[Captain X]

السلام عليكم و رحمة الله

يا اخواني لن اسأل اي سؤال اخر لأني سألت كثيرا و كثيرا ما لم اجد تفاعل من الاعضاء مثل ما في المواضيع الاخري

علي كل حال, تكفون تجاوبوني علي هذا السؤال و تكونوا قد ساعدتوني اكبر مساعدة

انا حاليا في هذه اللحظه افكر في ان ارمي نفسي تحت عجلات طائة بوينج 777 و هي علي المدرج :3d_029:

لقد اتممت دراستي في كندا و لم يبقي لي سوي شئ بسيط جدا, عدت الي مصر لزيارة عائلتي و سوف ارجع لكندا لأنهاء الدراسة

انوي بأذن الله بعد ان اعود من كندا ان اقدم للعمل في مصر للطيران - معي كل متطلباتهم

المشكلة الوحيدة هي الخدمة العسكرية (التجنيد) فأنا ليس معي مؤهل جامعي, لذا سوف تكون مدة التجنيد 3 سنوااااااااااااات

اشعر و اني سوف انسي اسمي في هذه المدة, فمن المستحيل ان اذهب ل3 سنوات

سألت شخص اعرفه و قال لظروف عائلية عندي, يمكنني التأجيل, و العمل في اي مجال. و هذا صحيح, و لكن علي ما اظن - الا في مصر للطيران - ففي الاعلان الاخير الذي رأيته (شكر خاص لدراكولا لاحضاره لي) يطلبون انهاء المدة بجيد جدا او الاعفاء.

ساعدوني ماذا يمكن ان افعل ؟؟؟؟؟؟؟؟
انا محبط و لا اتكلم مع احد علي الاطلاق

3 سنوات + 1 سنة تايب ريتينج = 4 سنواااااات.... لن استطيع قيادة حصان بعدها!

ان كان هناك مال يدفع, انا ليس عندي اي مشكلة و لكن الجميع قال انه ليس موضوع دفع

و الاخوة الذين سوف يقولون ان الطيران يعتبر مؤهل جامعي, فهذا يختصر علي معهد مصر للطيران فقط, و هذه المعلومات من ادارة التجنيد هنا في مصر

ارجووووكم المساعدة, انا ضائع

ماذا افعل ؟

[علي احمد محمد]

انا زعلان منك كابتن اكس علي قولك ان محدش تجاوب معاك وساعدك
كل اعضاء المنتدي تحت امرك ومحدش بخل عليك بمعلومه
وبخصوص التجنيد ممكن مايجلكش جيش لم يصبه الدور مثلا
ومين قالك ان التايب رايتنج 1 سنه
متزعلنيش منك

[draculaghost2007]

لا تقل ذلك يا كابتن إكس فنحن جميعاً في خدمتك و لم يقصر احد معك
و بخصوص مشكلتك فأنا بصراحة لا أعرف ما الحل لأني أنا أيضاً أنوي دراسة الطيران هذا العام في أمريكا و بعد الإنتهاء من الثانوية العامة و نقطة التجنيد هي ما يقلقني
و لكن إن شاء الله يوجد حل

و تقبل تحياتي

[ك صالح]

السلام عليكم
كيفك كابتن x ان شاء الله الشباب مايقصرو معاك.
انا صراحة ما اشرك الا قليل بس كل يوم موجود اقرا التعليقات ولما شفت تعليق الكابتن وهوا كمان في كندا قلت لازم ادخل
انا حاليا في فانكوفر صارلي 6 شهور ومعاي PPL واذا انت ياكبتن اكس قريب خلينا نشوفك قبل ما تسافر
تقبلوووو تحيااتي

[Captain X]

مشكورين يا اخواني علي وقوفكم الي جانبي
انا فقط متوتر بسبب هذه النقطة, ماذا ان لم ارفض ؟

علي كل حال شكرا لمروركم

[carsper]

