
ماتقدر تمسك ملفها وتروح كل الاماكن لان النظرة للاسف لها مارح تكون على انها تدور عرزق وبس
وانتو عارفين القصد.

انا مااقول الي قلته عشان اسوي تسول ولا اشحد المشاعر.لكن البعض نظر لموضوعي اني متغطرسة ومتكبرة وطماعة ومحبة للمال ومو قابلة اني ابدأ بتدرج وظيفي
وهالشي مو صحيح

وانا اقسم بالله قسم عظيم ان لو تيجيني فرصة عمل من خلال هالمنتدى بعد هالمشاركة ولو براتب
عمل ب 20 الف مارح ارضى عشان اثبت كلامي.

الله اعلم بعباده وارحم فيهم من الخلق
والله يسهل عالجميع