[MeDo_ZoNe]

هدفنا كلنا واحد .. دراسه الطيران.
مشكلتنا كلها واحده .. مكان رخيص و فى نفس الوقت يكون مضمون و سهل.
كل واحد دخل على مدارس كتير و شاف انظمه كتيره و سمع نصايح اكتر و النتيجه واحده .. لسه مش قادرين ناخد القرار.
طبعا كلنا خايفين علشان المبلغ كبير و مش مستعدين يتنصب علينا فى بلد احنا غرب فيها و سهل اوى اى حد يعمل شغل علينا و يلبسنا فى الحيط.
طيب و الحل !!
الحل موجود .. يلا نتحد و نحط ايدينا فى ايد بعض و نفكر بصوت عالى مع بعض و كل واحد يحكى تجربته مع المدارس الى شافها او راسلها او الى بيفكر فيها حتى و اكيد هنفيد بعض كتير و هنقسم المجهود علينا و صدقونى الموضوع دا فيه مصلحه لينا كلنا و كل الى هيدخل عليه .. وفى النهايه نقرر قرار مع بعض و أن شاء الله نسافر مع بعض و ناخد عرض مغرى جدا من المدرسه الى هنتفق عليها ( سعر جمله ) و كمان نكون اسره واحده فى الغربه .
لو عجبك الكلام متمشيش من غير ما تشارك و لو حتى بسؤال.

[Cpt.Mohammed]

انا معاك وموضوع رائع , وفعلا بعاني من نفس المشكلة ... لدرجة انى بجد فكرت أأجل فكرة دراسة الطيران دلوقتي خالص لغاية ما أجمع معلومات أكتر عن الأكدايميات ونظام التوظيف فيما بعد وخلافه ....

أحييك علي الموضوع وهتلاقيني ان شاء الله من أول المشاركين ...

أخوك : محمد

[CAP86]

مؤتمر خاص بأعضاء المنتدى بالسعودية وسوريا للاجابة على جميع اسئلتكم من قبل خبراء و مشرفين من الولايات المتحدة وطيارين عرب

بس....مقدرش اعمل اكتر من كده عشان اساعد

[MeDo_ZoNe]

اعتقد ان دراسه لطيران فى خلال عام هو انسب وقت على الإطلاق بسبب الازمه الاقتصاديه و انخفاض سعر الوقود و قله الطلب على الدراسه فى المدارس بالاضافه الى انفلونزا الخنازير .. كل الاسباب دى فى صالحنا طبعا و عايزين نستفيد منها أن شاء الله .. علشان كدا مش عايزين نأجل الموضوع كتير يا كابتن محمد.
انا عن نفسى فكرت فى جنوب افريقيا بس سمعت كلام مش كويس عنهم و انتهم ممكن يسقطوك علشان تفضل قاعد و تدفع لان مش من مصلحه اى مدرسه انك تخلص بسرعه و كمان اخدت بالى ان فى كذا عضو فى المنتدى سافر لجنوب افريقيا و بعد كدا مكملش فيها و راحو الفلبين .. و بصراحه انا افضل امريكا وكندا على الفلبين .. بس لو الفيزا قفلت اكيد هفكر فيها بس لسه بدرى على الخطوه دى و أن شاء الله مش هنوصلها .
بالنسبه امريكا فى مدرسه لفتت نظرى اوى اسمها Dean International و شكلها كدا محترم و سعرها مغرى جدا النظام الهندى ب 30000 دولار و النظام السعودى ب 36000 دولار و مش شاملين الاقامه و لسه هحاول اتأكد من الاسعار دى و سعر ال FAA منهم.
دى المدرسه الامريكيه الوحيده الى لفتت نظرى بصراحه و كمان موقعها يعتبر ممتاز لو درسنا فى الشتاء لانها على نفس الخط العرضى مع مصر يعنى اكيد نفس الطقس المناسب للطيران طول العام.
ودا موقع المدرسه : https://www.flymiami.com/index.html
يا ريت لو اى حد درس فيها او يعرف حد درس فيها او سمع عنها يقولنا رأيه بصراحه لمصلحه جميع الخوه الاعضاء.
المره الى جايه هنتكلم على كندا و هى مغريه اكثر من امريكا بصراحه

