السلام عليكم ورحمة الله وبركته
اولا احب اشكر الاخوة في هذا الصرح الكريم الرائع صراحة استفدت واستلهمت كثير من مواضيعكم ومايفخى
عليكم انا لي مدة مسجل في المنتدى بديت اول شي بمحاكي الطيران fsx والحمدلله تعلمت الكثير من هنا
ومن مواقع اجنبية قبل 6 شهور تقريبا تحمست اني امتلك طائرة ريموت كنترول وكنت وقتها خارج المملكة
وفعلا بحثت في الموضوع كثييير لكن للاسف تسرعت وتحمست وشريت طائرة ريموت بقيمة 1400 ريال تقريبا
طبعا اول شي جربت المحاكي حق الريموت كنترول وفادني الى حد ما المشكلة اني جربته بالكيبورد
المهم ماطول عليكم شريت الطائرة وجمعتها وكانت كبيرة يعني طولها تقريبا 170 س وكان الجو رياااح جدا
بس مع الحماس وبعد ماشفت مقاطع في اليوتيوب لناس اول مرة يطيرون قلت ان شاء الله خير واطيرها اول شي طرت تقريبا 30 ثانية
ومااخفيكم الجو كان جدا رياح وتطيح الطيارة لكن كانت الطيحة سليمة واطيرها المرة الثانية واحلق فوق حول
الدقيقة
الا واجي عكس الرياح والطيارة كانت تشق الرياح لكن كاان التجكم صعب شوي :iconloli:
واعطيها لفة شوي الا وتهوي وعلى وجهها وولاسف كرهت طيارات الريموت بسبب التسرع
لكن ماش مع مرور الوقت كنت افكر واقرا عنها قلت معقولة كل هذولي الناس يطيرون وماشين فيها
قلت لازم ابدا اول شي باشياء على قدي وتكون من تصميمي على اساس احد من االخساير
وفعلا قررت تقريبا قبل 3 اسابيع او اقل اني ابحث في الموضوع في البداية دخلت هنا وقريت فهرس المواضيع
وفعلا فادني وشفت تصاميم ملك امبالا وعبدالله الدغيلبي صراحة عبدالله فعلا مبدع وصبور الله يزيدك علم
فها الموضوع وان شاء الله نستفيد من خبرات كل المتواجدين المهم وبعدها دخلت المواقع الاجنبيه
ولاخفيكم استفدت ايضا كثيرا خصوصا في اسئلة زي حساب منطقة الجاذبية وكيف اسهل طريقة انك
تضبطها وو الخ حتى البلانات موجود كثير لكن انا ناظرت صور الطائات الي مسويه وحاولت اني اسويها
بنفسي بطريقتي اللي اسهلي وحاط ببالي يمكن مرة مرتين 10 يمكن تفشل لكن ان شاء الله يوم تطير
وان شاء الله مع القرايه راح احاول اتفادى الاخطاء من اول مرة
خلني اوريكم الصور حقت الطيارة الي بديتبها طبعا التصميم بدائي زي ماتشوفون لكن انا ماكان ودي
اتكلف لاني عارف اني احتمال اطيح كثير.
هذي اول وحده وعارف ان فيها اخطاء لكن كل تصميم اتجنب الاخطاء الي قبل وهذا الشي ساعدني كثير
وعارف ان الافضل اني اشيل الورق لكن الصراحة احس الورق يخلي الفلين صعب ينكسر.
والطيارة الثانية تفاديت بعض الاخطاء مثل ابعاد الجناح بالنسبة للذيل والاليفيتور كم المفروض يكون وتصميم الجناح
المقدمة
زي ماتشوفون الاعمدة من الخشب (حق الشوي والمقدمة عود سوشي ^^)
طبعا زي ماتشوفون الثانية الى الان ماخلصت منها
ونجي للطيارة الثالثة
الى الان باقي بركبلها بعض قطع الفلين من المقدمة ومن الاسفل لكن هذا الهيكل الاساسي
وهي صغيرة نوعا ما
طبعا الذيل راح يتم قصه من الخلف للاما على اساس يكون على رقم سبعة لكن انتظر على ماطلب الاغراض
عشان اشوف افضل منطقة للسي جي
هذا وصلى الله على سيدنا محمد
طبعا فيه نقاط حبيت اذكرها
في الطيارة الثانية تصميم الهيكل موب مررة دقيق لان انا ركزت في النقاط الاساسية الي هي اهم شي
الجناح الذيل والردر لاني بحثت في هذا الموضوع وااتصميم الدقيق للهيكل يتطلب وقت والات وجهد كبير
وانا مبتدى ء وماحبيت اضيع جهدي واطيح الطيارة لاني شفت طيارات على شكل باص وعلى اشكل غير
انسيابية مع الهواء لان زي ماتعرفون السرعة العالية جدا هي التي تتطلب تصميم فريد (ايرو ديناميك )
الحين جا دوري ودي بمساعدتكم في اختيار القطع اللازمة من سيرفوات ومحرك كهربائي وبطارية ومرسل ومستقبل لاني دورت في
https://www.hobbycity.com/hobbyking/store/uh_index.asp
وصراحة احترت لاني مثلا ماعرف الترانزمتر راح يكون متوافق مع اي اي ريسيفر والسيرفو كيف يتوافق
راح احطلكم لسستة وابيلكم تشورونلي فيها لان صراحة من الناحية هذي انا عليمي فيها :iconloli:
وياليت اللي عنده وقت يحطلي الاشياء اللي احتاجها وتكون متوافقة مع بعض
مثلا بابدا من هنا المرسل
ابي رايكم في هذا وابيكم تشوفونلي ريسيفر يكون متوافق معه (علما بان معه رسيفر لكن ابي زيادة ثنين )
https://www.hobbycity.com/hobbyking/s...idProduct=9828
وبالنسبة للموتور
هذا بالنسبة للطائات المتوسطة 600جرام الى1300(340 واط مايقارب نص حصان)
بالنسبة لمتحكم السرعة صح مكتوب esc required لكن الصراحة مافهمت بالضبط :redcart:
https://www.hobbycity.com/hobbyking/s...idProduct=3885
وبالنسبة للطيارات الصغيرة esc 10>>>هل معناته اي متحكم سرعة فيه 10 اي يصلح معه؟
https://www.hobbycity.com/hobbyking/s...dProduct=14399
وصراحة السيرفوات لخبطتني يعني اخاف اشتري شي ويكون كبير ولا صغير مرة ونفس الوقت الانواع
ياليت تفيدوني بالاشياء الباقية الي احتاجها من مراوح وتوصيلات >>ادري زودتها لكن صدقوني خايف
اشتري شي بعدين القى شي ناقص فودي انها تكون طلبيه وحده.
دمتممممم
(اتمنى مشاركتكم وابداء ارائكم
)