[علي8]

اللي في الدفعة الثانية يحمد ربه فيها فوايد كثيرة اهمها تطوير الانقلش
ولا عزاء لي انا < في الدفعه الاولى

ثانيا ياليت اللي يشتري شيء يقولنا < مابعد سوى أي شيء

[zezo93]

انا في الدفعة الثانية
وديت الملابس عشان التقييف 550 ريال >>>>>>>خخخخخخخ بعد ما كسرت رااسه

[علي8]

اما تقييف بـ 550 أجل التفصيل بكم :S

شطحة/

ياخوان انا ماعطوني الا لوحة اسم قماش > اللي اكتب عليها اسمي ...
هل اسويها لحالها ؟ ولا اسوي وحدة زيادة قزاز ؟؟

[العميـد]

ايه 550 شوية بعد انا لو ان ولد عمي موب معي كان عطاني اياها بـ600 بس كسر رأسه وعطاني لوحة الأسم كمبيوتر

والجيوب شمع موب ازارير وزادني قميص لانهم ما عطوني الا 1 السماوي .

[FLAVA-SAVA]

يالليييل .. الحين لي ما عطونا جزمه لماع وولا بدله رياضه ؟؟

وولا اوفرسيز .. لحوول بس ..

انا شريت اغراض والله .. حتى الكاب المموه شريت 3 :(

طيب البدله حقت الرياضه وش لونها ؟؟

[fisail]

اقتباس:
ياخوان انا ماعطوني الا لوحة اسم قماش > اللي اكتب عليها اسمي ...
هل اسويها لحالها ؟ ولا اسوي وحدة زيادة قزاز ؟؟

قال لنا ..
اكثر شيء اربع من اللي تكتب عليها اسمك ومن التفتيش ..
يعني هم عطونا وحده تفتيش ووحده تكتب عليها اسمك .. جب ثلاثة غيرها من كل نوع !
وثنتين قزآز عشان التخرج من الاستجداد .. < احتمال تنكسر وحده عشان كذا جب ثنتين اقل شيء

[fisail]

اقتباس:

طيب البدله حقت الرياضه وش لونها ؟؟

[kasbr]

عيآل هاذي نسسختها لكم عشان ما تنسون شي


السلام عليكم
ألف مبرووووووووكـ للجميع بالقبول النهائي
حيا الله الأخوان الجامعيين
الزملاء في المستقبل
القريب
إن شاء الله

تمنيت أني أكون معكم من البداية وأفيدكم بأجراءت القبول وخلافة مثل السنوات الماضية
لكن المشاغل الله لا يشغلنا الا بطلعاتة



أحب أشكر الأخ / صاحب الموضوع على طرحة المهم


ندخل في صلب الموضوع

مدة ال 45 يوم
تعتبر هي النقلة النوعية للفرد من الحياة المدنية (( مجتمع الرفاهية ))
إلى
الحياة العسكرية (( مصنع الرجال وحماة الوطن ))

وهي ليست بصعبة على من لهم عزيمة وتوكل على الله
في شتى الأمور
والعكس صحيح لمن ابعد عن ذكر الله
فستمر عليه صعبة


فعليكم إخواني بالاكثار من ذكر الله
وأن تلك المدة لها فائدة عظيمة بسبب تواجدك
في فترات طويلة في المسجد
مابين الآذان والاقامة ومابعد الصلاة
وأوقات الراحة فهي فرصة لقراءة القرآن الكريم وختمة
في تلك الفترة وهذا ماحصل معنا


* بالنسبة للفترة تلك غالبا لا تتعدى 35 يوما للجامعيين
تقديرا لظروفهم ومسئولياتهم خصوصا المتزوجين


* عليكم إخواني التحلي بالاخلاق الحميدة مع زملائكـ
خصوصا دفعتكـ لأنها مكسب عظيم جدا
وترون الفرق بمن أخلاقه رفيعة ومحبوب لزملائة
ومن عكس ذلك في بداية الدورة والعاقبة في النهاية


* شئ مهم جدا جدا إياك والانانية أو التفكير في نفسك دون زملائك
فإذا طلبت شيئا لنفسك أن لم يكن خاصا أو عائليا
فأبلغ زملائك ليكون الطلب جماعيا للمشرف على الدورة أو المسئول
عنكم وستعرف الفرق في النهاية .



