المجموعات الإجتماعية |
البحث |
مشاركات اليوم |
أكاديميات ومدارس الطيران Academic School عرض الجديد عن تدريس وتدريب الطيران //
راجع الفهرس التالي:
للأكاديميــــات تنويه : المشاركات الجديدة هنا ستعرض على المراقبة قبل اعتمادها للعرض! |
موضوع مغلق |
|
أدوات الموضوع |
مشاركة [ 1651 ] | ||||
|
||||
|
الحين الي عنده ايلتس ما يدرس في جامعة ابوظبي وعلى طول يدرس في العين !!!! اذا السالفة جي انا اقدر اييب لهم ايلتس وتوفل مع بعض اذا يبون واي شهادة يطلبونها راح اييبها.... ولا شو السالفة ؟؟ حد يفهمنا
|
|||
مشاركة [ 1652 ] | ||||
|
||||
|
وعليكم السلام ورحمة الله وبركاته وانتي بصحه وسلامه انا امس امتحنت انجليش وسيكومترك والحمد لله الاختبارات سهلات والتوفيق من الله ودعواتكم الطيبه ان شاء الله امن المطار مالج بيطلع وبتوقعين العقد هل شرط شهادة الايلتس تكون يديده ولا عادي تكون مارة عليها فترة طويلة وهل التوفل بيمشي ولا ؟ السبت ان شاء الله بسير اقدم على كورس ايلتس وبشد حيلي عشان على طول ندرس بالعين اذا قبلونا ان شاء الله . خلال البرزنتيشن الي عرضونه عن الشركة والبرامج قبل لا يبدون الاختبارات قالو لنا ان برنامج الطيارين بيكون 18 شهر في العين ومباشرة وبتكونون على اسطول الاتحاد شو الخطوة الي بعد اختبار الانجليزي والسيكوميتر شو بيختبرونا؟؟؟؟؟ دعواتكم الشهاده لازم ماتكون جديمه ,, بعد ماتطلع نتيجة السايكو موتر اظن مقابله ,, والبتوفيق اخوي ^_^ |
|||
مشاركة [ 1653 ] | ||||
|
||||
|
الشهاده لازم ماتكون جديمه ,, بعد ماتطلع نتيجة السايكو موتر اظن مقابله ,, والبتوفيق اخوي ^_^
شهادتي ما مر عليها وايد بس 3 سنوات |
|||
مشاركة [ 1654 ] | ||||
|
||||
|
الأيلتس تنتهي بعد سنتين بالتمام والكمال
|
|||
مشاركة [ 1655 ] | ||||
|
||||
|
الأيلتس تنتهي بعد سنتين بالتمام والكمال
عيل ماشي فايدة لازم واحد جديد |
|||
مشاركة [ 1656 ] | ||||
|
||||
|
الحين الي عنده ايلتس ما يدرس في جامعة ابوظبي وعلى طول يدرس في العين !!!! اذا السالفة جي انا اقدر اييب لهم ايلتس وتوفل مع بعض اذا يبون واي شهادة يطلبونها راح اييبها.... ولا شو السالفة ؟؟ حد يفهمنا
لا مايخصه في الايليس ,. الثانوية ,, والدبلوم نصهم لازم يدرسون 4 سنوات ها القانون اليديد ,, والكابتن جي قالنا ,, واللي شهايدهم دبلوم عالي وفوق على طول يحولونهم على العين .. |
|||
مشاركة [ 1657 ] | ||||
|
||||
|
لا مايخصه في الايليس ,. الثانوية ,, والدبلوم نصهم لازم يدرسون 4 سنوات ها القانون اليديد ,, والكابتن جي قالنا ,, واللي شهايدهم دبلوم عالي وفوق على طول يحولونهم على العين ..