اهلا بيك يا كابتن اكس اية يا عم اكس مسودها كدة لية متزعلش نفسك اوي كدة ولا جيش ولا بتاع
وبعدين يا راجل الناس هنا زي الفل يا باشا وبيسعدونا وعلي فكرة انا بقالي شهر او اقل بالظبط مكنتش اعرف اي حاجة عن الطيران والحمد لله وبجد دي حاجة حقيقية انا حاسس انا هطير وانا قاعد علي المنتدي دة

شوف يا كابتن اكس انا اعرف شوية عن الجيش بالنسبة للشهادات اللي معاك تسبت انك طيار دي ممكن تكون تعادل الجامعات المصرية وممكن تحولها لرخصة مصرية اكيد هتتعامل معاملة الجامعات والمعاهد ويكون جيشك في اللحظة دي سنة وممكن تاخد تأجيل واللي بياخد تاجيل دة يعني اعفاء انتا عارف لانك بتاخد تاجيل 3 سنين بعد كدة لما بترجعلهم تاني بيدوك التأجيل التاني وبعدها الاعفاء لانك بتكون خلاص عديت السن المطلوب وهو 29 سنة او 30 تقريبا اما بالنسبة يا عمونا لو دخلت حتي الجيش وماجلكش تأجيل افرح يا عم حد لاقي القوات الجوية شوف اكيد مليون في المية لو انتا معاك انيستراكتور هتدرب في الكلية الجوية مليون المية طبعا ومش بعيد ياخدوك صف ظابط لمدة 5 سنوات او 3 تقريبا هتكون صف ظابط في القوات الجوية المصرية وتعمل ساعات طياران والله وصدقني لو لائق طبيا مش بعيد تكون ظابط طيار وحتي لو محصلش ف انتا مش هتنسي الطيران في الجيش بالعكس انتا هتسفاد جدا بس طبعا لو معاك رخصة مدرب وطبعا لو حصلك زي منا بقولك ادعي انك تدخل الجيش لانك بعد ما تخلص هتكون معاك خبرة والله الموفق

[carsper]

ههههههههههههههههههههههههههههه
عارف يا اكس وانا بكتبلك الرد لقيت فيلم شغال علي روتانا سينما في جيش وبتاع هههههههه وخصوصا انا عيد تحرير سيناء بكرة يالا يا عم بشرة خير

[الجناح_الذهبي]

اقتباس:     المشاركة الأصلية كتبت بواسطة carsper  

اهلا بيك يا كابتن اكس اية يا عم اكس مسودها كدة لية متزعلش نفسك اوي كدة ولا جيش ولا بتاع
وبعدين يا راجل الناس هنا زي الفل يا باشا وبيسعدونا وعلي فكرة انا بقالي شهر او اقل بالظبط مكنتش اعرف اي حاجة عن الطيران والحمد لله وبجد دي حاجة حقيقية انا حاسس انا هطير وانا قاعد علي المنتدي دة

شوف يا كابتن اكس انا اعرف شوية عن الجيش بالنسبة للشهادات اللي معاك تسبت انك طيار دي ممكن تكون تعادل الجامعات المصرية وممكن تحولها لرخصة مصرية اكيد هتتعامل معاملة الجامعات والمعاهد ويكون جيشك في اللحظة دي سنة وممكن تاخد تأجيل واللي بياخد تاجيل دة يعني اعفاء انتا عارف لانك بتاخد تاجيل 3 سنين بعد كدة لما بترجعلهم تاني بيدوك التأجيل التاني وبعدها الاعفاء لانك بتكون خلاص عديت السن المطلوب وهو 29 سنة او 30 تقريبا اما بالنسبة يا عمونا لو دخلت حتي الجيش وماجلكش تأجيل افرح يا عم حد لاقي القوات الجوية شوف اكيد مليون في المية لو انتا معاك انيستراكتور هتدرب في الكلية الجوية مليون المية طبعا ومش بعيد ياخدوك صف ظابط لمدة 5 سنوات او 3 تقريبا هتكون صف ظابط في القوات الجوية المصرية وتعمل ساعات طياران والله وصدقني لو لائق طبيا مش بعيد تكون ظابط طيار وحتي لو محصلش ف انتا مش هتنسي الطيران في الجيش بالعكس انتا هتسفاد جدا بس طبعا لو معاك رخصة مدرب وطبعا لو حصلك زي منا بقولك ادعي انك تدخل الجيش لانك بعد ما تخلص هتكون معاك خبرة والله الموفق

