[احمد آل علي]

السلام عليكم اخواني .,

اخوكم احمد آل علي من دبي .,

مبتعث للدراسه بامريكا .,

امس حجزت تذكرة ., على الخطوط القطريه .,

من دبي للدوحه ., ساعه ونص ترانزيت ., لواشنطن مباشره .,
من دبي الساعه 6 ونص الصبح ., لقطر في نفس التوقيت ومن قطر 8 الاقلاع والوصول لواشنطن 2 ونص الظهر

مطار دالاس ., IAD

بتاريخ 2- يناير .,

الرحلـه رقمها QR 51

هالمره اول مره اسافر لوحدي ., ولمده طويله .,

فسؤالي .,

هل الرحله مرهقه لذييييك الدرجه ؟

لاني انا من النوع الي مايتعب من السفر يعني عادي احسه .,

بس داخل الطياره هل القطريه عندها ذيك الخدمات الطيبه ؟

ترفيه وغيره ؟

وبخصوص الوصول للمطار ., انا خايف من التاخر لفتره طويله فطابور الهجره !!

خصوصا انه بدايه السنه عندهم .,

الحقائب ., ممكن يكونو اربع ؟
2 كبار ووحده صغيره ووحده للابتوب ؟

واذا يعرف متى بامكاني حجز المقعد .,
لانه الوزاره حجزت لي التذكره .,
بدون اختيار مقعد ., تذكره الكترونيه موجوده عندي .,
دخلت موقع القطريه لاختيار المقعد .,
اختار المقاعد بس لما اطلع وادخل بعد مره مايكونو انحجزو .,
وشفت 70-80% محجوزات !!

ارجو من الاخوه اعطائي كللل النصايح والملاحضات .,
مش مشكله الرد على اسالتي ., تهمني ملاحضاتكم .,
واذا احد جرب القطريه لواشنطن يخبرني كيف كانت .,
شو ممكن اسوي خلال 14 ساعه ونص .,
وكيف انتو قضيتوها .,

انا مش اني قلق او شي .,

بس الواحد يحاول يعرف قدر المستطااع لانها بلد غربه .,
مش كاني رايح لاخواني فالمملكه ولا قطر وغيرهم .,

والله يحفظكم .,

[إنسان ذوق]

مرحبا بك ياخوي أحمد
في البداية أقول الله يوفقك في مسيرتك التعليمية

ثانيا أنا أستغرب إنك تسأل عن خدمة القطرية وهي أفضل شركة طيران في العالم لهذا العام !!

عموما أخي أحمد أنت راح تسافر على بوينج 777 وهي تعد من أفضل الطائرات في العالم اليوم .

وتوزيع المقاعد على هذا النوع من الطائرات اللي تملكها القطرية يندر ماتحصل على مثيله من بين الشركات ذات الجودة في العالم من حيث حجم المقعد و المسافة عند الأرجل . بالإضافة إلى الترفيه الجميل
والوجبات الكريمة ونوعيتها الطيبة .

لا تقلق بشأن رحلتك على القطرية من هذا النحو .

أما من ناحية إجراءات الدخول لمطار واشنطن فهي سلسة إلى حد كبير بما أنك قادم على متن القطرية .
أنا ماسافرت لواشنطن لكن هذا نقلا عن أصحابي.

أتمنى إني أفدتك ولو بالقليل ودرب السلامة بإذن الله

[احمد آل علي]

تسلم اخي العزيز .,
والله ماعندي ذيج الخبره ههه بمجال الطيران .,
معني رايح ادرس ادارة مطارات .,!!

بس جد ؟ تفوقت على طيران الامارات ؟

انا يهمني الكرسي ., واذا في اماكن فارغه اروح اتمدد خخخ .,!