كيف يعني نصهم لازم يدرسون 4 سنوات وضحي اختي ؟؟؟ اذا عندي شهادة دبلوم هندسة لازم نرجع ندرس اربع من يديد؟؟ |
|||
مشاركة [ 1658 ] | ||||
|
||||
|
آآها
منى ما شاء الله يعني انتي درستي في كلية التقنية وعندج دبلوم صح انا اتذكر في برنامجين حق الي عندهم دبلوم وفوق ولطلبة الثانوية |
|||
مشاركة [ 1659 ] | ||||
|
||||
|
كيف يعني نصهم لازم يدرسون 4 سنوات وضحي اختي ؟؟؟ اذا عندي شهادة دبلوم هندسة لازم نرجع ندرس اربع من يديد؟؟ اخوي كل اللي اعرفه الكابتن قال دبلوم والثانوية يعادلونهم واحد ,, اما الدبلوم العالي وفوق هييل يدرسون بس 2 ><" |
|||
مشاركة [ 1660 ] | ||||
|
||||
|
صح نسيت اخبركم اليوم ف الجامعه عقب ماخلصت اللسبيكنج سألت المس وقلتلها انا عن طريق الاتحاد ف قالت هم اوريدي بيعطوني كورس انجليزي يعني هم بس يبون يشوفون الاسكور ويقيمونا ع حسب مستوانا وانشاءلله خير
ومثل ماقالت اختي منى الدبلوم العالي +البكالوريوس هاذيلا بيروحون العين والثانويه والدبلوم راح يدرسون 4 سنوات والله اعلم |
|||
مشاركة [ 1661 ] | ||||
|
||||
|
آآآها الحين فهمتج 100% بالتوفيق
:) |
|||
مشاركة [ 1662 ] | ||||
|
||||
|
وانا بعد فهمتج 100%
|
|||
مشاركة [ 1663 ] | ||||
|
||||
|
منى ممكن ترجعين تشرحين من الاول
:) |
|||
مشاركة [ 1664 ] | ||||
|
||||
|
اليوم كنت عند فاطمة
ووقعت على كل الأوراق تقريبا 30 او 40 ورقة قالت لي مبروك انت اول واحد يخلص كل شي هع الحمد لله |
|||
مشاركة [ 1665 ] | ||||
|
||||
|
اليوم كنت عند فاطمة ووقعت على كل الأوراق تقريبا 30 او 40 ورقة قالت لي مبروك انت اول واحد يخلص كل شي هع الحمد لله مبروك وكل عام وانت بخير |
|||
مشاركة [ 1666 ] | ||||
|
||||
|
اليوم كنت عند فاطمة ووقعت على كل الأوراق تقريبا 30 او 40 ورقة قالت لي مبروك انت اول واحد يخلص كل شي هع الحمد لله مبروك اخوي وانشاءلله اتكون الاول ف كل شي اخوي راعي اوراق شو اللي وقعتها ؟؟؟؟ علما ان نحن قبلك مطرشين كيف انته اول واحد ؟؟؟:baaa2: |
|||
مشاركة [ 1667 ] | ||||
|
||||
|
الله يبارك فيك وعقبالكم
|
|||
مشاركة [ 1668 ] | ||||
|
||||
|
مبروك اخوي وانشاءلله اتكون الاول ف كل شي
اخوي راعي اوراق شو اللي وقعتها ؟؟؟؟ علما ان نحن قبلك مطرشين كيف انته اول واحد ؟؟؟:baaa2:
هااهااهآآآي نسيت اقول لك يريدونك توقع على العقد وأنيكس 1 وأنيكس 2 وأنيكس 3 وتدور حول نفسك 5 مرات << إحذف هذا الجزء هههه هي قالت انا اول واحد يخلص كل شي انت ومستر دريمر اعتقد ما وقعتو على انيكس 1 و2 او يمكن ما وصلها ؟!