* لا تكثر من الثرثرة والكلام الغير نافع والجدال مع المسئولين عنك
وكن مطيعا لأوامر الاقدم منك سواء من زملائك
الضباط أو من ضباط الصف المشرفين عنك
عدا في ثلاثة أوامر لا تجب الطاعة فيها
( الدين ، المال ، العرض )




بالنسبة للمستلزمات الخاصة بالدورة

أنصح بأحضار التالي



- فرشة أسنان ومعجون كبير الحجم
- بودرة أطفال أو مايسمى بودرة للجسم لوضعها على الارجل أعزكم الله (( البسطار ))
- لا يقل عن عدد 15 فانلة داخلية من النوع الجيد
- لا يقل عن 15 عدد سروال داخلي قطني
- عدد كافي من الفانلة الداخلية باللون المموة (( الجيشي )) عدد 7 فما فوق
- حذاء رياضي من نوع أصلي وطبي خاص بالجري وممارسة الرياضة
- صابون ديتول او نوع جيد لايف بوي عدد 2 أو عدد 1 حجم كبير
- شامبو للشعر
- دواء خاص للعضلات أنصح بنوع (( ريلاكسون )) لأنك مع ممارسة الرياضة بشكل كثير
وأنت لا تمارسها في السابق ستتعرض تلقائيا للآم في العضلات
- كريم مرطب خصوصا لمن يعانون من أمراض بالجلد أو لهم
حساسية من الشمس.
- مبلغ مالي 500 ريال ينصح أن يكون مجزئأ
- قطن لتنظيف الاذن
- عدد كبير جدا من الشرابات و أنصح بأستخدام واحدة
كل يوم ومن ثم رميها ودون إستخدامها مرة أخرى وأثناء غسلك لرجليك
جففها تماما ثم البس الشراب وضع بودرة داخله لأنه مع كثرة لبس الحذاء
ستتعرض الرجلين لتسلخ إذا لم تجففها .

- دواء بنادول
- كتيبات مفيدة لك دينية أو من تخصصك أو غير ذلك لأوقات الفراغ
- مستلزمات دراسية
- ملابس رياضية عدد 3 أو 4 حسب لون القوة التي سيتم توجيهك
إليها .

- عمل لوحة إسم للباس المموة من نوع لصق وإسم القوة التي
تتبع لها ولوحة للباس المكتبي

- مزيل عرق عدد كافي للمدة

- عدد 3 إلى 4 فوطة( منشفة ) من نوع جيد



هذا مايحضرني الآن من معلومات
وسأعطيكم الباقي في وقت لاحق

ونصيحة مهمة أحصل على الاشياء الجيدة لمستلزمات الدورة
من الملابس و لا تبخل على نفسك بها
لأنها شئ مهم في راحتك

تحياتي لكم وفالكم القبول في الدنيا والآخرة

[علي8]

اقتباس:     المشاركة الأصلية كتبت بواسطة fisail  

قال لنا ..
اكثر شيء اربع من اللي تكتب عليها اسمك ومن التفتيش ..
يعني هم عطونا وحده تفتيش ووحده تكتب عليها اسمك .. جب ثلاثة غيرها من كل نوع !
وثنتين قزآز عشان التخرج من الاستجداد .. < احتمال تنكسر وحده عشان كذا جب ثنتين اقل شيء

اخوي التفتيش تقصد اللي مكتوب عليها القوات الجوية الملكية السعودية ؟؟
واللي اكتب عليها اسمي < قصدك القماش صح ؟
كل وحده اجيب زود عليها ثلاث حبات ؟
وثنتين قزاز ,,,

الله يعين

[علي8]

اقتباس:     المشاركة الأصلية كتبت بواسطة kasbr  

عيآل هاذي نسسختها لكم عشان ما تنسون شي

اقتباس: - عدد كافي من الفانلة الداخلية باللون المموة (( الجيشي )) عدد 7 فما فوق

[العميـد]

حقت الأسم نجيب 3 غيرها ؟

[roof]

التفتيش ياشباب نجيبها ولا بيعطونا ؟
حقت الاسم اكيد نجيب ثلاث غير الي معانا؟

[fisail]

اخوي الكلام اللي نسخته حق الدورة الجامعيين بخميس مشيط .. حنا اقل رحمه منهم بكثيييير ..
وبخصوص البدل جب بس وحدة لآن الكلية راح تعطيك ملابس بعدين ..

