السلام عليكم :)
اول اشكر جميع الاعضاء المتواجدين هنا على تعاونهم :)
طبعا انا قبل لا انزل موضوعي واشترك بالاساس اخذت لي طلة على المواضيع .. وباين ما شاء الله عندكم خبرة كبيرة
ما اطول .. الموضوع اظن واضح من عنوانه لووول :)
بسافر من امريكا للسعودية .. واقرب مطار دولي لي شيكاغو يبعد ربع ساعة عني .. ومحتارة بأي خطوط احجز عليها
طبعا التذكرة رح تكون على حساب الملحقية لأني مبتعثة!
انا هالنزلة مقررة اني استمتع برحلتي هههه .. وتعرفو من امريكا مشوااار حدوود 16 او 14 ساعة في الجو!
يعني الخطوط جدا مهمة :)
محتارة بين الاتحاد والقطرية والامارتية .. الا اني ارجح الاتحاد حاليا لأنها الوحيدة الي تطلع مباشرة من شيكاغو!
مادري اذا غلطانة او لا .. كأن القطرية ما لها رحلات من شيكاغو مباشرة صح؟ لازم تروح على مطار هيوستن! مادري هذا الا شفته .. طبعا اذا الكلام صحيح .. رح يكون مشواار من مديتني لهيوستن! من الشماال للجنوب! يعني ماله داعي التعب وكم ساعة تضيع وانا ما طلعت من امريكا!
والاماراتية الي شفتها نفس الشي .. تطلع من شيكاغو وتروح على جي اف كنيدي او واشنطن لكن ما تطير مباشرة من شيكاغو! والانتظار حقها طوويل في دبي!
افضل شي أظن الاتحاد من ناحية خط الرحلة! بس لما قريت المواضيع هنا الاغلبية يقولو الاماراتية والقطرية افضل!! احترت!!
برأيكم ايش افضل خطوط؟ مو شرط الي ذكرتهم حتى لو غيرهم!
اتوكل على الله واروح على الاتحاد؟؟ طيب وش افضل اخذها متواصلة على الاتحاد! ولا اخذها بتوقف؟
اذا بتوقف رح توقف في اوروبا .. ومن امريكا لاوروبا تشغلها الامريكان ايرلاين مو الاتحاد!
هل رح تختلف جودة الطيارة من اورووبا ولا ما تفرق؟؟
عساكم على القوة