انا مش مصري بس شدني في الموضوع هو انو حد من الأعضاء يريد ان يترك المنتدى وهذا شي مش مقبول احنا مش عايزين نخسر حد بالذات عضو جميل زيك وتفضل يعم جابلك الحل الكبتن carsper وتمنيتي لك بالتوفيق.

[أيمن الوحش]

أنا كلمت ادارة التجنيد في مصر من شوية وقالولي انه
مفيش مفر من التجنيد الا في 3 حالات الاعفاء/ الاكتفاء(عدم الطلب) أو

انك تكون خارج مصر الى ان يصل عمرك الى 35 سنة وترجع تعمل قضية
وتدفع كم الف جنيه غرامة وخلاص العملية تعدي
طبعا انا معرفش انت عمرك كام بس على كده انت ممكن تشتغل في اي شركة طيران برا
وبعدين لما يوصل سنك 35 لو عايز ترجع مصر وتشتغل اكيد هينفع

وطبعا دي حاجة صعبة جدا جدا على اي حد مصري وبيحب مصر

بس انا بصراحة معرفش حكاية تأجيل 3 سنين دي الي بيقول عليها الكابتنcarsper

وربنا معاك

[أيمن الوحش]

سيبك بقى من كل ده واقرا السطور الجاية دي

ثالثا: حالات الإستثناء من الخدمة العسكرية والوطنية التي تهم المواطنين المصريين المقيمين بالخارج:
1. نصت الفقرة ثالثا من المادة (6) من القانون 127 لسنة 1980 علي إستثناء الافراد المتمتعين بجنسية جمهورية مصر العربية الذين أدوا فعلا الخدمة العسكرية في جيش دولة أجنبية إذا كانوا قد أقاموا إقامة عادية في هذه الدولة والتزموا مقتضي قانونها بأداء هذه الخدمة . ويشترط أن تكون إقامته في الدولة الاجنبية إقامة عادية بمعني التوطن في تلك الدولة أي يخرج عن مجال تطبيق النص "من مسافر إلي الدولة الأجنبية بقصد العلاج أو الدراسة أو السياحة وما شاكل ذلك ثم تخلف عن العودة لأرض الوطن كما يجب أن تثبت في حق الأفراد أدائه الخدمة العسكرية في جيش الدولة الأجنبية حسب مدتها المقررة في قانونها بمعني ألا يستفيد في مجال هذا الإستثناء من أعفي من الخدمة العسكرية لأسباب عائليةأو طبية أو تأجيل تجنيده أو وضعه تحت الطلب لأجل معين.
2. كما ويستثني المصري المقيم بدولة أجنبية إذا ما إكتسب جنسية هذه الدولة مع إحتفاظه بجنسيته المصرية من أداء الخدمة العسكرية والوطنية ويزول هذا الإستثناء في حالة فقد الفرد الجنسية الاجنبية وذلك تطبيق لأحكام القرار الوزاري رقم 280 لسنة 1986 الذي صدر حرصا من الدولة علي مصلحة أبنائها في الخارج والتزامها برعايتهم أينما كانوا ولكي يستمر المواطنالمصري علي أنتمائه لوطنه ولا تنقطع الصلة بينه وبين بلاده – وحتي لا تسقط عنه الجنسية التي اكتسبها فيما لو تم تجنيده بالقوات المسلحة المصرية. وعلي المواطن المصري الذي يرغب في حمل جنسية دولة أخري مع إحتفاظه بجنسيته المصرية – أن يتقدم بالمستندات اللازمة للقنصلية المقيم بدائرتها أو لمصلحة وثائق السفر والهجرة والجنسية للعمل علي إستصدار قرار بالموافقة علي حمل جنسية الدولة التي يقوم بها مع إحتفاظه بجنسيته المصرية وتقوم مصلحة وثائق السفر والهجرة والجنسية بتسليمه صورة من البيان الذي ترسل أصله إلي إدارة التجنيد والتعبئة والتي تقوم بدورها بإخطار منطقة التجنيد المختصة لإصدار قرار بإستثنائة من أداء الخدمة العسكرية والوطنية طبقا للقرار الوزاري سالف الذكر وصرف شهادة المعاملة اللازمة له بعد تقديمه نموذج 6 جند مدموغ (طلب شهادة معاملة) مستوفي رسم الدمغة.

