[KUWAIT ATC]

السلام عليكم ورحمة الله وبركاته

يا اعضاء خط الطيران انا لما تشرفت بمعرفتكم وبعد ماتعلمت على السميليتر قلت لكم اني راح ابدأ بأول مشروع سينري عربي...وكان فيه ناس سلبيين او خل نقوول انه الحق كان معاهم وصح كلامهم,,قالولي انه انا راح يروح تعبي على الفاضي وانه الشركات اللي تسوي هذي المطارات هي شركات متخصصه في البرامج الثلاثية الابعاد وبرامج ادخال البياناتxml .


لكني وكعادتي عاندت وقلت اني راح اسوي سنري عربي ومجاني اهداء لخط الطيران والدفيجن الكويتي عشان يذكرون محمد المطيري بيوم من الايام.



بس المحزن واللي صج يخلي والواحد يحوشه اكتئاب انه وبعد سنه كامله مافهمت الا القليل اللي يسمحلي اصمم مباني تعتبر غبيه وواضح الجرافيكس الردئ فيها,لكني ما ابي انزل مطار الجرافيكس حقه ردئ شنو فايدته,,فقررت ومن لقافتي الزايده اني اكلم لي جم واحد مصممين يشتغلون عليه وطبعا بمقابل مادي ولكن,,اقترحت عليهم وقلتلهم انه بما انه الشباب عندنا اصلا ماراح يشترون لاسباب متعدده راح انتم تحطونه للبيع واكيد مليون بالميه من التصاميم الي انا شفتها بعيني راح يجونكم زبائن اجانب بالعشرات ومن خلالها راح نرسل واحد من اعضاء منتدى خط الطيران يسوي خدعه ويسوي نفسه انه سوا كراك حق المطار ويحطه للاعضاء وطبعا كلها لعبه مني وهم وافقو فقلتلهم خلاص كملو وتوكلو على الله.


لكن قبل مده قالولي محمد مايصير جذي نخاف صير مشاكل لانه لو واحد فقط راح وقال للزبائن بامكانه حتى مقاضاتنا ويطلعون اضعاف فلوسهم مننا.

واقترحو علي اقتراح ثاني...قالولي شرايك نشوف شنو مشاكل اكثر الاعضاء اللي تمنعهم من شرائها,اكيد مو السعر لكن شنو السبب اجل؟

فبوقتها انا سويت موضوع بإسم عن الحلال والحرام وسألت بعض الاعضاء خارج الموضوع ومنه عرفنا شنو كانت مشكلة اكثر الاعضاء.


المشاكل جات على الاتي:
-الاغلب كان يشتكي من عدم حوزته على الكرديت كارد لانه سنه صغير

-البعض الاخر قال انه لايثق بالدفع عن طريق الكرديت كارد
-القليل منهم قال انه ليس بحوزته المبلغ.


وطرحت المشاكل للشباب الشغالين على السينري وفعلا لقو حل انهم يفعلون نظام الكاشيو.


الكاشيو cashu

فقط للي مايعرفها انا اعطيه اختصار لها طبعا اهي انتشرت في الآونه الاخير وقله من لايعرفها.
هي كروت مسبقة الدفع ....يعني نفس كروت الرصيد مالت الموبايل تشتريها بسحب المبلغ المطلوب وبعدين تعبيها

وهي متوفره في كل مكان في الدول العربية

ومن الرابط هذا حدد موقعك ويقولك اقرب بقاله تبيعها


https://www.cashu.com/site/findReseller






وطبعا انا استشرت كذا عضو من المنتدى وقلتلهم انه السعر راح يكون 9 دولارات تقريبا يعني تشتري كرت كاشيو بقيمة 50 ريال سعودي


وقالولي انه الطريقه حلوه والسعر احلى.

اما عن الفئه الاقليه ...فأتمنى انهم يكونو بالفعل اقليه ومحد يحاول يستقل هالطريقه لانها راح تكون صعبه.

فهذي الفئه اللي ماراح تقدر تأمن المبلغ مع انه نوعا ما بسيط ,,فما عليهم اي مشكله كل اللي عليهم يرسلون لي رساله وانا راح اعطيهم ايها كصفة اهداء او صفة مجربين للمطار ومن هذي الثغره راح اقدر ارسل للهذول اللي صعب انه يرسلون للشركه المال.


