السلام عليكم ورحمة الله وبركاته
كثير من الناس يسأل عن دراسة الطيران في الفلبين وللاسف لاحظت اغلب الناس يسبو او يذمو في الفلبين وهم ولا حتا راحو وشافو الطيران بعينهم ويمدحو في امريكا !!! علما ان حوادث طلاب الطيران في امريكا اضعاف الفلبين !!
للاسف اغلب الي يسب الفلبين معلوماتهم قديمة من قبل 2010 وقاعد يحكم عليها من الان !!
أنا من الناس الي تخرجو من الفلبين والحمد الله اموري تمام .
وفيه اكثر من شخص تخرجو من الفلبين والحمد الله هم حالياً في الخطوط السعودية خريجين 2016 .
يحكمو على البلد كامل وهم مو عارفين ان اصلاً دراسة الطيران 80% تعتمد عليك انت شخصياً و20% على المدرسة من مدرسين وطائرات لان الدراسة الي انت تدرسها هنا هي نفسها الي تدرسها في امريكا وأكاد اجزم ان بعض مدارس الفلبين أفضل بالف مرة من بعض مدارس امريكا .
كلمة حق فيه مدارس كثيرة بالفلبين تسوي لق ساعات وبعضهم نصابين وحرامية ولاكن ليس الكل فيه مدارس بالفلبين ممتازة جداً زي مدرسة فلبين ايرلاينس وماسترز واومني ومدرسة الفا للطيران هاذي كلها مدارس جداً ممتازة في الفلبين وافضل من بعض المدارس في امريكا وفيه بعض المدارس اقولكم سيئة جداً زي فلاي فاست وسترايك ونج وريد ونج وما انصح ابدا تروحو لها .
زي ما قلت لكم فيه مدارس كويسة وفيه مدارس سيئة . اهم شي اختيارك الصح !
انا الي خلاني اكتب هذا الموضوع بعد ما اترفع ضغطي صراحة كل كابتن طيار او مجموعة طياريسبو في الفلبين وانها من اسوء البلاد للاسف شوهو سمعة الطيران وشوهو الطياريين الخريجين منها وجعلوهم في موضع شك علما ان مدارس الفلبين خرجت كباتن في الاماراتية والقطرية والكثير من شركات الطيران .
فأتمنى عدم التعميم من بعض الناس وتعال الفلبين وشوف الطيران بعينك بعدين احكم .
نهاية بالنسبة لأفضل مدارس الفلبين هي
Philippine airlines academy
Omni flying school
Masters Flying school
Alpha Aviation
اتمنى يكون موضوع نتناقش فيه بعقلانية والي عنده استفسار يطرحه هنا . وشكراً
السلام عليكم ورحمة الله وبركاته
كلامك صحيح ومعقول أنا طالبة دراسة طيران بالفلبين، و الدراسة 80% تعتمد ع الشخص نفسه و 20% على المدرسة سواء بامريكا اوجنوب أفريقيا اوماليزيا.... أو أي بلد بالعالم، وأنا شخصيا اشوف انه أفضل دراسة طيران في الفلبين لا من ناحية الاجتهاد والنظام ولا من ناحية المعيشة وشكرا .