لا لا الصراحة انا عيوني ماهي مصدقة اللي قاعد يحصل هنا واللي بينقال ؟!!
الكابتن القطري : اعذرني انت مش الكابتن القطري وعبدالعزيز اللي عرفته ، أعتقد ان في أحد سرق اليوزرنيم والباسوورد مالك
عبدالعزيز الكلام اللي قاعد تقوله غير منطقي أبدا ونظرتك متشائمة جدا وهذولي اللي انصحوا
اعذرني انهم حطموك وشوشوك أو انت ما فهمتهم عدل
انت أخذت أمثلة فقط على الأشخاص اللي ما ارتاحوا ولا اتهنوا بالمهنة ، بينما نسيت الأشخاص اللي نجحوا
وجمعوا بين الطيران وحياتهم الاجتماعية
عبدالعزيز انت عارف وش اللي قاعد تقوله ؟؟
اللي انت بتقوله :( الطيران ما منه فايدة أبدا وهو مضيعة للوقت والمال وداء للجسد ، الطيران كابوس عظيم
الطيران مافيه متعة ولا فيه جوائز ولا معاه حياة كريمة وسعيدة ، شهادة الطيران ما يفتخر بها )
معقول في وظيفة بهالدنيا بهذه المواصفات ؟؟؟
عبدالعزيز انت نفيت جميع المميزات للطيار وجميع الايجابيات ، والسلبيات هي اللي أمامك فقط وبالخط العريض
يعني سؤال : كل الأشخاص اللي ردوا عليك قالوا ان وجهة نظرك خاطئة ، هل كلهم غلطانيين
وبس انت والمسؤولين والطلاب اللي انصحوك ( انتوا الصح بس ) ؟؟
يعني هنا مافي أحد رد عليك بكلمة الا ورديت عليه بعشرة
مثلا انا يوم قلت على سبيل العموم (اعمل لآخرتك واجتهد في دنياك للكسب الحلال وفكر مليا قبل كل خطوة تخطوها في حياتك ( احسبها صح ))
تقولي مافي شيء اسمه احسبها صح ؟!
وايضا يوم قلت (ولا تنظر للعواقب نظرة يأس ) تقولي الا عشان بكرة ما تفاجأني ؟!
انا ما أقول ان كل كلامي صح ، بس ولا أحد مالي عينك وعاجبك كلامه
عبدالعزيز خذ نفس عميق واسمع لقلبك وحس بدفئه واتحسسه بحق
أكو شغلة بهالدنيا مافيها مميزات ولا مافي تضحيات ، ويعني غريبة يوم انك تقول (انت مميز بايش كونك طيار)!!
انت تدري ان الطيار بمثابة الوزير وقدره عالي في المجتمع والرخصة اللي بتستهين بها هي بدل على انه متعلم ومتمكن
والسنوات اللي باخذها في الدراسة والعمل حتى أوصل حق حلمي ، ماهو ضياع للوقت أبدا
أنا قاعد أدرس وأشتغل ، وهل هذا ضياع وقت ؟! وانت سميته ضياع وقت لأنك ما بتحبه ولا تتمتع به
تبي تصير طيار في لمحة بصر وراتبك يجيك لحد البيت ولا تطير ولا رحلة !!
وشيء أخر الحياة يا حبيبي ما وقفت عند أهلي و أصحابي وبيتي
الحياة مملوئة بالأولويات ولا حسب الأشخاص ، أنا عن نفسي ما بيهمني وين بتوظف بكرة ومش لازم أكون قريب من أهلي
والطيران أيضا باخذه سنة أو سنتين وأوقف ، عقب أتزوج وأصير عن أهلي
وأنا عمري بعد ولا وصل الثلاثين حتى ، أدري حتقولي سالفة الراتب والدخل ( الرزق )
والله ما حلفتني . أنا ما أبغي أصير طيار عشان أخذ فلوس . أبي المتعة فقط وان هذه هوايتي
أحد أصحابي في الاماراتية ، أول ما توظف الطيار المساعد أخذ 65 الف درهم اماراتي في الشهر الأول
يعني الشغلة فيها فلوس وفلوس كثير بعد
لكن مخطط حياتي شنو ؟ قبل لا أدرس الطيران بسويلي كذا شغلة بزنس أدخل منها دخل أستغني به عن راتب الطيار
يعني بكرة لا فصلوني عندي بديل وقوي جدا
والشغلة انت مخليها شغلة فلوس وافتخار بس
لا يا حبيبي المهم اني احب العمل اللي أعمله ، وفي ناس متعتها في العمل وحياتها كلها في العمل
وأيضا ترى مع دراسة الطيران ومشوار الطيران يمداني أسوي ألف شغلة وشغلة وأخذ عليه شهادات وترقيات
ودراسة الانكليزي وانك توصل حق طيار . مايبيلها سنوات مثل ما قلت انت
اذا كنت مجتهد أو سافرت الانكليزي ياخذ معاك 6 شهور بالكثير
ومرتبة الطيار 8 شهور بالكثير سنة وانت طيار ومعاك الرخصة لأن المساعد هم بعد طيار
عبدالعزيز سوري اني تكلمت معاك بهذه الطريقة . لكن الحقيقة لازم تنجلي والمخطئ لازم ينقال له ( خطأ )
حبيبي عيد النظر وانظر للأمور من جميع الزاويا وكنت انسان متفائل واحسن الظن بربك
وأنا من وجهة نظري ونصيحة لك : لا تكمل هذا الحوار بهذه الطريقة
لأنك مش مستعد لأن تتقبل وجهة نظر أحد ( عادي رأيك ) ولأنك ما وافقك على كلمة قيلة لك
ولا تنازلت عن كلمة انت قلتها
وترى وربي كلنا نحب ونحب لك الخير . وما شاركنا بموضوعك الا عشان نقولك في أمل والدنيا لسا بخير
تحيـ سماوي ـاتي