بسم الله الرحمن الرحيم
السلام عليكم ورحمة الله وبركاته
اخواني حبيت انقلكم شي بسيط عن الدراسة في الفلبين وكيفية المعيشة هناك حسب ماقدرت استنبطه من الشباب
طبعا ً اتفاجأت بوجود زملاء كثيرين لي مضيفين واعضاء من المنتدى فضلو عدم ذكر اسمائهم او وضع صورهم وهذا حق من حقوقهم ,,
المهم زيارتي للفلبين وخصوصا ً مانيلا كانت بغرض العمل وليس اجازة لأنو تعرفوني مضيف ولكن قلت اكسب الوقت واروح اشوف المدراس مرة وحدة
اتصلت على احد الزملاء المضيفين الي يدرسو هناك ونسقت معاه ليوم الجمعة 18 يوليو 2008 متى نتقابل وزي كدا
صحيت يوم 18 الساعة 4.30 اخذت شاور وصليت الفجر وخرجت الساعة 5.00 الصبح من الفندق متوجه لمكان المقابلة وهيا محطة Cobau للباصات وخصوصا محطة Five star واتأخرت على زميلي شوية لأني ماعرف المحطة وأول مرة انتقل بالباصات في مانيلا المهم وصلت على 6.00 بالظبط وهو موعد تحرك الباص ولقيته معصب وقلتله عادي كان رحت وسبتني قلي يا بروووودك اطلع بس المهم والله وطلعنا الباص متوجهين للمحافظة بلاريديل وهيا تبعد عن مانيلا 45 دقيقة بالباص اللي يكلف 61 بيسو يعني تقريبا ً 6 ريال وطوال الطريق كانت مناظر رائعة مو زي عندنا صحاري وبساس وجمال وغبار
بالعكس جو ممطر بسيط ولون اخضر على مد البصر والوجه الحسن وميوزك حلو في الباص , يعني من الاخر فللللللللة
وهذي صور ليا انا وزميلي تركي في الباص
ودخلنا محافظة بلاريديل ووقف الباص ونزلنا لمحل 7/11 عشان نفطر ومعروف فطور الطريق قهوة ودونات بس انا فضلت اخذ ميريندا ودونات الميريدنا حقهم طعمة الله يخلف علينا بس المووووهم هذي صور لمدخل المحافظة والباص و7/11 والفطور
وبعد ماخلصنا فطورنا اخذنا 3 cycle او طق طق او ركشة حسب مايسمى في عدة دول شرق اسيوية
وهذي صورتو عند مدخل مطار بلاريديل والمدارس
طبعا توجد هناك عدة مدراس وماقدرت اسأل عن تكلفتها سوى واحدة بس والسبب معظم المدربين والمسؤولين طايرين مع الطلاب فما قدرت اسأل بس صورت المدراس والطيارات
راح احطلكم الصور واللي راح تلاقو فيها اسماء المدراس والفيديو صورت بعضه من ارض المطار والبعض من برج المراقبة واللي راح تشوفوه في اليوتيوب ان شالله في الاسفل بعد الصور , طبعا ً المدراس هيا كالتالي
Wcc Aviation
The Masters Aviation
Yokota Aviation
Flight Line Aviation
Techno air Corp
طبعا كل الصور ف الطيارة السيسنا 150 بتسجيل 1330 هيا لطيران زميلي تركي
اما الاثنين الاخيرة فهيا الطيارات الجديدة لمدرسة يوكوتا وهيا الوحيدة اللس سألت فيها وكانت رسومها غالية 200 ساعة ب 41.000 دولار شاملة السكن والاعاشة واليونيفورم وتخلص الدراسة في 6 شهور وباقي المدراس تختلف من 27000 الى 35.000 حسب الاتفاق فيه ناس تاخذ 320 ساعة وفيه ناس تاخد 200 وتطير باقي الساعات شيرنج في اماكن تانية وزي كدا , عشان كدا اختلفت الاسعار
نجي دحين لموضوع السكن
السكن في المحافظة بصراحة صعب لأنها بلدة صغيرة فما راح تلاقو مكان للسكن زي مانيلا
انا زميلي تركي واصحابه ساكنين في منطقة مكاتي في مانيلا وفي باسايا اعتقد لو اسمها صح المهم هما ياخذو قطار اسمو MRT للمحطة وبعدين الباص للبلدة في الروحة والرجعة
اكلهم وشربهم وتمشيتهم في مكاتي واللي للأسف الكاميرا ماكانت معايا عشان اصورها بس هيا منظقة مررررة فخمة وحلوة للتمشية وتقضية الوقت طوال 24 ساعة
المهم بعد ماخلصت انا تصوير وفرفرة في المطار كن تركي مخلص كم لوكال باترن في المطار لأنو لسة في مرحلة الـ VFR وقضى ساعة طيران وقتها
وبعدين رحنا نزور واحد في مدرسة تانية جديدة اسمها Philippen Pilot Academy لسة ماعندي عنها معلومات وجلسنا شوية معاه وبعدين اخذنا 3 سايكل للباص واخذنا الباص لمحطة MRT في مانيلا وودعنا بعض هناك وهو راح للسفارة يصلي الجمعة وانا رجعت الفندق عشان اجهز نفسي وشنطتي واخدت دش وصليت ظهر وعصر وطلعت المطار استعدادا ً لرحلتي لهونج كونج
وهذا فيديو لطيران بعض الشباب وزميلي تركي على اليوتيوب
بس وسلامتكم انتهى التقرير
اخوكم ومراسلكم المضيف احمد موسى
تم اضافة مقطع الفيديو اخيرا ً من اليوتيوب
السلام عليكم
كيف حالك يا كابتن و عليه شرطتين من تحت " احمد موسى "
ما شاء الله تقرير والله ولا اروع زي ما يقولو من طقطق الى سلام عليكم
بعدين شفت كيف الفلبين خضار مو زي عندنا من جد ها ههههههههههه
هذا الدباب اسمه تراسكل في الفلبين " بس كيف مريح " لووووووووول
كابتن احمد تبغى اترجملك ايش كانو يقول في التور و انت تصور :iconloli::iconloli:
المهم يا كابتن انا كمان اليوم احول انزل موضوع ثاني اذا سمحتلي في صور ثانيه و حلوه
و اذا عندك استفسار بس قولي يا حلو
نشفك على خير يا كابتن
أخوك الكابتن
ALZUGHIBI