المجموعات الإجتماعية |
البحث |
مشاركات اليوم |
أكاديميات ومدارس الطيران Academic School عرض الجديد عن تدريس وتدريب الطيران //
راجع الفهرس التالي:
للأكاديميــــات تنويه : المشاركات الجديدة هنا ستعرض على المراقبة قبل اعتمادها للعرض! |
إضافة رد |
|
أدوات الموضوع |
مشاركة [ 1 ] | |||
|
|||
عضو خط الطيران
|
السلام عليكم ،
الله يعافيكم ابي اجوبة منكم ، مالي غير الله ثم انتم يا اهل الخبره س1\ ماهي الكليات الجوية في السعوديه ؟! س2\ وش افضل كلية جوية في السعوديه من جميع النواحي ؟! س3\ وش رايكم بمستقبل الضابط او وش تشوفون مستقبل الضباط بعد 10-20 سنة ان الله احيانا ؟! س4\ اذا تخرجنا من كلية الملك فيصل الجوية ببكالوريوس عسكرية هل بالاماكن ان انتسب الى احد الجامعات السعوديه ودراسة بكالوريوس في احد الاقسام ومواصلة المشوار ماجستير ؟ وهل ستنفعني من ناحية سرعة الترقيات وصرف البدلات ولا ابحطها في الدرج واصك عليها ؟ س5\ البدلات الي يستحقها الضابط وتضاف الى راتبه اذا اخذنا بالعلم ان اول راتب للملازم بدون بدلات في بحر الـ 6500 ، ! س6\ اذا علمنا ان بين الملازم والملازم اول سنتين وبين الملازم اول والنقيب 4 سنوات وبين النقيب والرائد 6 سنوات وبعدها 4 سنوات الى مقدم وبعدها 4 سنوات الى عقيد هل الترقية تكون مجدولة سنوياً او البقاء ومواصلة التصاعد في الترقيات لصالح فيتامين واو ؟! س7\ ماهي المتطلبات للإنتقال من طيار حربي الى مدني هل دراستي لـ ثلاث سنوات في الكلية تغنيني عن دراسة الطيران المدني ؟! الله يعافيكم وييسر امركم ، برايفات مشرفنا : تكفى لاتصك الموضوع :( |
||
مشاركة [ 2 ] | |||
|
|||
درجة الضيافة
|
اهلا وسهلا بالكل .. اتمنى تكونون باحسن حال
مستر دحيم بالنسبة للسؤال الاول والثاني فإذا كنت تسأل عن كلية تخرج طيار (مقاتل) حربي فلا يوجد غير كلية الملك فيصل الجوية بالرياض . السؤال الثالث بالنسبة للمستقبل فهاذا سؤال واسع جدا ويعتمد اعتماد كلي على تاريخك بالكلية وتحصيلك فيها وبعد التخرج من دورات وغيره وطبعا مايتم ترشيحك للدورات الا اذا كنت مجتهد وبكذا راح يكون مستقبلك قوي وراح تكون بسهولة في مناصب قيادية . السؤال الرابع بخصوص الشهادة فهي بكالريوس علوم جوية (aeroscience) وبامكانك تكمل في اي جامعة لكن عدد ساعات الدراسة النظرية قليلة فتحتاج بعد المعادلة للشهادة دراسة فترة معينة وهذا الكلام في وقت تخرجي عام 1428 لكن البرنامج النظري اختلف للافضل و زادو الساعات النظرية . وبامكانك اخذ (دورة الاركان) تعادل ماجستير علوم عسكرية برتبة رائد . السؤال الخامس بخصوص البدلات فهي : بدل طيران 35% - بدل تأهيل 4% (وتعني كل سنة دورات كاملة او متقطعة تستحق عليها 4%) .ولما تتخرج راح تاخذ دورات اساسية تقريبا سنتين وبعدها دورات مختلفة متقطعة .وعلى العموم اول ماتتخرج راح يكون راتبك ملازم طيار 10000 ريال تقريبا. السؤال السادس بالنسبة للترقية فهي مجدولة الى رتبة عميد وبعدها حسب الكفاءة والشخصية والعلاقات . السؤال السابع بخصوص التحويل فهو ممكن بس خذ log book (ساعات الطيران) وشوف المتطلبات و بتسوي الشك رايد وبعدها تاخذ الرخصة باذن الله ودراسة الكلية باذن الله شاملة لاغلب علوم الطيران لكن فيه بعض المواد خاصة بالطيران المدني ماتدرسها بالكلية . اتنمى اني جاوبتك على تساؤلاتك و وفقت في الاجابات .. تحياتي ......... |
||
مشاركة [ 3 ] | |||
|
|||
عضو خط الطيران
|
يعطيك العافية يالغالي ،
اقتباس:
السؤال الرابع بخصوص الشهادة فهي بكالريوس علوم جوية (aeroscience) وبامكانك تكمل في اي جامعة لكن عدد ساعات الدراسة النظرية قليلة فتحتاج بعد المعادلة للشهادة دراسة فترة معينة وهذا الكلام في وقت تخرجي عام 1428 لكن البرنامج النظري اختلف للافضل و زادو الساعات النظرية . وبامكانك اخذ (دورة الاركان) تعادل ماجستير علوم عسكرية برتبة رائد .
