[Sr.Flight Attendant]

تبغى ردي؟؟
انا اشوف انو اللي كتب هالمقالة جاهل .. ولا عندو ذرى علم ..
المشكلة في استخدام الجوال لما يكون واحد ولا اثنين فاتحين الجوال مو مشكلة .. بس لما تتركلهم الحبل على الغارب معناه مو اقل من 100 شخص راح يفكو الجوال وبهذه الطريقة فعععععععلا راح تشوش على اجهزة الاتصال ..
وعشان اوريك انو الشخص هذا من جمب القدة .. ( اللي راح يفهم من جمب القدة محمد بس )
اول شي كل واحد من الاجهزة المذكورة فوق له تحريمه في الطيران لسبب منفصل ..

الجوال واتكلمنا عنه ..

اللابتوب ياسيدي .. لو تم السماح باستخدامه وقت الاقلاع والهبوط وصار امر طاريء اول شي بيسويه راعي اللابتوب انو يرميه في اي جهة .. وبكذا راح يعيق الكثير من الاشخاص من الخروج بطريقة صحيحة من الطيارة ..

بالنسبة لأجهزة الام بي ثري ياسيدي .. خلينا نقول انتا حاط الجهاز وجالس تسمع لدارين هايس اغنية ام هير ويذاوت يو ) وفجأة قال الكابتن اخلاء جميع الركاب وقال تفاصيل الحادث .. وقامو الركاب بيخرجو وانتا رميت الجهاز وجالس تسأل الركاب ايش فيه ايش فيه !! هل في احد بيوقف ويجاوبك ؟؟ ويقلك ايش فيه ويالله انت حيه وشخبارك وين الناس من زمان .. اصلا مين فاضيلك ذاك الوقت !! عشان كدا ممنوع بس وقت الاقلاع والهبوط ..


شفت الاجابات ؟؟
اترك لكم الرأي ياعقلاء ..