-------يعني ممكن تاخد جنسية كندية وكده مش هتخش الجيش -------------


خامسا: حالات الإعفاء المؤقت من الخدمة العسكرية:

1. الأبن الوحيد لأبيه الحي.
2. العائل الوحيد لأبيه الغير قادر علي الكسب وكذلك العائل أخيه أو أخوته الغير قادرين علي الكسب.
3. العائل الوحيد لأمه إذا كانت أرملة أو إذا كانت مطلقة طلاقا بائنا أو كان زوجها غير قادر علي الكسب.
4. العائل الوحيد لأخته أو أخوته غير المتزوجات.
5. أكبر المستحقين للتجنيد من أخوة أو أبناء الضابط أو المتطوع أو المواطن الذي فقد بسبب العمليات الحربية ويزول هذا الإعفاء بمجرد عودته أو ثبوت وجوده علي قيد الحياة ويعامل الغائب في العمليات الحربية معاملة المفقود إلي أن يتضح موقفه.
6. إذا جند أحد الأخوين أو الأخوة أو أستدعي للخدمة في الإحتياط .. يعفي مؤقتا من الخدمة العسكرية الإلزامية العاملة الأخ أو أكبر الأخوة الباقين بعد أستبعاد غير القادرين منهم علي الكسب . ويشترط ألا يكون من بين الأخوة أي متخلف عن التجنيد أو جاوز الثلاثين عاما أو أخ معفي من التجنيد.
ويزول الإعفاء بإنتهاء خدمة المجند الإلزامية أو فترة إستدعائه للخدمة في الإحتياط أو عند فراره أو زوال عدم القدرة علي الكسب.
في جميع حالات الإعفاء المؤقت السابقة يزول الإعفاء بزوال سببه ويجب علي كل من زال عنه سبب الإعفاء أن يقدم نفسه إلي مناطق التجنيد والتعبئة المختصة خلال ثلاثين يوما من تاريخ زوال السبب لمعاملته تجنيديا بما يستحق.

----------- معرفش اذا كانت احدى الحلات دي تنطبق عليك ---------------
عالعموم للمزيد شوف الرابط ده

https://www.egy2000.com/ft63r.htm#a3

[carsper]

وبعدين سؤال يا كابتن دهب انتا مش مصري اي اللي خلاك ترشأ في الموضوع معانا ولا هيا لازقة وخلاص

ههههههههههههههههههههههههههههههههههههههه
بهزر طبعا
يا جناحك الذهبي اللي بينقط عسل يا معلم

بالنسبة ل ايمن الوحش شكرا طبعا بالنيابة عن كابتن اكس انك اتحركت وعملت اتصلاتك طبعا يارب يكتر من امثالك في مصر والدول العربية يارب لان اللي ذيك دة هو اللي بيفيدني ويفيد غيري