وعلى فكره بالفعل نجحت فكرة الكاشيو عندما تم تطبيقها من قبل الSDG

وذالك بعد ان اعطيتهم الفكره ونصحتهم فيها و بالعفل تم شراء مطارهم الاخير من قبل بعض العرب.
بينما قبل الكاشيو كان عدد اللي يشترون من العرب هو 0 بالظبط


واتمنى انه يكون الموضوع مازعل احد منكم وصدقوني والله انا ماكان في نيتي غير اني اسوي شي يسوا وشي فيه جوده وكواليتي مو نسوي آي شي واقول اني سويت سينري.



والصراحه راح لو لاهم جان المطار صار فيه فرق كبير.


غير انه شغلهم اسرع وهم بعد ماراح يخلصون مفكرين انهم يكملون في المطارات العربيه وبأسعار زهيده.




لاحظو في الصورتين التاليتيين الفرق بين تصاميمي وتصاميمهم


هذا الاول تصميم لي انا لمبنى سعد العبدالله وطبعا مايشابهه بأي شي والصراحه تصميم غبي

https://www14.0zz0.com/2010/03/02/11/912066507.jpg

اما الصور التاليه فهي لهم والصراحه يعني الله يجزاهم خير من صج ناسخين المبنى,هذي صور مازالت للمبنى وهو مازال تحت الانشاء لانه ماخلص اصلا.


https://www13.0zz0.com/2010/03/02/11/376467152.jpg


https://www7.0zz0.com/2010/03/02/11/526234525.jpg



https://www7.0zz0.com/2010/03/02/11/833309001.jpg




طبعا هذي صور للمبنى وحاليا هم اخر مراحل تصميم الجزء الخاص بمبنى رويال افيشن من ارضيات وكل شي


وفي النهايه اتمنى انه ما اكون زعلت احد


واذا الموضوع مو عاجبكم او في احد مايبي يدفع انا حاضر وعندي استعداد ادفع لو للمنتدى كله

[KABTN.REDA ALKHABBAZ]

يا شباب تبون الصدق من حقهم لانهم تاعبين على الشغل حيل والله
وانا عن نفسي راح اشتري كاش يو من المحل القريب منا ورح اشتريه
لانه حليو والله ما اكذب انا
ولو اي واحد منا راح يتعب هذا التعب ما راح يرضى انه يعطيه ناس ببلاش
اصلاً
بس ان شاء الله اليوم انا رايح اشتري بطاقة كاش يو منها اقدر استفيد من اكثر من حاجه

[omaar97]

يا أخي يعني ليش ما اعترفت بالحقيقة من أول يعني شو بعملوا اعضاء المنتدى لو اعترفت و قلت الحقيقة أنه المطار رح يكون بفلوس و تتأسف انك ما قدرت توفره ببلاش

لكن المشكلة اني ما لقيت المطار بموقع الشركة وينه؟؟!!

[B777]

من وجهة نظرى الشخصية انا شايف ان التصميم اللى انت عملته للمبنى قريب الشبه للتصميم اللى الشباب جزاهم الله خير صمموه .. و تصميمك ماشاء الله ممتاز ...

و كونك كنت رتبت الامور ليصل المطار للمنتدى مجانى فهذه لفتة أشكرك عليها و لكن فى النهاية ما نرضى الضرر للغير لكى نستفيد نحن الاعضاء من المطار ...

أشكرك على صراحتك يا كابتن و أحييك و نترك الرأى لباقى الاعضاء

و فى النهاية كانت نيتك الخير للاعضاء و توفير سينيرى بروفيشنال لهم و لكن تأتى الرياح بما لا تشتهى السفن ..

و مش عارف الناس زعلانة ليه لما عرفوا ان المطار هيكون بفلوس هل السبب مادى و لا احنا اتعودنا على ابو بلاش ؟

[Q8JetBlast]

السلام عليكم
بن عمي معاك علي جاسم, طبعاً انا طلعت من عالم الفلايت سم من سنة يدي لأنه فيه اهمال زايد لمنطقة الشرق الاوسط من ناحية الـ scenery
بس السينيري الي انت قاعد تتكلم عنه بصراحة لفت انتباهي بشكل قوي و اذا فيه مشروع انه تشتغل للاكس, و الله راح يحوشني زيران راح اروح على طول شارع بن خلدون اسوي لي كمبيوتر يديد نفس الناس,
انا مستعد ادفع عشر دنانير , بس يخوك نزل صور شوي زقرتية و موقع للشركة الي ساعدتك بالتصميم

بالنتظار ردك

[KUWAIT ATC]