|
|||
مشاركة [ 1669 ] | ||||
|
||||
|
الله يبارك فيك يا بايلوت ويوفقك ويوفق الجميع
ياسية وين راحت مرة ما تشارك إن شاء الله تكون امورها طيبة برب شويتين |
|||
مشاركة [ 1670 ] | ||||
|
||||
|
كيف جذه انيكس 1 و 2 مستر دريمر قال لا تسونه حتى فاطمه ماقالت شي
وانته اشحقه ماتخبرنا افاااا اتسوي كل شي روحك خخخخخخخ ع الاقل عطنا خبر بس زين انك اذكرت وخبرتنا انشاءلله بوقعهم وبطرشهم مشكور اخوي راعي ماقصرت بس مادري اذا مستر دريمر يعرف ولا لأ؟؟ لازم انخبره ياريت اطرشله رساله خاصه اتبلغه لان الرسايل عندي فل ولازم امسح الرسايل اللي ماباهم وبالنسبه لاختي الياسيه مول ماتدخل المنتدى عسى ماشر !!!! |
|||
مشاركة [ 1671 ] | ||||
|
||||
|
آسف والله كنت حاطنكم في بالي وانا راجع العين
بس من وصلت رحت انام شوية من التعب ونسيتكم المهم الحين انت لازم تخلص باقي الاوراق لازم ترسلهم اما بالفاكس او بالايميل وانا أفضل تسلمهم الاوراق باليد.... اما مستر دريمر راح ارسل له رسالة |
|||
مشاركة [ 1672 ] | ||||
|
||||
|
لا عادي اخوي معذور يوم انك نسيت
وانا بطرشه بالايميل لاني بعيد عن بوظبي |
|||
مشاركة [ 1673 ] | ||||
|
||||
|
انا ما ارتاح الا لما اسلمهم الأوراق باليد علشان اكون 100% متأكد من كل شي + بالمرة أسألهم عن اي شي في خاطري يلا تصبحون على خييييير
|
|||
مشاركة [ 1674 ] | ||||
|
||||
|
وانته من اهله اخوي راعي
|
|||
مشاركة [ 1675 ] | |||
|
|||
عضو خط الطيران
|
مبرووووك اخوي راعي. و عقبال الكل
اختي منى مشكورة ع التوضيح |
||
مشاركة [ 1676 ] | |||
|
|||
عضو خط الطيران
|
وشو يطلع الانيكس
|
||
مشاركة [ 1677 ] | ||||
|
||||
|
|
|||
مشاركة [ 1678 ] | ||||
|
||||
|
هههههه
الأنيكس والله ما اعرف شو يعني بالعربي annex بس هي حزمة من الأوراق فيها بنود العقد |
|||
مشاركة [ 1679 ] | ||||
|
||||
|
أهلا يا شباب السلام عليكم ورحمة الله وبركاته،، حبيت أخبركم ويش صار معي أمس أثناء الإختبار المهم كان عندنا ثلاث أوقات للذهاب للإختبار، الساعة 9 و11 و1 ظهرا أنا وأخوي قررنا نروح الساعة 11،،المهم لما وصلنا الفندق أنا دخلت ورحت أشوف الأوضاع وبعدها الساعة كانت 9 وحاجة تقريبا، بس لما دخلت انصدمت من عدد المتقدمين الكبببببببببيييييييييييييييييير جدا جدا جدا،،وأخوي مسكين كان رايح للمسجد عشان ينام شويه وبعدين نروح للإختبار، فرجعت لأخوي وقلتله ما شي فايدة من الجلسة أفضل نروح نخلص أمورنا من الحين،،المهم رحنا وحطينا الأوراق عند الموظفين الإماراتين إلي كانوا جايينين يشرفوا على الإختبار، وأذكر كان توجد بنت أسمها "سميرة" على حسب ما سمعت واحد هناك جالس يناديها كذا إذا تعرفوها أو حاجة زين تعطونا معلومات عنها؟ لأنها كانت هي إلي تكلم المتقدمين وتخبرهم ويش يجيبوا من أوراق وهذي الأشياء،، المقرر أن الإختبار يبدأ الساعة 11 بضبط، بس بسبب العدد الهائل من المتقدمين والفوضة في المكان دخلنا القاعة الساعة 12:20 دقيقة تقريبا يتبع....... التكملة،،، المهم،،، لما دخلنا القاعة أولا أعطونا عرض عن طيران الإتحاد وبعض المعلومات عنه،، ثم بدأنا إختبار اللغة الإنجليزية ولمدة 30 دقيقة، الإختبار كان سهل ولله الحمد، بس المشكلة التي وقعت فيها أني لم أحسب حسابي للوقت، لذلك مر الوقت بسرعة ولما قالوا :"انتهى الوقت، ضعوا الأقام" أنا كنت بعدني ما كاتب التعبير والذي كان عبارةعن رد لرسالة ولا تزيد عن 40 كلمة فقط، يعني تعبير بسيط لكن راح علي، أنا طبعا ما سعمت الكلام وما حطيت القلم، قرأت الرسالة على السريع، وكتبت رد بسيط ومتلعوز وأنا رافع راسي عن يلاحظوني المراقبين.. أعتقد أني راح آخذ درجة وحده على الأقل لأني ماحطيت الورقة بيضاء،،هههه ثم بعد هذا بدأ إختبار General reasoning (وألاحظ هنا الشباب بعضهم يقولوا السيكوميترك، فهل هذا لمسمى صحيح؟؟ يعني هل هذا نفس السيكوميتر؟؟) الإختبار كنت ثلاثة أجزاء: 1- الجزء الأول مدته 8 دقائق، وفيه مجموعة كلمات وأنت تشوف الكلمة المختلفة،،،،وبصراحة الأسئل ما أذكر إذا كانت 25 أو 35 سؤال، لكن المهم الوقت مضى مثل البرق،،وباقي الأسلئة حطيت لها أجوبة من رأسي.. 2- الجزء الثاني كان رياضيات وأعتقد 25 سؤال ومدته 10 دقائق،،متنوع بين أسئلة لفارق التوقيت بين المناطق، وتوجد أسئلة مثلا: 2، 4، 6، 8...وبعدين ما هو الرقم التالي؟؟ وهكذا،، وتوجد أسئلة تحويل عملات وغيرها،،المهم أشياء سهله ،،لكن الوقت كان مره له دور في الموضوع،،راح بسرعة الضوء هذي المرة،، 3- الإختبار الأخير وهو كان عبارة عن أشكال هندسية ،وهذا طبعا معروف،، وآخيرا انتهينا من الإختبار في حدود الساعة 1:45 دقيقة،،والدفعة الثالثة بعدها ما دخلت القاعة والتي كانت من المفترض أن تبدأ الإختبار الساعة 1:00 بضبط،، طبعا طلعت وأنا شبه صامت لأني أضعت الكثير من الدرجات، لكن ما راح يصير إلا المكتوب بإذن الله،، وبشكل عام الإختبارات كانت سهله،، والحين اريد أعطيكم الرقم التقريبي للمتقدمين إلي حظروا الإختبار،، أنا من خلال نظري في الكم الهائل من الناس الموجودين فأقدر عددهم ب 500 متقدم أو أكثر!!! وأخوي يقول تقريبا 700 شخص!! واريد من الشباب إلي حظروا الإختبار معنا يعطونا أرقامهم التقريبية،، |
|||
مشاركة [ 1680 ] | ||||
|
||||
|
هذي بعض المواقف الحزينة والصعبة التي مر بها صديقنا pilot99
والحمد لله بالإصرار والتوكل على الله أكمل مشواره،، (تابعوا الصفحة 62 المشاركة رقم 918 ،،لإعادة الذكريات المؤلمة قليلا)
انا راحت عليه للأسف رسبت في السايكومتر نكست تايم ان شاءالله الله يوفقك لذلك أبارك لك يا صديقي لوصولك إلى هذه المرحلة مع طيران الإتحاد،، |
|||
موضوع مغلق |
أكاديميات ومدارس الطيران Academic School |
|
|
|
المواضيع المتشابهه | ||||
الموضوع | المنتدى | |||
◄◄◄خاص بالأسئلة والاستفسارات وحلول المشاكل► ► ► | منظومات الطيران VATSIM & IVAO online | |||
استراتيجية جديدة لطيران الخليج لبناء خطوط جوية وطنية تحقق ربحية((تحديث)) | المقالات الصحفية Rumours &News | |||
طيران الإمارات وأستراليا تطبقان برنامجاً مبتكراً لإدارة المجال الجوي | المقالات الصحفية Rumours &News | |||
استعدادات لإطلاق سادس ناقلة طيران في الدولة | المقالات الصحفية Rumours &News | |||
رئيس مجلس (طيران الجزيرة) مروان بودي في مقابلة مع CNBC | المقالات الصحفية Rumours &News |