السلام عليكم ورحمة الله وبركاته
تحية طيبة لكم .. يسعد ايامكم ومساءكم يا حلوين
بلا اجنحة رابغ وبلاش الفلبين وبلاش النصب والهبل اللي صاير
قررت الحمدالله بالزواج .. والبنت عندها منحة دراسية في كندا هذا يعني اني بكون مرافق لها وراح ادرس على حساب الدولة كل شئ ابغاه
طبعا على طول الحق اول مدارس الطيران في كندا واشوف اخبارهم وغيرهـ
طبعا المخطط كالتالي
دراسة زوجتي بتاخذ 3 سنوات إلى 4 سنوات تقريبا
السنة الاولى لغة انجليزية
طبعا في هذي المرحلة راح انضم معاها واقدم الانجليزي واخلي لغتي ممتازة بيرفكت
بعد 6 شهور من اللغة الانجليزية او اقل
وابدا تحضير ماجستير في ادارة المطارات والطيران
وراح انضم إلى احدى المدارس الطيران وابدا تعلم الطيران واحصل على الشهادات ومدة الدراسة اقصى تقدير 8 - 10 شهور
بعد كدا راح ادور مدارس تعطيني رخص التايب رايتنق واحصل على التايب ريتنق لطيارات الايرباص 330 - 340 وامكن كمان 320
وبعد كدا اتوجه للعمل في احدى شركات الشحن المحلية إلى انتهاء الزوجة من الدراسة وحصولي على الماجستير
واتوجه إلى الشركات الكبرى في الخليج العربي مثل القطرية و الاماراتية و غيرهم
وابدا حياتي وتحقيق احلامي
.
.
موضوع متجدد وراح اقولكم كل شئ وش راح يصير معاي