اقتباس:     المشاركة الأصلية كتبت بواسطة KABTN.REDA ALKHABBAZ  

يا شباب تبون الصدق من حقهم لانهم تاعبين على الشغل حيل والله
وانا عن نفسي راح اشتري كاش يو من المحل القريب منا ورح اشتريه
لانه حليو والله ما اكذب انا
ولو اي واحد منا راح يتعب هذا التعب ما راح يرضى انه يعطيه ناس ببلاش
اصلاً
بس ان شاء الله اليوم انا رايح اشتري بطاقة كاش يو منها اقدر استفيد من اكثر من حاجه

مشكوووور يا كابتن رضا ويعطيك العافيه على تفهمك

[KUWAIT ATC]

اقتباس:     المشاركة الأصلية كتبت بواسطة omaar97  

يا أخي يعني ليش ما اعترفت بالحقيقة من أول يعني شو بعملوا اعضاء المنتدى لو اعترفت و قلت الحقيقة أنه المطار رح يكون بفلوس و تتأسف انك ما قدرت توفره ببلاش

لكن المشكلة اني ما لقيت المطار بموقع الشركة وينه؟؟!!

والله ياخي انا قلت لا استعجل الامور وخصوصا انهم كانو للحين قاعد يشتغلون الشباب ومو عارفين شنو يقررون هل ينزلونه ويوهقون انفسهم.

اقتباس:     المشاركة الأصلية كتبت بواسطة B777  

من وجهة نظرى الشخصية انا شايف ان التصميم اللى انت عملته للمبنى قريب الشبه للتصميم اللى الشباب جزاهم الله خير صمموه .. و تصميمك ماشاء الله ممتاز ...

و كونك كنت رتبت الامور ليصل المطار للمنتدى مجانى فهذه لفتة أشكرك عليها و لكن فى النهاية ما نرضى الضرر للغير لكى نستفيد نحن الاعضاء من المطار ...

أشكرك على صراحتك يا كابتن و أحييك و نترك الرأى لباقى الاعضاء

و فى النهاية كانت نيتك الخير للاعضاء و توفير سينيرى بروفيشنال لهم و لكن تأتى الرياح بما لا تشتهى السفن ..

و مش عارف الناس زعلانة ليه لما عرفوا ان المطار هيكون بفلوس هل السبب مادى و لا احنا اتعودنا على ابو بلاش ؟

مشكور ياخ b777 وانت احد الاشخاص اللي وثقت فيهم وعلمتهم بالمشكله لكن بصوره رمزيه...شوف اخر رساله مني لك,,,والله انا كنت ناوي المطار يكون مجاني واجتهدت ونزلت او نسختي منه لكن كانو على قد الحال كوني ما اعرف....وبعدين ههههه الله يهداك تصميمهم وين وتصميمي للواقع انا تصميم كان زباله....ناهيك انه الtextures كنت ماخذها من بعض المطارات الثانيه لاني ما ارعف اسوي.

اقتباس:     المشاركة الأصلية كتبت بواسطة Q8JetBlast  

السلام عليكم
بن عمي معاك علي جاسم, طبعاً انا طلعت من عالم الفلايت سم من سنة يدي لأنه فيه اهمال زايد لمنطقة الشرق الاوسط من ناحية الـ scenery
بس السينيري الي انت قاعد تتكلم عنه بصراحة لفت انتباهي بشكل قوي و اذا فيه مشروع انه تشتغل للاكس, و الله راح يحوشني زيران راح اروح على طول شارع بن خلدون اسوي لي كمبيوتر يديد نفس الناس,
انا مستعد ادفع عشر دنانير , بس يخوك نزل صور شوي زقرتية و موقع للشركة الي ساعدتك بالتصميم

بالنتظار ردك

ههههههههه فعلا سخرية القدر.........الحين انا ادور عليك من ال2007 وال2008 وقفنا عمليات البحث عنك هههههههههه قلنا اكيد اختفى,,,وبالنهايه بعد ماقربت اخلص حلم حياتي وهو اني اشوف سينري الكويت تجي تمر علينا هههه وعلى العموم السينري على ال2004 والاكس لاتخاف يا بوجاسم

[Q8JetBlast]

ولك شكله انا وياك نفس الحالة التعبانة سيم سيم, انا قبل ثلاث سنين كنت اراكض ورا flytampa و غيرهم اقولهم فديت امكم و ابوكم يرحملي اهلكم ما مليتوا من هالسنريات كله امريكا و اوروبا, و محد معطينا ويه, عقبها تعلمت على قد حالي و نزلت خرابيط, ماشفت لا تشجيع ولا احد يشتغل وياي, قلت لا بو الساعة الي حبيت فيه عالم الطيران بطوله و عرضه
أبشر بن عمي امسح الدمعة الي بعينك, عطني ايميلك نجتمع عالسريع بالمسنجر, و اوصل للعالم هالرسالة النبيلة احسن من الحنة و الرنة اهني