يعني شركة الطيران لها دخل فالجمارك فالمطار من تسهيل وغيره ؟

انتظر ردود الاخوان .,

[الكابتن القطري]

أخوي أحمد عسى ربي يوفقك ويسهل إمورك ودربك خضر إن شاء الله وتوصل بالسلامة

أول شيء هناك أنواع مختلفة من الطائرات تملكها القـطـرية وما دمت ماعندك تلك الخبرة

بمجال الطيران فـ صعب إنك تفهمها الأن وبسرعة فـ أعطيك من الأخير

القـطـرية | رحلة رقم 051 QR هي رحلتك تقلع الساعة 8:05 صباحاً

الطائرة من نوع B777-300ER

وهذه هي نفس النوع الي راح إن شاء الله تركبها في تاريخ 2\1\2012

نفسها بالظبط

هذه طائرة جداً مريحة وفخمة تحتوي على شاشات ترفيهية بـ أعلى المستويات

نظام oryx " المها " شاشة الترفية تحتوي على أحدث أفلام وألعاب وموسيقى ومسلسلات فوق أكثر من

500 برنامج مرئي وسمعي تمر عليك الـ 14 ساعة ولا تحس فيها كـأنها رمشة عين

أياً كانت درجة سفرك سواء إولى أو سياحية أو رجال الأعمال جميعهم فيهم

خدمات مريحة وكبيرة وفخمة وترفيهية وخدمات طبية و أرقى الأطعمة

هذا بالنسبة للطائرة لاتحاتي ولاشيء إنت مع أفضل طيران بالعالم لسنة 2011

مع القطـرية بترتاح إن شاء الله

وهذا مقطع يبين لك من الداخل طائرات البوينج للقطـرية ومنهم طائرتك

في مطار دالاس لها القـطـرية سكشين خاص بها بـ معنى إجراءات الهجرة وكل شيء تتم

تحت القـطـرية وركابها وخدمتهم خدمة ممتازة وفي مطار واشنطن إن شاء الله ما في أي تأخير

أو طابور مع تنظيم موظفين القـطـرية وموظفين مطار واشنطن

و رداً على سؤالك

اقتباس:     المشاركة الأصلية كتبت بواسطة احمد آل علي  

يعني شركة الطيران لها دخل فالجمارك فالمطار من تسهيل وغيره ؟

نعم بعض شركات الطيران لها مكاتب خاصة في مطارات العالم

كـ القـطـرية لها مكتب ومبنى في مطار هيثرو ( لندن ) ولها مكتب في واشنطن في مطارهم

فـ لاتحاتي مسئلة الخدمة والإستعلامات راح يخدمونك القـطـرية وموظفينهم مع موظفين واشنطن

بس إسئل وإستفسر تلقى نفسك أنهيت إجراءات مطار دالاس

هذا رابط لموضوع ممكن يفيدك بخصوص إجراءات مطارات أمريكا إقرأ للفائدة
ويحتوي على نصائح مفيدة
https://www.flyingway.com/vb/showthread.php?t=37295

وهذا رابط ثاني مهم لـ نصائح التواجد في مطارات أمريكا

https://www.flyingway.com/vb/showthread.php?t=30929

بالنسبة لحجز المقاعد لما توصل مطار الدوحة الدولي في تاريخ 2\1\2012

تتوجه لـ كاونتر المطار وتعطيهم التذكرة الي راح تواصل رحلتك عليها وهي واشنطن

وإختر المقعد من كاونتر المطار أفضل وأحسن

حالياً موقع القـطـرية فيه تشويش شوي بحيث ماتقدر تطبع البوردينج مع إختيار المقعد

فـــ الأفضل إختار المقعد من مطار الدوحة

بالنسبة للحقائب أكيد من مطار دبي توضح لهم إن رحلتك ترانيزت دبي دوحة واشنطن

وأظن دايركت تترتب موضوع الحقائب

يعني من تحطهم في دبي ما تستلمهم إلا في واشنطن وإحرص على التوضيح لهم

موضوع الوزن .... بغض النظر عن عدد الحقائب الي معاك إحرص إن

وزن الحقيبة الوحدة ما يتعدى 32 كيلوغرام وما في مشكلة بالعدد

أخيراً القـطـرية طيران مريح ما في أبداً تعب منه

بتقضي وقت حلو في الطيارة وتقدر تقضيها بـ الأفلام بـ البرامج المسلاسات أو الموسيقى

أو الترفيه أو تعطيها أحلى نومة في الجو البارد الي في الطائرة

رحلة سعيدة وممتعة وموفقة بـ إذن الله والله يحفظك يا خوي أحمد ويوفقك

وأي سؤال تفضل إحنا حاضرين

[احمد آل علي]