اما التفتيش انا اقصد اكثر شيء جب اربع ! لآن اكثر من اربع ممنوع .. < على حسب كلام النقيب .

[نبض القلب]

شباب تكفون من يعرف محل تـفصيل بدل عسكرية بالرياض

[T.T.T]

السلام عليكم ورحمة الله وبركاته

احب اول شي اعرفكم بنفسي اسمي طارق
انا الحمدلله تم قبولي معكم وانا في اول دفعه صراحة انا كنت متابع الموضوع من بدايته تقريبا

والف مبروك لكل المقبولين وعقبال مانشوفكم بالنجمه يارب

المهم ياشباب ماطول عليكم انا اللي خلاني اسجل في بعضكم بيجيب لنفسه المشاكل زي اول شي مثلا شفتوا الدوائر اللي على الكتف بعضكم خيطها تدرون ان عليها جزاء انا سالت واحد يقرب لي يقول ممنوع وثاني شي لوحة الاسم البلاستيك او القزاز على قولتكم ترا لازم تكون بدبوس يعني مو لصق لكن القماش لصق ان شاء الله فهمتوني

[T.T.T]

اقتباس:     المشاركة الأصلية كتبت بواسطة نبض القلب  

شباب تكفون من يعرف محل تـفصيل بدل عسكرية بالرياض

عندك ياخوي ركن العملاق على خالد بن الوليد ( انكاس) اذا انت حول هالمنطقه عطيتك الوصف للمكان

[تفـارق]

اقتباس:     المشاركة الأصلية كتبت بواسطة نبض القلب  

شباب تكفون من يعرف محل تـفصيل بدل عسكرية بالرياض

شارع الوزير ،

عندك فوق 30 محل للتجهيزات العسكريه
من تفصيل ، وجاهز وكل شي

واي احد يبي اي اغراض عسكريه ، انصحه بشارع الوزير



على فكره ،
البسطار الامريكي سعره في حدود الـ 300


والبسطار اللي عطونا ، لقيته امس بشارع الوزير ..
طلع صيني ~


انا صراحه بشتري امريكي واريح نفسي ،
وحاليا جمعت الاغراض اللي ابيها في الدوره ،
وان شاء الله راح اروح اشتريها ..


وباشوف يمكن اشتري لي كتب اقراها بالدوره

[تفـارق]

ونرجع نقول ،

نشمر البدله والا لا ؟ هههههههههههه

احد يتأكد



ثانيا ، الماكينه الزيرو عادي ندخلها ؟؟
وهل فيه افياش نشحنهاا ..

والا نجيب بطاريات !!

[T.T.T]

اقتباس:     المشاركة الأصلية كتبت بواسطة تفـارق  

ونرجع نقول ،

نشمر البدله والا لا ؟ هههههههههههه

احد يتأكد



ثانيا ، الماكينه الزيرو عادي ندخلها ؟؟
وهل فيه افياش نشحنهاا ..

والا نجيب بطاريات !!

الماكينه اعرف انه مسموح وافضلك لانك بال45 يوم بيطول شعرك وتروح تحلق عند حلاق الكلية حلق 50 راس قبلك بنفس المكينه

التشمير سهله ومو لازم هو قال نعلمكم اذا دخلتوا

[mesfer14]

السلام عليكم

اول شي الف مبروك للمقبولين والله يوفقكم وان شاء الله اكون مقبول زيكم السنه الجايه


انا عندي سؤال مهم بالنسبه لي انا الحين رايح لثالث وفي ثاني ثانوي جبت نسبه 99

بس المهم كم لازم اجيب في التخرج وانتم المقبولين كم نسبتكم التحصيلي والقدرات؟

ياليت تجاوبوني كم جبتو في القدرات والتحصيلي

وبالتوفيق مقدما

[kasbr]

ثانويه فوق 90 قياس فوق 70 تحصيلي فوق 65 << للقبول المبدئي

اما اختبار اللغه الانجليزيه يعتمد عليك واختبارات قدرة الطيران والتركيز << القبول النهائي