بص يا ايمن طبعا مفيش مفر من الجيش انما في حاجة اسمها تأجيل التأجيل دة هما اللي بيحددوة تبع شهور الميلاد يعني ممكن يقولك انا هاخد من دفعة 1987 مواليد شهر خمسة الباقي تأجيل ويقولك 1988 و 1989 تأجيل انتا فاهم الناظم ماشي ازاي بعدين بيجي في سنسين معينة ياخد منها ايام معينة في شهور معينة

بالنسبة انك تفقد دي يعني هارب من التجنيد بتعمل قضية طبعا انتا لما تيجي تشتغل في اي حتة بيسألك عن موقفك في التجنيد لما تكون هارب دي مستحيل اصلا تشتغل سروجي سيارات مش طيار فنا منصحكش بية

اعمل زي منا بقولك وصدقني ليها حل

[علي احمد محمد]

مشكور كريسبر علي الرد وباقي الاخوه ومع احترامي الكامل ليك ولا كلمه من الي قولتها بخصوص عدد الساعات او التدريب او صف ضابط الي اخره ليه علاقه بالواقع
والطيار يعامل كمجند فقط ولا ليه علاقه بالقوات الجويه اطلاقا ولا يجوز له التدريب او بناء ساعات
ولا يجوز لاحد ان يصبح ضابط طيار الا خريجي الكليه الجويه فقط
وانا واثق من هذا الكلام 100 في 100

[carsper]

اية يا علوة ما تصلي علي النبي كبداية
انتا من مصر طبعا يا باشا الكلام دة خدوا مني ثقة لو اكس معاه انيستراكتور هيدرس في القوات الجوية دي انا واخدة من ظابط طيار بدون ذكر اسماء هو منصبة حاليا في عالي جدا في كندا
وطبعا يعامل خريج اكاديمية الطيران معاملة المعاهد بالظبط ودي حاجة معروفة جدا مش انتا اللي هتعرفهاني
انما دة انيستراكتور ينفع بس دة في الأول والأخر رأيي مش انا وزير الدفاع علشان كلامي يبقي مظبوط 100% انما انا بنسبة 90% متأكد من الكلام دة وطبعا اللي متعرفوش انة ممكن يكون صف ظابط البلد تستفاد من بسبب خبراتة زي بالظبط الهندسة والطب وطبعا يا طيار دي حاجة انتا عارفها كويس
اما بالنسبة لانة يبقي ظابط في القوات الجوية دي طبعا مش مستحيل بس هو مينفعش لان ظابط القوات الجوية دة لازم يكون ادرب علي اسلوب معين في الكلية الجوية غير الخارج وطبعا طبيا لائق 100% وعلي فكرة انا عايز اقولك اني قدمت في الكلية الجوية وسقط في أول يوم تقوس ساقين وفي ناس انا اعرفها صحابي سقطت بعد 12 يوم فحص واحد صاحبي بس هو اللي دخل

بس حوار الجيش دة انا متأكد منة مليون في المية انة علي الأقل هيروح يخدم تبع القوات الجوية دشليار في المية يا كابتن ويارب ما يدخل اصلا وربنا يكرمة بتأجيل 3 سنين يارب
اه ملحوظة ليك يا كابتن علي لما ترجع بعد التأجيل بتاعك متعرفهومش انك درس طيارن علشان يا باشا ما تتبعتش
والله الموفق

[علي احمد محمد]

عليه الصلاه والسلام بس الكلام الي بقولهولك ده من لسان شيف انستراكتور في القوات الجويه وهو لواء طيار ونائب رئيس معهد مصر حاليا مش مجرد ضابط طيار
ومفيش حد يدرب او يصبح ضابط طيار من غير مايكون خريج الكليه الجويه متصدقش حد يقولك غير كده يكون بيضحك عليك
بخصوص مش انا الي هعرفالك ماشي متشكر بس انت شكلك متعرفش اي معلومه عن الجيش خالص انا والدي والدتي ضباط جيش واعرف معلومات اكتر من كده بس مدام انت مقتنع بكلامك انت حر