مااشاء الله عليك .,
ماقصرت ياخوي .,

يعني ان شاء الله كل شي تمام .,
اسمحلي ياخوي والله شكلي كلفت عليك .,
رحت ويبت المعلومات والصور والفيديو ., الله يسعدك .,
بس كفايه اني رايح على افضل طيران ^^

خلاص دام جي الموضوع ., يوم بروح مطار دبي بختار كرسي الطياره فالمطار .,
ويوم بروح الدوحه برررركض عشان اختار كرسي الطياره هع ., لانه جد زحححمه ماشي اماكن .,

ذكرتني بموضوع الشنط ., لازم ااكد عليهم استلامي للحقايب فواشنطن .,!

ريحت بالي الله يريحك .,

تسلم ياخوي وماقصرت ., والله يعطيك العافيه على هذا المجهود الطيب .,
في حفظ الله .,!

[الكابتن القطري]

اقتباس:     المشاركة الأصلية كتبت بواسطة احمد آل علي  

مااشاء الله عليك .,

ماقصرت ياخوي .,

يعني ان شاء الله كل شي تمام .,
اسمحلي ياخوي والله شكلي كلفت عليك .,
رحت ويبت المعلومات والصور والفيديو ., الله يسعدك .,
بس كفايه اني رايح على افضل طيران ^^

خلاص دام جي الموضوع ., يوم بروح مطار دبي بختار كرسي الطياره فالمطار .,
ويوم بروح الدوحه برررركض عشان اختار كرسي الطياره هع ., لانه جد زحححمه ماشي اماكن .,

ذكرتني بموضوع الشنط ., لازم ااكد عليهم استلامي للحقايب فواشنطن .,!

ريحت بالي الله يريحك .,

تسلم ياخوي وماقصرت ., والله يعطيك العافيه على هذا المجهود الطيب .,

في حفظ الله .,!

ولايهمك لا كلافة ولا شي كلها من خط الطيران نخدمك إحنا
وجمعنا لك المعلومات يا طويل العمر وعطيتك بعض المعلومات من موقع القطرية ومطار الدوحة
وموقع سفاري

اقتباس:     المشاركة الأصلية كتبت بواسطة احمد آل علي  

خلاص دام جي الموضوع ., يوم بروح مطار دبي بختار كرسي الطياره فالمطار .,

ويوم بروح الدوحه برررركض عشان اختار كرسي الطياره هع ., لانه جد زحححمه ماشي اماكن .,

أي جذي أحسن لين بس ينتهون من التطوير والمشاكل الي بموقع القـطـرية الجديد

وموضوع الشنط ... تأكد عليهم إستلامك في واشنطن وتأكد من الوزن !

وما سويت إلا الواجب الله يسلمك

[الطيار البحري]

أخي العزيز انا سافرت بالقطرية على بكين من دمشق....صحيح هي ما 14 ساعة..واطول فترة متواصلة 8.30 بس بتحسها لمح البصر....مقعد مريح بالدرجة السياحية وحتى للنوم....خدمة رائعة....برنامج ترفيهي يحيرك شو بدك تختار فلم أو مسلسل أو موسيقى..........وبالاكيد القرآن الكريم كاملا بصوت الغامدي........
بصراحة لما عرفت انو السفر رح يكون على طائرة بوينغ 777 ما ارتحت للموضوع بالاول وكنت مفضل 380 على الامارات...بس بعد التجربة 777-300 طائرة مدهشة....

ولاتنسى انت على طيران الخمس نجوم
تروح ترجع بالسلامة

[احمد آل علي]

تسلم اخـي العزيز .,
ان شاء الله تمر بسرعه وبشكل حلو .,!

[احمد آل علي]

بغيت اسالكم اخواني .,

في واحد قاللي انه ممكن لما تروح مطار دبي ., يعطونك جميع التذاكر ( دبي - الدوحه ) ( الدوحه - واشنطن ) !
هل هذا صحيح ؟
واذا كان صحيح ., معناته ممكن احجز المقاعد وانا في دبي صحيح؟

وبالنسبه للشنط ., هل ممكن اروح المطار قبل الرحله ب24 ساعه اعطيهم الشنط وكل شي .,
بعدين وقت الرحله اجي عالطياره بسرعه ؟.
وهل هذا يوفر وقت؟

لانه المطار جنب بيتنا اقل من 2 كيلو .,!

