السلام عليكم ورحمه الله وبركاتة
أعزائى أعضاء منتدى خط طيران الرائع
لكل منا أمالة وأحلامة,ومنها ما تحقق ومنها ما نسعى لتحقيقة ومنها ما فقدنا الأمل على تحقيقة
ولكل منا وظيفة أو على الأقل وظيفة الأحلام بلنسبة للأشخاص الى لسة ما توظفو وفى كلتا الحالتين يحترم الشخص وظيفتة ويقدرها
أما فى حالة أذا كان الشخص يؤدى وظيفة لا يحبها أو يخجل منها فتأكد أن هذا الشخص غير كفؤ لهذة الوظيفة ولا يقوم بمهامة الوظيفية على أكمل وجة
نتذكر لو كان اى أحد يسألنا وأحنا صغار عاوز تتطلع اية لما تكبر؟
كان اغلب الردود عاوز اكون دكتور او مهندس او طيار أو ظابط شرطة أو مدرسة يعنى الوظائف المرموقة,وطبعا مكنش حد بيقول نفسى أطلع عامل نظافة ولا زبال ولا سباك ولا خادمة فى منزل ولا سائق تاكسى
كان دة تفكيرنا وأحنا أطفال ومحدش يقدر يقول أن دة تفكير غلط لأن الفرق أن صاحب المهن المرموقة هو شخص متعلم تعليم عالى وعلى قدر من الثقافة أما أصحاب المهن البسيطة فهم غالبا أشخاص حرموا من الوصول الى درجة علمية عالية بسبب ظروفهم المختلفة
لاكن للأسف أن عقولنا الصغيرة لم تكن تستوعب فكرة أن أصحاب هذة المهن هم أشخاص مهمين وضروريين !!! أيوة مهمين وضروريين
يعنى محدش يقدر يتخيل حياتة من غير زبال او عامل النظافة الى فى الشوارع ولا السباك يعنى الحياة من غيرهم مستحيلة
سبحان اللة يعنى الحياة من غير أطباء مستحيلة زيها زى من غير زبال
والى يقول غير كدة يبقى تفكيرة لا يتعدى تفكير طفل عندة 8 سنين
أما بلنسبة لوظيفة المضيف اوالمضيفة الجوية فهى للأسف الشديد ينظر اليها من بعض الأشخاص بنفس النظرة الى كنا بننظر بيها للمهن البسيطة لما كان عمرنا لا يتعدى ال8 سنوات, يعنى بيقولو دة عبارة عن جارسون او خادم
طب وأية العيب فى أنى أكون جارسون ولا خادم
هوة مش بشتغل شغلة شريفة وباخد فلوسى من الحلال ولا أقعد فى البيت و أبقى عالة على غيرى و على المجتمع ولا أروح أسرق وأنصب على الناس
أيهم الأشرف وأيهم العيب؟؟؟
ومع أحترامى لمهنة الخادم والجارسون
لاكن فية فرق مابين متطلبات المضيف ومتطلبات الجارسون أوالخادم
يعنى من مهام الجارسون تقديم الطعام والحفاظ على راحة الزبائن وبس
لاكن غير مسؤل على سلامة الزبائن وغير مسؤل على أرواحهم فى الحالات الطارئة
ولو كان مفيش فرق كان تعاقدت شركات الطيران مع أصحاب المطاعم والفنادق الكبرى لتوفيرجارسونات وخادمين للخدمة فى الطائرة
وما كنتش شركات الطيران تعبت نفسها وقعدت تدرب فى الشباب وصرفت على تدريبهم مبالغ كبيرة
فى رأى ان مهنة المضيف الجوى هية مسمى لعدة وظائف فى وقت واحد يعنى المضيف الجوى ممكن يكون جارسون ويحل محل الطبيب او الممرض فى حالة مرض المسافر او حدوث ظرف طبى طارئ (كسر-ولادة-تقطيب جرح ألخ) ومحل رجل الأطفاء فى حال نشوب حريق ومحل مربية الأطفال فى حال تواجد أطفال على متن الطائرة ومحل موظف الأمن فى حال وجود حالة عنف أو أختطاف , وكم سمعنا عن نجاح مضيفين جويين فى التغلب على مختطفين أرهابين وأنقاذ أرواح العديد من المسافرين