[Bell_Helicopter]

i m with u
we can travel as group

[BLACK FALCON]

انا معاكو https://www.flyingway.com/vb/showthre...326#post579326

[Captain Talal]

طبعا بس انا اقول ان معهد مصر للطيران تكلفته كثيرة
و انا اريد الدراسة فى اوكرانيا مثلا او روسيا
فى اكاديمية كيروفوجراد فى اوكرانيا
فيدونى
اريد معرفة هل الطيار الحاصل على رخصة خاصة بامكانه العمل واذا كان نعم فيعمل اين؟

[wis3384]

when you will agree and have a group to go and have pilot training contact me and i will discuss with Phoenix East AViation to give see if they can give you a good rate depending on the number of Students ...to go to the best flight school in USA...Phoenix East AViation https://www.pea.com
PM me

[Cpt.Mohammed]

انا معاك المكان روعة يا ميدو زون ... والعرض جامد جدا ...
بس السعر مشكوك فيه ...
Total:

$36700.00*


دا غير سعر جالون الوقود ... يعني ممكن يزودوا علينا المبلغ ويقولوا الوقود سعره زاد ...
الأضمن اننا نروح وأحنا معانا التوتال بالوقود ... والصراحة انا بعت ليهم ايميل بطلب فيه يحددوا توتال بسعر الوقود كاااااااااااامل ....

ومستني الرد ...........

[fly_hard]

انا انشالله هكلم جماعه مصريين كانوا معايا في امريكا خلصو ورجعوا وهديهم اللينك عشان يحطو ارائهم هنا ويساعدوكم باذن الله

[Abdallah Hindy]

السلام عليكم ورحمة الله و بركاته

في واحد مصري عوضو في المنتدي
لسة واخد شهادة طيران من الكلية الجوية المصرية لتابعة لوزارة الدفاع المصرية
اسمه:Medoplast
جزاه الله خيرا
انا حولت اتصل معاه لاكن واضح انه مشغول

[MeDo_ZoNe]

البرنامج الهندى :
Total:

$30700.00*

• Total Flight Hours - 262
• Solo Flight Hours - 23
• Pilot-In-Command Hours - 105
• Simulator Hours - 20

البرنامج السعودى :

Total:

$36700.00*

• Total Flight Hours - 273
• Solo Flight Hours - 23
• Pilot-In-Command Hours - 192
• Simulator Hours - 20

طيب ليه ندرس المنهج السعودى بدلا من الهندى .. الوزاره هنا بتطلب 190 ساعه طيران للمعادله يعنى اعتقد البرنامج الهندى هيغطى الساعات دى و زياده ولا ايه !!

* This is not a guaranteed price. These prices are based on an average student. Students requiring additional flight or ground time will be charged according to the pre-established rates.
** Current prices are based on a $5.95 per gallon fuel charge. Any increase in fuel beyond this price will result in a fuel surcharge.


الراجل حاسب سعر الكورس على اساس سعر جالون الوقود 5.95 $ و طبعا هو مش عايز يتحمل فرق التكلفه من هامش الربح بتاعه لو الاسعار زادت و فى نفس الوقت ممكن نطالبه بالفرق لو الاسعار نزلت .. طبعا دا صعب بس اعتقد اى مدرسه هتعمل كدا و الى مش هتعمل كدا هتلاقى هامش الربح بتعها كبير اوى و اكيد هتكون غاليه عن كدا بكتير .. و فى حاله الزياده اعتقد ان الفرق مش هيكون كتير اوى .. بس عايزين نعرف سعر الجالون كام دلوقتى :)