[ولد القصيم]

نعم صحيح يعطونك البوردنق باس في دبي يعني مثال بتروح لواشنطن من دبي مروراً بالدوحة

في دبي يعطيك البوردنق حق الدوحة وواشنطن وإستلام الأمتعة بواشنطن

وانا حصلت معي لما سافرت لإندنوسيا عن طريق طيران الإمارات من الرياض عطاني بوردنق رياض دبي وبوردنق دبي جاكرتا

[احمد آل علي]

مشكور اخوي .,
تسلم عالافاده .,

اذا ممكن حد يرد عالسؤال 2 ..

وبالنسبه للشنط ., هل ممكن اروح المطار قبل الرحله ب24 ساعه اعطيهم الشنط وكل شي .,
بعدين وقت الرحله اجي عالطياره بسرعه ؟.

وهل هذا يوفر وقت؟

لانه المطار جنب بيتنا اقل من 2 كيلو .,!

وشو هو (online check in ) ?

[yahya77]

لا ازيد على كلام الاخوان شيئ
الله يوفقك وويسرلك امورك..وبالسلامة

[Halawala]

اقتباس:     المشاركة الأصلية كتبت بواسطة احمد آل علي  

مشكور اخوي .,
تسلم عالافاده .,

اذا ممكن حد يرد عالسؤال 2 ..

وبالنسبه للشنط ., هل ممكن اروح المطار قبل الرحله ب24 ساعه اعطيهم الشنط وكل شي .,
بعدين وقت الرحله اجي عالطياره بسرعه ؟.

وهل هذا يوفر وقت؟

لانه المطار جنب بيتنا اقل من 2 كيلو .,!

وشو هو (online check in ) ?

اونلاين جك ان تقتح موقع القطرية وتطبع البورندج باس قبل الرحلة ب3 ايام او يمكين او اقل وتروح المطار وتعطيهم الشتطة...

سهلات اخوي ما يحتاج تحاتي

والرحلة مريحة وعندك فالسياحية اضن شنطتين وكل شنطة 23 كيلو على ما اضن

[الكابتن القطري]

اقتباس:     المشاركة الأصلية كتبت بواسطة Halawala  

اونلاين جك ان تقتح موقع القطرية وتطبع البورندج باس قبل الرحلة ب3 ايام او يمكين او اقل وتروح المطار وتعطيهم الشتطة...

سهلات اخوي ما يحتاج تحاتي

والرحلة مريحة وعندك فالسياحية اضن شنطتين وكل شنطة 23 كيلو على ما اضن

أي عدل كلامك بس موقع القطرية صار خربطيشن لا تخلي الريال يعاني ههههههههههه

مع التطوير والتجديد ما أدري شصار فيه لايطبع تذاكر ولا جك إن

[الكابتن القطري]

اقتباس:     المشاركة الأصلية كتبت بواسطة احمد آل علي  

وبالنسبه للشنط ., هل ممكن اروح المطار قبل الرحله ب24 ساعه اعطيهم الشنط وكل شي .,
بعدين وقت الرحله اجي عالطياره بسرعه ؟.

وهل هذا يوفر وقت؟

لانه المطار جنب بيتنا اقل من 2 كيلو .,!

لا يا خوي أحمد أحنا سوينا هذه الطريقة مرة ورجعنا بشناطنا البيت !!
هذا النظام مع مطار الدوحة ممنوع ما أدري إذا مطار دبي يفتحلك الكاونتر قبل رحلة معينة بـ 24 ساعة شوفهم
بس ما إنت خسران شي ما دام بيتكم قريب المطار يا خي روح و معاك الشنط ودخلهم في نفس اليوم
وإذا على قولتك تجي على الطيارة بسرعه لاتضايقك عمرك بالوقت روح قبل الرحلة بساعة
على الأقل هو المفروض ساعتين لكن إنت مادام قريب روح قبل ساعة

[احمد آل علي]

خخخ .,
يعني كنت برجع البيت ههه .,
بس قلت يعني يمكن بهالطريقه ما اوقف فالطاوابير .,
عرفت كيف .,!
امشي واروح الطياره ., بدال الصدعه !
بس يالله ., الله يسهل علينا .,
مشكور ياخوي العزيز !

