[dark pilot]

السلام عليكم ورحمة الله وبركاته

لو سمحتوا اخواني انا في السميوليتور حقي لما اطير في ال free flight ماكنت اواجه مشاكل كنت اتعلم حتى لما يصير خطا يعني لو اطيح بالطياره مايصير شي بس حاليا لما يصير شي يعني مثال لو هبطت على النوز قير قبل كان عادي بس حاليا تتوقف اللعبه ويحطون mission failed مع اني مو بالمهمات تكفون ابي حل

وشكرا جزيلا ....

[عبدالله المطيري]

عليكم السلام

مغير في الأعدادت أكيد او مركب برنامج ؟

وأي اصدار تستخدم

[dark pilot]

اقتباس:     المشاركة الأصلية كتبت بواسطة عبدالله المطيري  

عليكم السلام

مغير في الأعدادت أكيد او مركب برنامج ؟

وأي اصدار تستخدم

اي والله صاج متعبث بالاعدادات بس مادري شنو سويت واستخدم fsx ومو مسوي شي بالملفات بس بالاعدادات بالمحاكي نفسه

ابي حل

[dark pilot]

يا اعضاء لاتقرون وتمشون لو سمحتوا الي يعرف ولو معلومات صغيره لا يبخل علينا .. الاعضاء الاكبار وينكم

[dark pilot]

افااا جذي يعني اكثر من 40 واحد شاف ولا احد عنده اجابه !!! خلاص ماشي :( منتداكم ماني قايل شي عنه بس ترا قاعد يتراجع لي ورا وبشكل ملحوووظ جدا واذا تبون الاسباب ترا عندي ! وانا بسحب عضويتي منه وحسافه عليه صراحه ولا ابي احد يمن علي بأجابته الي مو واضحه ومثل ......... المهم مع السلامه

[Marwan Hamed]

لا كذا عاجب ولا كذا عاجب .. اذا دخل أحد و أعطي رد غير مفهوم (بسبب عدم علمه) تزعل .
و اذا دخل أحد و لم يرد (أيضا لعدم علمه) تزعل ..

لماذا تفترض أخي الكريم انه اذا مر أحد لديه اجابه سيبخل عليك؟ و تبني هجوما بناءا علي هذا الافتراض..
عزيزي , 40 مشاهده منهم 10 مشاهدات منك .. يتبقي لنا 30 مشاهده , كم منهم من الزوار و كم منهم دخل فقط بدافع الفضول لمعرفه المشكله من دون أن يكون لديهم حل لها ؟

و الحمد لله هنا لا أحد يمن علي أحد , كما تمن علينا انت بعضويتك في المنتدي ..
سؤال صريح : خلال فتره تواجدك بالمنتدي , أيهما فاد الأخر أكثر , أنت أم المنتدي؟

في النهايه تواجدك معنا أسعدنا , و ان شاء الله تجد ضالتك في منتديات أخري يكون كل أعضاءها علي علم بالدواخل التقنيه للبرامج ...
تحياتي

[xUAEx]

والله 100% كلامك صح كابتن مروان

Dark pilot: الأعضاء عندهم انشغالات ثانية، يعني ما يقدرون بس يقعدون على الكمبيوتر ويجاوبون على الأسئلة، وبعدين لا أنت اول ولا آخر واحد ما تحصل أجابة، انا صارتلي نفس مشكلتك (ما أحصل إجابات لاستفساراتي)، وأغلب المواضيع في هذا القسم بدون إجابات.
وقلت ان المنتدى في تراجع، واقول لك السبب ان بعض الأعضاء الجدد يسألون اسئلة طُرحت قبلهم عدة مرات، وما يبون يتعبون نفسهم شوي ويدورون في القسم عن السؤال، بس يدخل القسم ويضغط على "موضوع جديد" وينتظر "الاعضاء الكبار" يتعبون ويجاوبون ويبحثون وهو مرتاح، وبعد ما يجاوبون على سؤاله ما يتعب نفسه ويرد بكلمة وحدة بسيطة وهي: "شكرا"، لكن يطبق الاجابة ويترك الموضوع ولا يشوفه مرة ثانية، وهذا السبب اللي يخلي هذا القسم "مهجور"، ومحد من "الأعضاء الكبار" يزوره لأن كل تعبه يروح بدون مقابل ولا حتى كلمة شكر، ولهذا أغلب المواضيع بدون إجابات، صح كلامي ولا غلطان؟؟ إذا غلطان وضح لي في شو غلطت.

وبالنسبة لسؤالك: امسح السيمليتر وثبته مرة ثانية، بهذي البساطة.