[Bell_Helicopter]

ana dayes ma3akoooooo

[MeDo_ZoNe]

فى ملحوظه احب اضيفها لانها فى غايه الاهميه .. لازم قبل لما نسافر نعمل كشفى طبى فى وزاره الطيران المدنى و هما نوعين .. فى كشف ECAR دا بتاع الوزاره هنا علشان المعادله و دا اجبارى .. و لو هنروح امريكا يبقى لازم نعمل كشف FAA و دا ممكن نعملو هنا فى الوزاره و ممكن نعملو هناك لما نسافر

[Captain Talal]

انا معاكو انشاء الله
انا شايف ان ممكن ندرس فى امريكا او كندا بس يا جماعة لازم نشوف مدرسة تخلينا مدربين بعد الدراسة لاكتمال ال 1500 ساعة
و انتو مردتوش عليا ليه بخصوص اوكرانيا او روسيا
ارجو الرد

[fly_hard]

Captain Talal
ليش تدرس 1500 ساعه اذا كان بلدك تطلب اقل
وبالنسبه للاخوان اللي كتبوا ان مصر للطيران بتطلب 190 ساعه دا غالبا صحيح بس 190 ساعه طيران فعلي لكن انتا لو رحت امريكا مش هتقدر تخش كوميرشال بااقل من 250 ساعه طيران وسيميوليتر فلازم يكون التوتال عندك 250 ساعه
واسالو عن شروط مصر للطيران لانه اخر مرره وانا جاي من امريكا زملائي المصريين كنت اسمعه يقولو ان الشروط اتغيرت عندهم فاسالو بنفسكم قبل ماتسافرو واعملو الكشف الطبي

[MeDo_ZoNe]

مين بس الى قال لازم نطير 1500 ساعه .. فى حاجه اسمها Frozen ATPL و دى هى انك تمتحن النظرى و تنجح فيه و كدا بتكون معاك الشهاده بس لسه مش بتبقى مفعله غير لما ساعاتك توصل 1500 ساعه و ساعتها تبقى Activated ATPL .
لو درسنا فى امريكا او كندا (الحد الادنى 200 ساعه) اكيد هنعدى الساعات المطلوبه من الوزاره (الحد الادنى 190) و ساعتها ممكن نعمل المعادله و نتقديم فى مصر للطيران بالرخصه المصريه و على فكره مش بيطلبو عدد ساعات محدد ولا Multi Engine كمان و اعتقد ان ال ATPL مش مطلوبه الا اذا كنت هتحول من مساعد الى كابتن.

اعتقد ان الدراسه فى اوكرانيا و روسيا مش هتكون ارخص من امريكا و كندا و كمان ممكن نواجه صعوبات فى الدراسه و الحياه علشان اللغه بس لو عندك مدارس كويسه ممكن تقترح علينا و نشوف .. المهم يكون سعره معقول

[MeDo_ZoNe]

تصحيح واجب ..
ال ATPL مطلوبه للتقديم فى مصر للطيران و ممكن يقبلو ال Frozen ATPL

[CAP86]

طيب انا حابب اديكم نصيحة
اي اكاديمية في كندا و لا امريكا و لا في اي مكان تديكم سعر اقل من 35 الف دولار يشمل السكن (الا اذا كنتم جروب) كلام فاضي و يوم توصلو حيعرفوا كيف يطلعو من جيوبكم الاف اخرى بعد ما تكونو تورطم.

[MeDo_ZoNe]

ممم على حسب العرض بتاعك الى هو تكلفته 33000 $ (اقل من 35000 $) شامل السكن و الاكادميه بتاعتك الى هى فى امريكا يبقى مفيش قدامنا غير الفلبين بقى P:

المفروض زى ما انت عارف ان انتو مش نصابين .. يبقى المفروض فى غيركو مش نصابين بردو .. ولا ايه !!