[KUWAIT ATC]

لوووووول لا حرام عليك والله انهم ناس شجعوني وفعلا كانو يبحثون عنك في المنتديات وواحد منهم عطاني رقم الاي بي حقك على اساس ممكن احصلك هههه


والصراحه انت نسختي انا ايضا ارسلت رسايل لين ملين للفلايتامبا وايروسوفت وغيرها بس محد رضا


على العموم ياشباب هذا الايميل للي يبي يراسلني سواء بالبريد او الماسنجر


[email protected]

[cpt.abdulkarim]

اضيف للاعضاء الكرام انه

من وجهة راي ان الشباب مايهتمون لفكرة الدفع من اجل السوفت وير يقولون شي مايستاهل انه ندفع او لان الفكرة غير متعودين عليها يعني جديدة لدى البعض او مايفتهم لها او بعضهم يفكرها معقدة ويقول وش لي بعوار الراس انا ممكن ادور نسخة مقرصنة وفي الاخير المبلغ زهيد وحرية الامر متروكه لدى الشباب اما الشراء واما صرف النظر اما انت يابو جاسم معذور مادامك بينت الالتباس فمايلحقك شرهة

[KUWAIT ATC]

مشكور ويعطيك العافيه على ردك على الموضوع يا اخ صقر الغيوم وبالفعل هذي مشكله عندنا حنا للأسف مع انه حتى البرامج اللي نراها بسيطه مثل برامج الحمايه او الترجمه هذي صاجبها اشتغل عليها وضيع من عمره مالايقل عن سنه عليها

[Q8JetBlast]

....... ........... .........

[9k-ADE]

انا مستعد ان ادفع 11 دولار او 10 عن طريق الكاش يو لكن شلون ادفع وانا عندي حساب بالكاش يو

[Saif Qahtan]

هو بس يطلع زي الي بالصوره
ونا ادفع 100 مو 50 بس
من متى نشوف ابداع زي كذا في مطار عربي ..
والي ما عنده بطاقة إتمانية ممكن اساعده عن طريق بطاقتي
اهم شي لا تبخسون شغل الشباب ..

تحياتي

[ليث الفوارس]

الله يخليك أخوي محمد الديحاني ...

بصراحة تصاميمهم حلوة ... المبنى نسخ ولصق ..

تصميمك ماكو مشكلة .... ممكن نقنع أي عضو .... ترا السعر والله حلو 3 دنانير قليلة ... وأنا رح أساعدك إن شاء الله .... ممكن أشتريها منك نسخ كثييرة وأبيعها ... مومشكلة ... حتى انه مومشكلة لو كركناها ....

ممكن نتناقش المشكلة بعد ما أحمل المسين ... يارب تنجح ...ما في زعل ياخوي ... تذكر بإن كثييير من الأعضاء رح يساعدونك وأن
ا واحد منهم ^_^

إن شاء الله أنا بسوي تصميم لمطار بيكين الدولي إن شاء الله لو نجحت فيها رح يكون خير حقك وحقنا ... يعني رح ننشرها في الكثييير من المواقع لأن لا أحد صمم هذا المطار من قبل فقط قليلة وهي ردييييئة ..

الله معنا يا أخي ..

ومع تحياتي لك

[ليث الفوارس]

قلت لي من قبل اني ما أقول الكلام اللي قلته لأي عضو ... لكن مادام انك الحين اعترفت بالحقيقة ... يعني ممكن أقوله ^_^

شوف ياحبيب قلبي
تقول انك كنت رح تبيعه حق الأجانب بفلوس وإذا عطيتنا مجاناً رح تدخل في مسأله قانونية ... والسعر والله مناسب جداً
3 دنانير ، لكنك تقول انهم من الصعب الحصول على الكاش يو للأسباب المذكورة شوف
أعتقد ان المشكلة مو صعبة كثيير بس يبيلها نقاش ... بعد يومين بإذن الله رح أناقشك هذا الموضوع علشانك صديقي ^_^

[AMS]

السلام عليكم ورحمة الله
أخ محمد المفروض يكون هناك أكثر من مطار عربي وأي عضو يختار المطار الذي يناسبه وليس مطار الكويت فقط وأشكرك على مجهوداتك لخدمة أعضاء المنتدى