والله أنا بستغرب لية الناس الى بتحتقر المهنة دة بيفكرو كدة وقابلت كتيييييييييير منهم, وفى كل مرة كنت بتوصل ل أنهم أشخاص طغى عليهم الشعور بلكبر والغطرسة وميعرفوش أن خادم القوم سيدهم
فى حين أن الغرب بيقدرو المهنة دة وبيحترمو أصحابها عشان بيكونو مدركين للمهام المطلوبة من المضيف
مرة قلت لواحد من الناس الى تفكيرهم لا يتعدى تفكير الأطفال والى بيفكر بطريقة بعيدة عن نظرة الأسلام للعمل الشريف الحلال(يعنى أنت لو ضايفت حد فى بيتك وأستقبلتة بترحاب وبأبتسامة واكرمتة يقولو عليك أنك خدام ؟) قالى ( لا فية فرق , أنا بكون فى بيتى وبحاول أحسس الضيف أنة فى بيتة),قولتلة ( وكذالك المضيف الجوى بيحاول يخلى الراكب يشعر بلراحة وكأنة فى بيتة)
محدش فيهم بيفكر أزاى ولية المضيف الجوى دة سايب بيتة وأهلة و واجب علية يكون مبتسم وبشوشو و يعامل الركاب بترحاب وكرم
حتى لو كانت عندة مشاكل الدنيا ولو سايب أولادة وأهلة وزوجتة فى بلد بعيد عنة ولو كان مضطر يكون بعيد عن أعز الناس الية فى وقت همة فى أمس الحاجة لية
طبعا حد حيقولى هية دة وظيفتة وهوة أختارها ودة شغلة الى مطلوب يأدية
ودة صح ومعاة حق , لاكن كام واحد مننا بيشتغل فى وظائف أخرى ولو حصل عندة مشكلة يروح الشغل مبوز ومكشر ومش طايق حد عشان بيبقى خصب عنة ومش قادر يخبى شعورة
وطبعا كلامى دة مش مبرر لبعض المضيفين الى بيعاملو الركاب بطريقة غير ملائمة,وغالبا بيكونو ناس مش فاهمين شغلهم كويس
أما بلنسبة للفكرة الخاطئة الأخرى عن وظيفة المضيف أو المضيفة الجوية , وهى أن أصحاب المهنة دة أشخاص سيئين السمعة أوعلى غير خلق
والفكرة دة أكثر أنتشارا فى العالم العربى والعالم الاسلامى أكثر منها فى الغرب
ودة بسبب التفكير الشرقى الرجعى المتخلف , وأنا أسفة أنى بقول كدة بس دة عيب مش قادرين نتخلص منة وهوة عيب التعميم , يعنى لو فرد فى وسط جماعة عمل شئ سيئ أذن يحكمو على الجماعة كلها بلسؤ
وظيفة المضيف الجوى زيها زى أى وظيفة فى العالم فيها أشخاص خلوقين وفيها أشخاص سيئين
يعنى كتير ما سمعنا عن أشخاص يمتهنو مهنة الطب وبيعملو عمليات غير مشروعة قانونا وشرعا ومع ذالك لم نحتقر هذة المهنة او نعمم أن مهنة الطب مهنة غير سوية بل كلنا نعلم أن مهنة الطب مهنة عظيمة
يعنى المقصود أن اى مهنة فى العالم فيها المثل الجيد وفيها المثل السئ ووجود المثل السئ لا ينقص من قيمة وأحترام هذة المهنة بل ينقص من قيمة وأحترام الشخص نفسة
وبعدين تخيلو معايا لو شركة طيران قررت أنها تعمل رحلة جوية من غير مضيفين وقالت للركاب(أخدم نفسك بنفسك) ,شكل الرحلة دة حيبقى اية؟؟؟
رأى أن وظيفة المضيف الجوى فيها لمحات أنسانية كبيرة ومهنة راقية ومهمة زيها زى الطبيب والزبال أو عامل النظافة والمهندس والمدرسة ومستحيل حد يتخيل وجود رحلة جوية من غير مضيفين جويين زى ماهو مستحيل يكون فية مستشفى من غير أطباء ومستحيل يكون فية مدينة نظيفة من غير عامل نظافة ومستحيل يكون فية مدرسة من غير مدرسين
وأخيرا دة رأى وفكرة كانت فى راسى حبيت أشاركم فيها وأوضح وجهة نظرى للأراء الأخرى مع أحترامى للجميع
وياريت محدش يقولى شكرا ,أفضل أنكو تتناقشو معايا
معلش لو كان كلامى كتير وعذرا لو كان فية أخطاء أملائية.