[علي احمد محمد]

وكمان انا درست بمعهد مصر للطيران وعارف بيتعامل معامله ايه
مش بقولك كلام سمعته انا بقولك كلام عاصرته
انا متاسف ان لغه الحوار بتعتك وصلت معايا للدرجه دي

وطبعا يعامل خريج اكاديمية الطيران معاملة المعاهد بالظبط ودي حاجة معروفة جدا مش انتا اللي هتعرفهاني

اه ملحوظة ليك يا كابتن علي لما ترجع بعد التأجيل بتاعك متعرفهومش انك درس طيارن علشان يا باشا ما تتبعتش

مشكور جدا ع الرد

[carsper]

إية يا كابتن علي مالك بتأخد كل حاجة علي قلبك لية كدة
في اية يا عمونا وانا كدبت ولا رديت عليك رد مش ولابد يا كابتن انا برد علي احد الأعضاء علي حد معلوماتي وانا متاكدة من معلوماتي وانتا متاكدة من معلوماتك كلام جميل بس انتا يا باشا راجل في الطيران ملكش مسيل وعلي فكرة انا مش بتريأ او بنافق انا قرايت مواضيعك وسألت لما مكنتش عارف وانتا جاوبتني ومن الاعضاء الفعالة هنا في المنتدي بس انتا مشكلتك انك بتسخن وبتاخد الكلام بمعني تاني اية يا كابتن كل سنة وانتا طيب شم النسيم بعد بكرة
بس مع احترامي ليك في الجيش بالذات حاول ما تكدبني لانك متعرفش انا اتربيت كعسكري وعشت مع طيارين

وياعم لو انتا زعلان مني انا اسف

[علي احمد محمد]

انا مش زعلان
مش بسخن ولا حاجه بس انا حسيت انك رديت عليا رد وحش لمجرد اني خالفتك في الرأي وياعم انا لاعضو فعال ولا ليا مثيل ولا حاجه انا عضو علي قدي خالص و انا اقل عضو هنا
ولا حاجه للاسف كلنا اخوه
كل سنه وانت طيب

[علي احمد محمد]

ان اسف ان كنت اساءت الظن او لم افهم المعني المقصود

[carsper]

يا كابتن والله انتا بتحرجني بذوقك
بس والله انا مش قاصدي حاجة خالص ولا قصدي اكلمك بطريقة انتا تفهمها غلط بس انا عادي يعني عارف انك مصري وعارف ان لغتنا كدة يعني انا ما ينفعش اتكلم معا حد تاني كدة لانة ممكن يفهمني غلط بس انتا يا كابتن مصري وعارف ان دة العادي بتعنا بس يا باشا ما تزعلش كمان مرة وبعدين يا عم مين اللي قالك انك مش عضو فعال يا كابتن يا متواضع لا يا كابتن انتا راجل زي الفل وربنا هيكرمك إن شاء الله وبعدن انا بقولك ما تقولش ليهم انك درست طيران مش عشاني دة عشانك والله يا كابتن هيخدوك تخدم في السلاح الجوي والله كمان مرة اصل انا واخد الكلام دة من ظباط
وبقولك اية ياريت لو تخدمنا وتنزلنا بقي الموضوع اللي انتا وعدت الأعضاء بية عن مدرستك لانك هتخدمنا كلنا
ومعلش لية طلب تاني بالنسبة للدراسة النظري بتاعت الطيران اية حورها يعني صعبة ولا سهلة وعبارة عن اية يعني ياريت لو تعملنا موضوع حلوة كدة من مواضيعك ولك جزيل الشكر

[علي احمد محمد]