[Captain Talal]

ممكن نشوف الموضوع الجديد بتاع اكاديمية ابيك اعتقد ان العرض ده مزهل

[Captain Talal]

او فى عرض دراسة الطيران فى باكستان ب 22000 دولار

[CAP86]

اقتباس:     المشاركة الأصلية كتبت بواسطة MeDo_ZoNe  

ممم على حسب العرض بتاعك الى هو تكلفته 33000 $ (اقل من 35000 $) شامل السكن و الاكادميه بتاعتك الى هى فى امريكا يبقى مفيش قدامنا غير الفلبين بقى P:

المفروض زى ما انت عارف ان انتو مش نصابين .. يبقى المفروض فى غيركو مش نصابين بردو .. ولا ايه !!

اقتباس:     المشاركة الأصلية كتبت بواسطة Captain Talal  

ممكن نشوف الموضوع الجديد بتاع اكاديمية ابيك اعتقد ان العرض ده مزهل

تشكر يا كابتن طلال.
لو تلاحظ يا ميدو انا حطيت بالاحمر الا لو كنتم جروب .و العرض بتاعنا للجروب.
يعني ماتخافش احنا مش نصابين و بعدين انا مابخدش اي مقابل من الطلبة و يوم ما توصل هناك بنفسك تقدر تدفع.

[Galaxy-Way]

يا جماعة .. لو فية جروب عايز يدرس الطيران .. لازم كلنا نحط ايدينا فى ايد بعض .. الخلافات مش هاتفيد بأى حاجة .. وبعدين اكاديمية مصر للطيران . او epic . او الفلبين او فى كندا . كلها شهادة واحدة .. بي اللى يفرق الأسم . ( انتا واخدها منين ) ... اعتقد ان عرض Epic ممتاز . ولو فية فعلا جروب عايز يدرس . اتمنى انى اكون واحد فيهم ... وحتى لو اضطريت انى استلف الفلوس .. بس لازم احقق حلمى ..

[fly_hard]

ياجماعه انا مش مصري لكن اللي كانو معاايا في امريكا مصريين والATPL مش مطلوبه في مصر لانه صاحبي امتحن ريتين في امريكا ورجع امتحنه تاني في مصر ، هوا مطلوب تعديه في مصر بس يعني حتى لو خدته في امريكا هترجع تاخده تاني في مصر وهتدفع ومش مطلوب 1500 ساعه طيران المطلوب الحد الادنى فقط لاغير وفي ناس بتسمع كلام وبتنزله وخلاص وهما ماراحوش بانفسهم انا صاحبي ابوه طيار له 30 سنه في مصر للطيران وكان معايا في امريكا ورجع مصر وبيعمل معادله
واذا عاوزين تطلعوا امريكا تدرسو في واحد مصري مدرس قمه في الروعه كان بيدرس شباب عرب وطلعوا من احسن الناس فتح مدرسه جديده ولسه مكلمني النهرده وخد ابروفل على i-20 ومستني الرخصه تجيله وهيبعتلي ايميله بكره او بعده هكتبه هنا عشان تراسلوه وتعرفوا الاسعار بنفسكو وفي ناس مصريين يعرفوه مزبوط لانه كان بيدرسهم وانا من الناس اللي استفدت منه والشهاده لله
فممكن تروحو تدرسو عنده وهيزبطكو والراجل امين جدا مش هيلعب عليكوا
وانا ممكن احط تليفونه بس اساله الاول لانه افضل الايميل لانهم مازالو بيعملو ويب سايت في الانترنت

[(Gemy)]

fly_hard يا ريت وابقى شاكر ليكك

[MeDo_ZoNe]

اقتباس:     المشاركة الأصلية كتبت بواسطة CAP86  

تشكر يا كابتن طلال.
لو تلاحظ يا ميدو انا حطيت بالاحمر الا لو كنتم جروب .و العرض بتاعنا للجروب.
يعني ماتخافش احنا مش نصابين و بعدين انا مابخدش اي مقابل من الطلبة و يوم ما توصل هناك بنفسك تقدر تدفع.

