هلا هلا ، أنا راح أبتدي كواحد من المنتدى
وأسئلتي هي
- الشيخ زايد بن سلطان ال نهيان رحمه الله ( ماذا تقول في حق هذا الرجل )
- مشكلة واجهتك في حياتك وتغلبت عليها
- شي كنت تتمناه يصير وقدر الله وما صار
- شخصية تتمنى تكون مثلها أو تعلمت منها
- لو عندك مليون درهم شــ تسوي فيهم أو كيف بــ تصرفهم
- موقف صار لك وتمنيته ما يتكرر
- أفضل فيلم شفته أو أعجبك ( إذا كنت من محبين الأفلام طبعاً )
- عندك بلاك بيري أو لا ( وشــ تقول في هذا الجهاز )
- يوم مر عليك وتمنيته يرجع
- أول مرة حسيت فيها بــ ألم صج صج ويعور القلب
- أحلى لحظة مرت في حياتك
- نوع موترك يا الغالي
- هل إنت من النوع العصبي أو الي يتنرفز بسرعه
- طيارة تتمنى إنك ما تركبها نهائياً
- لو كنت مدير شركة طيران و المسؤول عنها ( كيف راح تديرها من وجهة نظرك )
- شي تتمناه ما يكون في شخصيتك
بس ما بي أطول عليك يلا جاوب على هذه الأسئلة
ولك كل الشكر
فالك طيب يالشيخ
- الشيخ زايد بن سلطان ال نهيان رحمه الله ( ماذا تقول في حق هذا الرجل )
والله ياخوي اللي عندي ما يكفي أكتبه حتى بعد سنه
بس رحمك الله يا فقيد الوطن وأسكنك فسيح جنانه
الشيخ زايد رحمة الله عليه ما يتعوض ما فيه شراته بهاي الدنيا كلها مع احترامي وتقديري لكل رؤساء دول الخليج والدول العربية
وخيراته لحد الحين غارقه الدنيا كلها لو نكنتب ونقول جان ما خلصانا
وهو للحين تارك اثر كبير وفجوه كبيره عندنا بالإمارات.
- مشكلة واجهتك في حياتك وتغلبت عليها
مشكلة عائلية ولله الحمد خلصت
- شي كنت تتمناه يصير وقدر الله وما صار
كنت أتمنى أسافر وأدرس برى
بس النسبه اللي يبتها كانت أقل من المطلوب
- شخصية تتمنى تكون مثلها أو تعلمت منها
الشيخ محمد بن راشد
- لو عندك مليون درهم شــ تسوي فيهم أو كيف بــ تصرفهم
أول شي أسد فيهم قرض سيارتي
وجزء من المبلغ أسافر فيهن
والباقي أبني فيهم بيت
- موقف صار لك وتمنيته ما يتكرر
كثيرة المواقف اللي صارت
بس
قبل 5 سنين وفي شهر رمضان كنت طالع من الكلية الظهر والدنيا صيف حررر
والكليه اللي كنت أدرس فيها في المدينه الجامعية والمكان هذا في وسط البر وشفنا واحد مغرز
وراعي السياره أشر لنا علشان أساعده وطلعه
طبعا اخوكم هاب ريح وما يقدر يخليه بهالظروف
وشغل يا ولد الدبل وجان أدش ورحت صوبه
وأول ما وصلتله غرزت سيارتي في قص
وحتنجنا سيارتين علشان يقلصوني ههههههههههه
أما سيارة الريال طلعت من غير مساعدتي
وهات تعليقات ونغزات من الشباب
- أفضل فيلم شفته أو أعجبك ( إذا كنت من محبين الأفلام طبعاً )
فيلم 2012
- عندك بلاك بيري أو لا ( وشــ تقول في هذا الجهاز )
كان عندي بلاك بيري
بس بعته واخذت لي ايفون
وبخصوص البلاك بيري
بداية كنت مدمن عليه وعيني ما تفارقه
لدرججة اني لما اسوق السياره عين في الشارع وعين في البلاك بيري
بس الحمد الله تخلصت منه.
والجهاز هذا حلو للي يعرف يستخدمه وهو أصلا لرجال الأعمال
بس في الاونه الأخيره إنتشرت بين الصغار والكبار
وأسيء إستخدامه.
- يوم مر عليك وتمنيته يرجع
ما عندي يوم معين
بس لما أسافر خاطري اليوم هذا يتكرر كل يوم هههههههههههه
- أول مرة حسيت فيها بــ ألم صج صج ويعور القلب
اذا قصدك ألم عضوي؟ لله الحمد ما صار
وإذا ألم نفسي: قبل شهرين توفى شخص عزيز على قلبي
وفاته كانت صدمه
ولحد الحين مو مستوعب كيف توفى هالإنسان
وفراقه أثر علي
- أحلى لحظة مرت في حياتك
ولادة إبني
- نوع موترك يا الغالي
نيسان باترول سوبر سفاري 2007
- هل إنت من النوع العصبي أو الي يتنرفز بسرعه
في بعض الأحيان نعم وأزعل بسرعه وأنسى بسرعه
- طيارة تتمنى إنك ما تركبها نهائياً
الإمبراير +الإم دي 90 + التوبوليف الروسية وأي طياره محركاتها توربينية (( مراوح)) ههههههه.
والباقي مرحب بهم
- لو كنت مدير شركة طيران و المسؤول عنها ( كيف راح تديرها من وجهة نظرك )
طبعا نجاح أي شركة طيران هي عن طريق عملائها الدائمين اللي يثقون بها وبخدماتها.
وأكبر مثال على ذلك
طيران الإمارات والإتحاد والقطرية خير مثال على نجاحهم
وأكيد إدارتي راح تكون مثلهم بالضبط.
مع توسيع مقاعد الدرجة السياحية
- شي تتمناه ما يكون في شخصيتك
التسرع والأنانية
بس ما بي أطول عليك يلا جاوب على هذه الأسئلة
ولك كل الشكر