[احمد آل علي]

خخخ .,
يعني كنت برجع البيت ههه .,
بس قلت يعني يمكن بهالطريقه ما اوقف فالطاوابير .,
عرفت كيف .,!
امشي واروح الطياره ., بدال الصدعه !
بس يالله ., الله يسهل علينا .,
مشكور ياخوي العزيز !!

[احمد آل علي]

خخخ .,
يعني كنت برجع البيت ههه .,
بس قلت يعني يمكن بهالطريقه ما اوقف فالطاوابير .,
عرفت كيف .,!
امشي واروح الطياره ., بدال الصدعه !
بس يالله ., الله يسهل علينا .,
مشكور ياخوي العزيز !!!

[B748]

سافرت على النفس الرحله في شهر اوجست بس كانت دمام-دوحه-واشنطن وانا طالب نفس الحاله والله من اروع الرحلات الرحله روووووووعه وعن مطار واشنطن مااخذ معي شي ابدا نص ساعه وخلصت كل شي لاتفتييش ولا شي كل شي سهاالات بالتوفيق

[احمد آل علي]

تسلم اخوي الغالي .,
الحمدلله ., حصلت احد عنفس الرحله .,
اخوي كيف كان دور طيران القطريه فالمطار ؟
وقت الجمارك وغيره ., حسيت في تسهيل للاجرائات ؟

[B748]

الخطوط مالها دخل في تسهيل اجراءات واللي يقول غير الكلام هذا غلط لانه هذا امن دوله مافيه تسهيل اجراءات الكل نفس المعامله
بالنسبه للجمارك في يعطونك قبل ماتهبط الطياره نموذج i94 تعبيه وتحط عنوان سكنك في امريكا خذ عنوان السكن اللي بتسكن فيه قبل لاتطلع على الطياره حتى لو اول ماتروح لفندق حط عنوان الفندق وطبعًا فيه بالنموذج اذا معك ماكولات او شي بالشنطه اهم شي خلك واضح بكل شي وراح يمشي كل شي تمامم

انا لما جيت اسلم النموذج سئلتني حقت الجمارك قالت معك اكل او شراب او شي قلت لا قالت welcome in America يعني كل شي سهل جدًا وماراح ياخذ معك وقت ابد ومافي تاخير ابد بالجوازات فيه كاونترااات كثييييره مره

[احمد آل علي]

شكـرا اخوي .,

بس اخوي اذا حصل وانك ماتاخرت ., ترا حاله فرديه .,
لانه يظهرلي الاغلبيه العظمى جدا يتاخرون !!

بس كيف الاخوان فوق خبروني انهم يسهلون ولو باقل طريقه ؟
وكيف عن القصص والمواقف الي صارت ., والناس تاخرو فوق 4 وخمس ساعات ؟

انتظر الاجابـه .,!

[B748]

هلا اخوي التاخير هذا كان اول لان الحين قبل لا تطلع الطياره من الدوحه يفتشونك ويخلصون فلما توصل امريكا مايسوون لك شي وهذا مب بس انا كل اللي معي بالمعهد العرب والسعوديين وخويي اليوم واصل على الخطوط السعوديه ماوقفوه ابد واستقبلته من المطار صدقني لما توصل هناك ان شاء الله بتمر بسرعه وارجع ر بهذا الموضوع ههههه صدق اتكلم لان الناس لللحين ماخذا ان امريكا تفتيش وخايفيين لا هذا غلط صحيح اول كان كذا لان او كان التفتيش في امريكا مب من محطه المغادره الحين التفتيش صار من محطه المغادره فالاموور سهله ان شاء الله اهم شي خلك نظامي كانك داخل اي دوله ثانيه عاديه مافي لا تعقيد ولا شي

بالتوفيق

[احمد آل علي]

شكـرا اخوي .,
طمنتني والله .,
جزاك الله خير .,

[B748]

وياك ان شاء الله بالخدمه اخوي اي سؤال حاظرين