يا باشا انا بهزر معاك والله .. و فعلا العرض بتاعكو حلو جدا .. بس لو شامل ال ATPL

[CAP86]

اقتباس:     المشاركة الأصلية كتبت بواسطة MeDo_ZoNe  

يا باشا انا بهزر معاك والله .. و فعلا العرض بتاعكو حلو جدا .. بس لو شامل ال ATPL

يا باشا انت راجل عسل
ظبط جروب بجد و سيب الباقي عليا.
انا عمات موضوع رسمي للتسجيل في الجروب و حتكون انت و الاخ احمد مشرف القسم مشرفين على التسجيل

[MeDo_ZoNe]

اقتباس:     المشاركة الأصلية كتبت بواسطة fly_hard  

ياجماعه انا مش مصري لكن اللي كانو معاايا في امريكا مصريين والATPL مش مطلوبه في مصر لانه صاحبي امتحن ريتين في امريكا ورجع امتحنه تاني في مصر ، هوا مطلوب تعديه في مصر بس يعني حتى لو خدته في امريكا هترجع تاخده تاني في مصر وهتدفع ومش مطلوب 1500 ساعه طيران المطلوب الحد الادنى فقط لاغير وفي ناس بتسمع كلام وبتنزله وخلاص وهما ماراحوش بانفسهم انا صاحبي ابوه طيار له 30 سنه في مصر للطيران وكان معايا في امريكا ورجع مصر وبيعمل معادله
واذا عاوزين تطلعوا امريكا تدرسو في واحد مصري مدرس قمه في الروعه كان بيدرس شباب عرب وطلعوا من احسن الناس فتح مدرسه جديده ولسه مكلمني النهرده وخد ابروفل على i-20 ومستني الرخصه تجيله وهيبعتلي ايميله بكره او بعده هكتبه هنا عشان تراسلوه وتعرفوا الاسعار بنفسكو وفي ناس مصريين يعرفوه مزبوط لانه كان بيدرسهم وانا من الناس اللي استفدت منه والشهاده لله
فممكن تروحو تدرسو عنده وهيزبطكو والراجل امين جدا مش هيلعب عليكوا
وانا ممكن احط تليفونه بس اساله الاول لانه افضل الايميل لانهم مازالو بيعملو ويب سايت في الانترنت

اخى العزيز انا قلت قبل كدا ام مش مطلوب غير 190 ساعه فقط لا غير و اى رخصه اجنبيه و ساعتها ممكن تعمل المعادله فى الوزاره و تحصل على الرخصه المصريه .. ATPL دى مش مطلوبه من الوزاره و لكنها مطلوبه من شركات الطيران و كل شركه ليها طلبات مختلفه غير الاخرى و لك ان تعلم ان مصر للطيران مش بتطلب Multi Engine اصلا و لكنها بتطلب ATPL و لومكنتش متخرج من الكليه المصريه يبقى مفيش حا تانى غير انك تاخدها فى الخارج و احتمال الامتحان الى انت تقصده دا امتحان معادله ليها مش اكتر .. لانى اعرف واحد درس فى امريكا و قدم فى مصر للطيران و نجح بس متعينش علشان كان ناقصه ATPL و اضطر يرجع تانى امريكا علشان يمتحنها و فعلا رجع بيها و اتعين على طول

[MeDo_ZoNe]

اقتباس:     المشاركة الأصلية كتبت بواسطة CAP86  

يا باشا انت راجل عسل
ظبط جروب بجد و سيب الباقي عليا.
انا عمات موضوع رسمي للتسجيل في الجروب و حتكون انت و الاخ احمد مشرف القسم مشرفين على التسجيل

والله دا شرف لينا يا فندم .. وان شاء الله اكون فى اول جروب رايحين EPIC