المجموعات الإجتماعية |
البحث |
مشاركات اليوم |
قسم الطيران اللاسلكي AIRCRAFT R/C مناقشات عامه تجارب ودروس تقارير استفسارات راجع فهرس القسم قبل طرح موضوعك >> فهرس قسم الريموت |
موضوع مغلق |
|
أدوات الموضوع |
مشاركة [ 1 ] | ||||
|
||||
|
بسم الله الرحمن الرحيم السلام عليكم ورحمة الله وبركاته في هذا الموضوع ندعوا كل من يرغب في الكتابة عن الطائرات التي أقتناها:
توكلنا على الله
|
|||
مشاركة [ 2 ] | |||
|
|||
كابتن طيار اول
|
بسم الله الرحمن الرحيم يشرفني اني اكون اول من يرد على الموضوع من شهر تقريبا اشتريت اول طائره لي وكانت طائرة سيسنا 182 من القسم التجاري في المنتدى الرائع و هذي صورتها اتصلو علي جماعة البريد و انا في اجتماع في العمل، طبعا على طول انسحاب تكتيكي من الاجتماع و نزلت للأخ اللي سلمني الطائره وحطيتها في السياره و انا اتظر بس مته يخلص الدوام. انا من قبل ما استلم الطائره كنت اكذب على نفسي و اقول اني ما راح المسها لأن وقتها كان عندي اختبارات في الجامعه. رجعت البيت و حطيت الطائره قدامي و انا ماسك الكتاب على بالي بذاكر. شويه عيني على الكتاب و شويتين على الطائرة. قلت ياولد دوام و على طول دراسه ما ينفع لازم الواحد يرتاح شويه حطيت الكتاب على جنب و بديت اركبها الى ما اكتملت ، و بعدها حطيت السميليتر و قعدت سنه على ما قدرت ابرمج الريموت عليه. طبعا مليون حادث في السميليتر الى ما قدرت فعلا اطيرها و جلست اتدرب على السميليتر قرابة ثلاث ايام الى ما جاء اليوم الموعود. الأخ صاحي صباح الخميس و متحمس و يالله ياولد جاء وقت الطيران الحقيقي. و رحت لآخر الدنيا عشان بس اطير و قلت خلني اروح لحالي احسن ما الشباب يتشمتو علي. بديت الطيران و الطياره ارتفعت من الأرض و احساسي ما يوصف من السعاده لكن فين السميليتر و فين الواقع. الزبده طارت الطائره لمده ثلاثين ثانيه و هات يا ذاك الحادث. طاحت الطائره على وجهها ( قال وا اسفا على يوسف و ابيضت عيناه من الحزن ) المروحه تكسرت ، الجناح انقسم الى نصفين و عمود المحرك تعوج رجعت البيت و انا اطالع في الطائره و انا مستسلم و اقول ( ضاعت فلوسك يا صابر ) خخخخخخخ ثاني يوم بعد ما هديت اعصابي و رجع لي مخي قلت ليه ما اصلحها و اسوي لها ترميم. و فعلا اول شي بديت اوزن عمود المحرك اللي هو اكثر شي تعبني و طبعا دخل شوية تراب على المحرك لدرجة اني خفت انه ما يدور و بعدين لصقت الجناح و غيرت المروحه وصارت جاهزه. انتظرت الى الاسبوع الثاني و رحت صباح الجمعه بس كان فيه هوا شويه ، و قلت يالله يا ولد طير وللأسف على ما قال سعيد صالح في العيال كبرت ( طبق الأصل العلأه اللي فاتت ) و كانت مدة الطيران المره الثانيه اقل. و الطائره الآن ما تتصلح الجناح تقطع الى ثلاث اجزاء طبعا غير الرضوض و الاصابات الخطيره الرادر صار مايل الاليفيتر انعدم قلت خلاص اخلص اختباراتي و بعدين اطلب لها قطع غيار و نعيد المحاولات في الاجازه هذي هي قصتي باختصار و ان شاء الله ما اكون طفشتكم من كثر كلامي |
||
مشاركة [ 3 ] | ||||
|
||||