وطبعا النظر والسمع و و و

[FLAVA-SAVA]

اووف اوووووف اوف

وانا احسب اني خلصت اغراض طلع باقي لي نصها

لحوووووول

طلعوا حق اول مكافئة بأغراضهم ذي

[fisail]

احم يا حلوين الدفعه الثانيه .. لو سمحتو احد فيكم يتكرم ويرفع لي ملفين من السيدي .. الكتاب الخامس والسادس .. لآنهم تآلفين عندي :(

[mesfer14]

اقتباس:     المشاركة الأصلية كتبت بواسطة kasbr  

ثانويه فوق 90 قياس فوق 70 تحصيلي فوق 65 << للقبول المبدئي

اما اختبار اللغه الانجليزيه يعتمد عليك واختبارات قدرة الطيران والتركيز << القبول النهائي

وطبعا النظر والسمع و و و

طيب التحصيلي لازم اجيب فوق 65 ؟

يعني هذي شروطهم ولا عشان اضمن يعني ؟

وانت اخوي كم جايب ؟

وانتم كلكم مقدمين عن طريق الانترنت ؟

[علي8]

ياعيال ياليت نتعاون وكل واحد يقول وش بيشتري وماعليكم من كلام الناس > اقصد الردود المنسوخة

انا بأبدأ من نفسي واقولكم وش سويت /


أول شيء قيفت البدله المموهه والبدله الكحلية فقط لا غير وكتبت لوحة اسم قماش 3 حبات ولوحة تفتيش 3 حبات والقزاز حبتين << السؤال هنا الخياط قالي تبي اشمرها لك تشمير دايم خياطة يعني,, هل هو مسموح ؟

ثاني شيء أنا شريت درزن فنايل ابو سبعه ودرزن صراويل قطن < وان شاء الله انها كافية

الشرابات > مدري اشتري ثقيلة او عادية او خاصة في الببسطار وكم اشتري من حبة واي لون < ياليت احد يفيدني

الجزم < يحتاج اشتري شيء أولا !!؟

الفوط امرها سهل بشتري ثنتين زود على اللي معي بتطلع كلها 3

الفرنسيس > والخرابيط اللي في الورقة والكاب الامريكي ذي نشتريها ولا هم يعطونا ؟

الشنطة نجيب شنطتهم ولا نشتري ولا نجيب ثنتين ؟؟

انتظر تعاونكم ,, :)

[fahad alharbi]

بخصوص التشمير ..

سألنا النقيب حق الدفعة الثانية .. ماجد بن سعد نسيت وش اخر اسمه

قال تشمرها .. و ما تكون خياطة تكون مغاط

[فهد الحقوي]

انا عندي سؤال لاهنتم

انا صرفوا لي شنطة اوكي هل اجيبها معي يوم التحضير الا هو يوم السبت 19/10 بكل اللي فيها والبدل الزرق كمان ؟

واشتري شنطة ثانية اجيب فيها المستلزمات المطلوبة ؟

يعني اجيب شنطتين اذا حضرت ؟

[تفـارق]

شباب ،

اول شي الملابس العسكريه تجيبها في معاليقها مكويه ..



ثانيا بالنسبه للي يسأل عن الشنطه ،
هو قال اذا ما كفت وتبون تجيبون

جيبوا بس ع شرط ،

انها تكون زي اللون

[mesfer14]

ممكن تجاوبون اعرف ان مالي دخل

لكن الاسئله مهمه بالنسبه عشان ازبط نفسي في التخرج

وان شاء الله الحقكم السنه الجايه

[تفـارق]

اقتباس:     المشاركة الأصلية كتبت بواسطة mesfer14  

ممكن تجاوبون اعرف ان مالي دخل

لكن الاسئله مهمه بالنسبه عشان ازبط نفسي في التخرج

وان شاء الله الحقكم السنه الجايه

جاوبوك العيال ، وما قصروا ..
انت حاول تكون فوق 95 ثانوي ..
وتكون قدراتك فوق 80
وتحصيلي فوق 70

هذي تدخلك بدون واسطه ، ان شاء الله


واذا بالنسبه للقبول المبدئي وعندك واسطه


فوق 85 ثانوي
فوق 70 قدرات
فوق 60 تحصيلي

بالواسطه ان شاء الله تدخلها