[nona ozy]

السلام عليكم جميعآ


ياجماعه أنا اتصلت بالإدارة فى المطار عشان اعرف النيجة وللأسف قالولى انى مانجحتش فى الإمتحان بس مش مشكله قدر الله وماشاء فعل وفعلا طلع اليوم دة زى مانا ماتوقعت كان
( يوم الوسايط) لان والله العظيم انا وبنت تانيه كنا احسن اتنين فى المجموعه من ناحية الشكل والأسلوب وأنا اقسم بالله اللغه عندى ممتازة والحمد لله كنت شايفة انى افضل من بنات كتير هناك لانى سمعتهم وهما بيتكلموا فى امتحان اللغه وكمان انا عندى خبرة اكتر من خمس سنين فى مجال السياحة وقاريه كتير عن مجال الضيافه وكل الأسئله كنت بجاوبها بهدوء وكانت عندى والحمد لله اجابات جاهزة ومنسقة لكل الأسئله مع العلم ان اغلب البنات اللى نجحت ماكانوش شغالين يعنى قاعدين فى بيوتهم وكمان اجسامهم ماكانتش متناسقه خالص لا وزن ولا طول بس للأسف نجحوا عشان عندهم واسطة والبنت اللى قولت عليها انها مناسبه جدآ للوظيفة كانت اساسآ مضيفة طيران فى شركة تانيه بدون ذكر أسماء وحصلت لها ظروف فقعدت منها ومقدمة استقالتها وجايبه ورقه اخلاء طرف ليهم ودى طبعآ مش محتاجه اقول انها مناسبه لانها خبرة طبعآ ومحافظه على جسمها وأسلوبها كويس جدآ بس بجد للأسف ان انا والبنت وكام واحدة كدة ماكانش برضوا عندهم واسطة مانجحناش واهه خدوا بس مننا فلوس تقديم ومصاريف على الفاضى وهما أساسآ عارفين من الاخر مين اللى هايتقبل .. بجد ربنا يسامحهم عشان علقوا الواحد بأمنيه وهما عارفين انها مش هاتتحقق..