ياليت يالغالي توضح الجواب هذا بالتفصيل اذا ماعليك امر ، يعني اذا خلصت الثلاث سنين الاولى ( اعدادي - متوسط - نهائي ) تكون معاي بكالوريس علوم جوية ، هل بإمكاني مواصلة المشوار ودراسة ماجستير علوم جوية ( دورة الاركان ) ؟ وهل بتفيدني من ناحية الترقيات والرواتب ولا لا ؟! ووش هي دورة الاركان وهل اي واحد يدخلها ولا لازم يكون معدله في بكالوريوس علوم الطيران قوي ؟! وكم عدد سنوات دراستها وهل تحتاج لتفرغ ولا لا ؟ الله يجزاك خير ياسعادة الملازم اول طيار |
||
مشاركة [ 4 ] | ||||
|
||||
|
ليس كل خريجي كليات الطيران العسكرية أو الحربية يصبحوا طيارين
فمنهم من يتخرج ضابط فني أو مشغل رادارات أو مسؤل عن أبراج المراقبة والتموين ودورة القيادة والاركان تعطى للرتب الكبيرة مثل مقدم و عقيد فقط وهي بالترشيح الطيران الحربى والطيران المدنى |
|||
مشاركة [ 5 ] | |||
|
|||
عضو خط الطيران
|
اقتباس:
ليس كل خريجي كليات الطيران العسكرية أو الحربية يصبحوا طيارين فمنهم من يتخرج ضابط فني أو مشغل رادارات أو مسؤل عن أبراج المراقبة والتموين جميعهم يتخرجون برتبة ملازم ؟! الميزة للملازم الطيار انه تصرف له بدل 35 % ؟! وضابط فني ومشغل رادارات ومسؤول عن برج المراقبة او التموين وش تصرف لهم غير الرواتب الاساسية ؟! يا اخوان المسألة ماهي طمع او حب للمال لكن الواحد اذا حدد له هدف لازم يكون عارف عن كل مايخص هدفه من جميع النواحي ، والماده شيء اساسي اني اعرفه ! لأن المسألة ماهي ع كيفي اذا بغيت اصير طيار اصير طيار يمكن اصير فني او مراقب جوي وساعتها ابقول ليتني سألت عن كيفية عملهم وبيئته ورواتبهم والبدلات التي تصرف لهم ، الشيء الثاني كلية الملك فيصل الجوية النسبة الكبرى للتعيين في اي منطقة ؟! الله يعافيكم يالغالين |
||
مشاركة [ 6 ] | |||
|
|||
درجة الضيافة
|
السلام عليكم ..
الجواب نعم بيكون معك بكالريوس علوم جوية بعد التخرج . لكن بخصوص الماجستير على حد علمي مافيه عندنا ماجستير علوم جوية في المملكة .. لكن في برا في جامعات كثيرة ومنها امبري ريدل في امريكا وغيرها .. ودورة الاركان هي عبارة عن ماجستير ( علوم عسكرية ) في كلية القيادة والاركان في الدرعية ويفرغونك سنة كاملة . وممكن يرشحونك برا السعودية وراح تاخذ سنتين هناك في الغالب . وهذي الدورة ترشيح من رئيسك في العمل على حسب اداءك , وتستحقها من رتبة رائد . وماراح تفيدك في اختصار وقت الترقية لكن تفيدك جدا في استحقاقك للمناصب القيادية.. وبخصوص التعيينات اذا كنت طيار مقاتل فأول تعيين لك بيكون في تبوك , تأخذ دورة تحويلية على الطائرات النفاثة لمدة سنة وبعدها على حسب ترشيحك او طلبك على الطائرة الي بتستمر فيها باقي حياتك العملية وبتكون في الظهران او خميس مشيط او الطائف .. اتمنى اني جاوبتك على اسئلتك .. وبالتوفيق . |
||