|
كانت بدايتي مع الطيران قديمه ولكن ليست بداية فعلية قبل تقريبا 7 او 8 سنوات او يمكن اكثر ناسي والله فتحت قناة الامارات بالتلفزيون وحصلت طيارت تطير بشكل مذهل جدا بعدها ناظرت الا ياولد الطيارات مابها طيار الي يطيرها رجال بالارض ومعاهم ريموت انا على طول خشت راسي وتحمست معاها وقمت اتابع وكنت اذكر في طيارة لونها صفرا على ماضن اكسترا >>شوفوا الذاكرة ههههههه المهم كانت تهوفر قريبة للارض ماكنت اعرف وش هالحركة كنت اقول الرجال علقت معاه الطيارة ويبي يرفعها مو قادر ههههههههه المهم اني جلست اتابع بحمااااس جدا وكان فية كم كراش بس كان وقتها اقول ان هاللعبة ذي حقت ناس كبار هاي هاي المهم جلسوا يتكلمون عن الاسعار فية طيارات اسعارها 15الف وفية ب10الف قلت والله ياولد السعر حليل مقابل هالوناسة ماكنت افكر ان يوم من الايام الطيارة تطيح بس كنت اول ماشفت البرنامج ذا كنت متاكد ان التحكم بالطائرات هذه صعب جدا وكنت اشوف حركاتها مثل الطائرات الحقيقية اقول الطيارة الحقيقية يقدر يتحكم فيها لانه هو داخل فيها اصلا بس الريموت اصعب منها كثير وكنت ميقن ان الريموت صعب جدا >>>بعكس الهواة الجدد الحين اول مايشتري طيارة يحسب امرها سهل على طول يشغل ويطير ههههههه المهم انتهى البرنامج وراحت الايام وراحت السنين حتى جا قبل سنتين تقريبا اتصل علي ولد عمي قال ابغى جهاز psp حق sony جلست ابحث له جهاز بالنت وحصلتة بموقع في احد مواقع البيع العربية واشتريتة له وجاز لي الموقع لاني مو اول تجربة المهم قمت افرفر فيه بس كذا وفجاءة احصل عنوان بيع طائرات ريموت على طول خشيته وحصلت السعر 700ريال والطائرة كهرب قلت توكلنا على الله واشتريتها على طول وهذي صورة لطائرة مشابهة لها المهم اول ماشريتها كنت عارف ان التحكم فيها صعب جلست ابحث عن شيء يسهل لي طيرانها بالنت وحصلت باحد المواقع الاجنبية برنامج سمليتر خشيتة على طول وحملتة على طول المهم قمت اتدرب فيها ياولد الا مثل ماقلت انا فعلا صعبة جلست عليها تقريبا اسبوعين وانا اشتغل فيها بالكيبورد حتى اتقنت طيران الترينر 100% المهم اتكلت على الله وطلعت بطير الطيارة كان الوقت الساعه 9 باليل >>> تكفون لاتضحكون على وقت الطلعه هههههههههههه مسكت معي ذاك اليوم الا اطيرها المهم طيرتها من يدي لانها ماتطير من الارض هي اول ماطارت طاحت على طول لان كان المحرك مايشيلها كان محرك بروشلد والطائرة اثقل من وزنها ولا يعطي القوة المطلوبة المهم حاولت اكثر من مره حتى تكسرت الطيارة قلت بكيفها الحين ماراح اجلس كذا راح ادور طيارة صح وبعدها جلست فترة طويلة بدون طيارة بعدها قمت اطق طق بالنت وحصلت منتدى خط الطيران ماكنت متوقع فية موقع عربي يهتم بالشي هذا على طول سجلت حصلت الناس شغيلة فية وحصلت الاخ الخلوق واعتبره والله اخوي الكبير شخص شرواكم هو ابو وليد (خالد)-rc lover اخذت اميلة وجوالة وازعجته بالمكالمات الكثيرة حتى عرفت كل شيء عن هالهواية وكيف ابدا بعدها حصلت اخوي سلمان من حايل راعي طيارات دلني عليه ابو سيف (موسكيتو) وابو العنود (البرنس) بعدها ماكنت مصدق بالمرره ان فيه طائرات بحائل المهم حصلت عنده طائرة ترينر على نايترو مقاس 46 وعلى طول شريتها وجهزت الريموت والحاجات ذي وماقصر اخوي خالد ساعدني بتجهيزها من بطارية ومسخن بوجي ومن الحاجات ذي جا الاسبوع الثاني طلعت يم ابو عبدالله والشباب بموقع الطيران اخذ مني الريموت ابو عبدالله وشبكلي كيبل على ريموت ثاني قال التحكم معاي واذا قل لك تحكم بالطيارة تحكم قلت تم بعدها طيرها ابو عبدالله (سلمان)نسيت اقول اسمه بالمنتدى هو (النجم الشمالي) المهم بعدها ماقلع فيها ورفعها فوق عشان التحكم قال يالله خذها بعدها تحكم فيها الرجال مو مصدق يقول تحكمك فيها كان مو اول مره تطيرها هههههه لاني قمت اروح واجي عليها وكان تدريبي على السمليتر بالكيبورد وانا ضد كل شخص يقول التدريب بالسمليتر على الكيبورد ماينفع المهم طيرتها وجلست اتحكم فيها بالجو عادي بس الرجلين قامت تتراجف المهم نزلها سلمان وقلنا خلاص الان يكفي اليوم بكره نكمل تدريب هههه جا بكره ونفس الحالة بس طيرناها مرتين وكان الي يقلع ويهبط سلمان انا علي التحكم في الجو بعدها قرب المغرب قلنا الاسبوع الجاي الوعد ههههه الله لايوريكم جا الاسبوع الجاي قلت بطلع مع اهلي وبطيرها لهم قالوا لاتتهور قلت ماعليكم طيار ههههه المهم واطيرها في مكان بقرب مطار حائل حق الخطوط نسميه ذاك المكان (شعيب المطار ) هههه المهم طيرتها وشوي حركات بالجو بعدها هبوط يحبه قلبكم هبوط عسل ههههه >>ماشاء الله علي المهم اغليت الطيارة وحبيتها وحبيت هالهواية كلها وهذي صورة للطائرة اقف الى هذا الحد حاليا والمشاركة الجاية ان شاء الله كيف بديت في مجال الثري دي يتبع ولكن ليس الان
واعذروني على كثرة الكتابة بس الموضوع هذا يخليك تكتب وانت ماتدري تتذكر وتكتب ههههه >>ياكثر هرجك اخلص |
|||
مشاركة [ 4 ] | |||
|
|||
مساعد طيار
|
بسم الله نبدا وبه نستعين.. هذا الموضوع للفرفشه وليش لتشكي طبعآ شريت طائره من قريت بلين مقاسها 60 أكستر واحببت ان ادلع هذه الطائره لأنها كانت قريبه لقلبي. طبعآ هذه صوره لها. فقررت ان اطلب لهذه الطائره مكينه سايتو جازولين 20cc وفعلآتم طلب المحرك وفي اثناء انتضار قدوم المحرك .. دق التلفور واتفاجأ بجاري يتصل علي وهو ميت ضحك الحق طياراتك جميع طلاب المدرسه ناقزين على المستودع وانواع الطيارات في الشارع خخخخخخ.. طبعآ لم تتضرر سوى حبيبت القلب. هذه صورها |
||
موضوع مغلق |
قسم الطيران اللاسلكي AIRCRAFT R/C |
|
|
|
المواضيع المتشابهه | ||||
الموضوع | المنتدى | |||
«بوينغ» تعلن عن تسليم 462 طائرة تجارية في العام 2010 | المقالات الصحفية Rumours &News | |||
تشكل 58٪ من طلبيات «بوينغ».. و57.6٪ من طلبيات «إيرباص» للشرق الأوسط | المقالات الصحفية Rumours &News | |||
دولة الامارات تمتلك 284 طائرة مدنية بحصة 23٪ من الأسطــــــــــــول الإقليمي | المقالات الصحفية Rumours &News | |||
"القطرية" تسيّر طائرة بوينج 777 على خط مدريد.. مطار الدوحة يرحب بأوائل المسافرين | المقالات الصحفية Rumours &News |