لا والله انا مش زعلان خالص ومبسوط كمان اني اتعرفت علي صديق جديد وانا مقدرش افهمك غلط
بس انا هعيظك واقولك انا مليش جيش
انا مرديتش انزل بقيت الموضوع لان الاعضاء حسيت انهم اكتفو ومحدش طلب غير كده في شو في المطار شو عسكري ومفيش حد هيطير لحد يوم الاتنين الصبح فمش هعرف اصور
بالنسبه لدراسه النظري سهله جدا وكمان انا كنت دارس كتير منها في الهندسه
ومفاجاه انت اول واحد تعرفها انا بحضر دلوقتي عشان اخر شهر خمسه امتحن واخد انسراكتر
ادعيلي

[carsper]

يارب يا كابتن تنجح وتبقي طيار اد الدنيا وصدقني انا لية الشرف اني اكون صديقك وصديق لاعضاء هذا المنتدي الرائع وياعم مش تقول ان ملكش جيش يالله حظوظ ههههههههههههههه ياريت يا كابتن بعد ما تخلص وتنجح إن شاء الله تبقي تعملنا موضوع كدة عن الدراسة النظري علشان لو كدة الواحد يذاكرها من هنا قبل ما يسافر علشان ينجز الدنيا هناك
ما تبخلش علينا بقي يا كابتن وبالتوفيق

[علي احمد محمد]

انا هبقي مدرب نظري لو نجحت بعنب ان شاء الله كل يوم اعمل موضوع عن الدراسه النظري بس انا انجح الاول والشرف واصل ليا اولا

[Captain X]

يا جماعة انا مش عارف اشكركم ازاي
بجد طمنتوني, انا كنت منهااار لأني كنت فاكر انهم هيكونوا 3 سنين
علي كل حال ربنا يمشي الامور,, و يا رب يكتفوا اساساً
و ايوة انا معي انستركتر و هشوف الموضوع ده

و ربنا معنا كلنا

شكرا خاص لكريسبر و ايمن و علي و الجميع علي تفاعلهم

[Captain X]

و بانتظار دروسك يا كابتن علي و ان شاء الله ربنا يوفقك

[carsper]

والله تبقي برنس لو فكرت تعمل الموضوع دة إن شالله حتي لو نكلم الادارة ونفتح قسم في المنتدي خاص بالدراسة النظري ويتعملة دروس من الكباتن تفيدنا يااااه والله تبقي احلي فكرة يا كابتن هتتنفذ يعني الواحد يخلص النظري قبل ما يبداء يدرس لان انتا عارف يا كابتن ان الدراسة دي اللي رعبانا كلنا بما اننا لسة ماسفرناش فالموضوع دة هيريحنا كتير وان شاء الله ناجح بدعيلك والله

[علي احمد محمد]

ان شاء الله يكابتن بس ادعولي ربنا يعني علي الدراسه واخلص قبل نهايه شهر 5 ان شاء الله
وانا مش هتاخر عن المنتدي لانه بيته

[moto]

دى تانى مشاركه ليه فى هذا المنتدى والله الواحد مش عارف يقولكم ايه انتم فعلا تفرحوا يا كباتن واحب ان اشكر كابتن على على مشاركته الفعاله وارجو منه ان يسرد لنا ما هى الصعوبات التى واجهت قبل دراسه الطيران وما هى الصعوبات التى واجهت فى دراسه الطيران ولك جزيل الشكر والاحترام

[علي احمد محمد]

العفو اخي
الصعوبات اول حاجه اقناع الاهل بتغيير مسار الدراسه من الهندسه للطيران
ثم البحث عن مدرسه مناسبه
ثم الحصول ع التاشيره والقلق من الرفض وبعد ذلك اصعب حاجه
الغربـــــــــــــــــــــــــه

[moto]

يعنى يكابتن على انتا سبت الهندسه من البدايه ولا خلصتها وبعدين سافرت والله انا عارف شعور الغربه ده وربنا مش حيضيع مجهودك ده ولا غربتك ان شاء الله وترجع كابتن اد الدنيا واسئل الله ان يعينك فى غربتك يكابتن

[علي احمد محمد]

انا اجلت الهندسه وخلصت 3 سنين منها
وبعدين سافرت