[Jedavu]

بسم الله الرحمن الرحيم اليوم بحمد الله خلصت الكشف الطبي والمقابله الشخصيه ..
اول شيء حاولوا تكونون اول الحاضرين انا كنت من الساعه 3 عندهم عشان تخلص بدري وتكون لك افضليه بأخلاق الموظفين ..
اول ماتوصل ياخذونك بباص ويودونك تصلي الفجر بعدها تروح لفرز الطول والوزن وهنا كثيير طلعوا منها وبعدها تعدل باوراقك وبعدها تروح بالباص لمركز العيادات .. اول ماتدخل يدخلونك بمسرح ويفصلون الجويه عن كل الكليات الثانيين وعيادات خاصه بعدها تبدأ بسم الله .. ( ما اتذكر بالضبط ترتيب العيادات )
ملاحظه مهمه : اذا ماعطاك صح على ورقتك ارجع له وخله يعطيك صح بس اذا كانت فيك مشكله راح يكلم المراقب ويوديك مسرح على طول .. ما اخفي عليكم الجويه صعبه حيل كشفهاا
1 عياده وزن وطول وضغط سهله ويخلصونك سريع
2 عياده انف اذن حنجره ( نظف اذنك قبل تروح ) والباقي سهله
3 عياده نفسيه برضوا سهله حاول يكون صدرك وسيع وابتسامه
-- نسيت احط (عيادة اسنان) سهله ان شاء الله
4 عيادة عظام سهله برضوا ماتاخذ وقت يخليك تجلس وتوقف وتلف سهله
5 العياااااده العامه :) هنا راح تشيل ملابسك كامله ويفحصك من تحت قدام و ورا ويكشف على صدرك للي عنده ربو ترا راح تنكشف
6 عيادة نظر يغطي عين ويفتح عين وتشوف اماكن حرف c وين الفتحه سهله ان شاء الله بس يبغالها تركيز وبدون استعجال
7 عيادة عيون(2) يكشف عليك اذا فيه انحراف او مسوي عمليه او لابس عدسات
8 عيادة سمع يحطك بغرفه صغيره على قد جسمك ويلبسك سسماعات ويعطيك زر بيدخل اول ماتسمع نغمه اضغط الزر سهله يبيلها تركيز وبدون تخيلات صفي ذهنك وركز لان الصوت يجيك خفيف
9 عيادة قياس اطول الجسم سهله ان شاء الله
10 عيادة تخطيط قلب يشوف اذا عندك مشاكل القلب سهله وبعدها يعطيك ورقه في تخطيط لقلبك وتوديه لعيادة 11
11 عيادة قراءة تخطيط القلب تعطيه الورقه ويقراها ويعطيك التمام ان شاء الله
12 عيادة عيون(3) يشوف قرنية العين سهله
13 المختبر ياخذ عينة بول الله يكرمكم
14 عيادة عيون(4) فحص غريب لكن يبغاله تركيز ما اعرف اشرحه
بعدها الله يسلمك اذا ما عندك اي مشكله تروح تعطي ملفك للاداره وبعدها يقولون لك مسرح او مقابله .. اذا مقابله يعطونك شيء من الاثنين يا طيار او فني .. اتوقع فيه شيء ثالث اللي هو ارضي لكن مدري
المهم تروح للمقابله ويقابلك شخص ذو رتبه بالغالب عقيد عميد .. ركز لاترتبك وحط عينك بعينه لما يكلمك

الاسئله اللي جتني :
س1:عرف عن نفسك
ج1: انا قلت اسمي ومدرستي ونسبتي وترتيبي بالعائله وهوايتي
س2:متى افتتحت الرياض
ج2: 1319 هجري
س3:متى توحدت السعوديه
ج3: 1351 هجري
س4:ايمها اثقل كيلو حديد او كيلو قطن
ج4: كلهم نفس الثقل
س5:اركان الايمان كم ركن
ج5: 6 وعددهم

هذا اللي جاني ابغى دعواتكم يارجال اتمنى افدتكم ويعطيك العافيه