[enew]

انا حاسس ان الموضوع ده دعايه مش اكتر للاكاديميه وفى الاخر هيقولو للنا س اللى نجحت انتو لازم تتدربو عندنا الاول عشان تبدءوا الشغل

[مايا شريف]

اقتباس:     المشاركة الأصلية كتبت بواسطة enew  

انا حاسس ان الموضوع ده دعايه مش اكتر للاكاديميه وفى الاخر هيقولو للنا س اللى نجحت انتو لازم تتدربو عندنا الاول عشان تبدءوا الشغل

احنا سالناهم عن التدريب قالوا التدريب مش عندنا وهيكون تبع الشركة فى السعودية

[مايا شريف]

اقتباس:     المشاركة الأصلية كتبت بواسطة داعية الخير  

انا متفقة معاكى مايا هم مش من مصلحتهم الكذب وكلنا عندنا امل كبير فيهم بديل اننا مترددناش اننا نسافر علشان نحضر الامتحان لكن انا مفهمتش انتى تقصدى ايه بإن شركتين ناس ووفير وعدوا بعدم تكرار ده؟؟؟ يعنى هيعملوا اوبن داى دون الرجوع لمعاهد الضيافة ولا العكس؟؟؟

انا اقصد بعدم تكرار دة يعنى هما كانوا بيروحوا بس للمعهد بدون عمل اوبن داى ودة لما كان المعهد لوحدة فى اليكس ومكنش المعهد التانى الى فى اليكس فتح ولا معهد مصر للطيران فتح ولكن بعدكل دول ما فتحواهيبقى الموضوع مختلف وهيعملوا اوبن داى ودية كانت تصريحات من خالد الدوسرى فى ناس ومن مسئول الوفير فى الموضوع الخاص بة وكمان الخطوط السعودية لما جاتلنا المعهد من شهرين قالولنا انهم كانوا بيياخدوا من المعهد الاولانى وبس وووعدوا المرة دية لما يجوا هيعملوا اوبن داى ومش هيروحوا للمعهد الاولانى

[مايا شريف]

اقتباس:     المشاركة الأصلية كتبت بواسطة Mahmoud Aboelezz  

انا لو محصلش نصيب في الشغل دة مش هكمل معاهم
انا هقدم في المعهد الدولى للضيافة الجوية اللي نعرفة احسن من اللي نعرفوش
ومصاريف 3500 جنية لمدة ثلاثشهور
ثلاث مرات اسبوعيا
وناش كتير بتشكر في العهد دة اية أيكم ؟

الى انا اعرفة ان المعهد الدولى للضيافة الجوية فى السرايا ب 5000 جنية
ومعهد كونكورد فى بوكلى ب 3500 جنية

[Mahmoud Aboelezz]

المعهد الدولى للضيافة الجوية الإسكندرية - لوران العنوان: 22 شارع عبد الحميد أبو هيف أمام محطة ترام السرايا البريد الالكترونى: [email protected]هذا البريد محمى من المتطفلين , تحتاج إلى تشغيل الجافا سكريبت لمشاهدته الموقع الإلكترونى: www.isicabincrew.com المعهد متخصص فى تأهيل الشباب من الجنسين للعمل بشركات الطيران كمضيفات ومضيفين جويين لدى شركات الطيران الدولية المختلفة و الوكيل المعتمد لشركة طيران البحرين
مدة الدراسة في المعهد هيا 3 شهور بمعدل 3 مرات اسبوعياً ..
الرسوم الدراسية بالنسبة للمصريين هيا 3500 جنيه مصري..
ولغير المصرين 5400 جنيه مصري..
انا المشكلة اللي هتبقةعندي ان انا مش من الاسكندرية انا من المنصورة 3 ساعات في الواحد يشوف ليه شقة ولا حاجة بكرة إن شاء الله هتصل بيهم واستفسر : )

[rokia]

يا ريت تبقى تعرفنى نتيجه الاتصال بيهم ايه ولو عندك نمره تليفون ليهم يا ريت تقولى الرقم علشان استفسر منهم الواحد ممكن يقدم امتى عندهم .ونفس المشكله اللى عندك السفر الى الاسكندريه.

[مايا شريف]

يا جماعة المعهد الدولى للضيافة الجوية بالاسكندرية ب 5000 دة كلام كل اصحابى الى راحوا قدموا عندهم على العموم هتاكد النهاردة منهم واقولكو

[celitic2010]

يا جماعه اللي اكاديمية Atis هاتكلمهم النهارده ان شاء الله يقولوا لنا عشان نعرف بس

[noha mahmoud]

اقتباس:     المشاركة الأصلية كتبت بواسطة مايا شريف  

انا اقصد بعدم تكرار دة يعنى هما كانوا بيروحوا بس للمعهد بدون عمل اوبن داى ودة لما كان المعهد لوحدة فى اليكس ومكنش المعهد التانى الى فى اليكس فتح ولا معهد مصر للطيران فتح ولكن بعدكل دول ما فتحواهيبقى الموضوع مختلف وهيعملوا اوبن داى ودية كانت تصريحات من خالد الدوسرى فى ناس ومن مسئول الوفير فى الموضوع الخاص بة وكمان الخطوط السعودية لما جاتلنا المعهد من شهرين قالولنا انهم كانوا بيياخدوا من المعهد الاولانى وبس وووعدوا المرة دية لما يجوا هيعملوا اوبن داى ومش هيروحوا للمعهد الاولانى

مايا ياريت تحطى التصريحات دى من الناس اللى قالت الكلام دا دا اولا
ثانيا الخطوط السعوديه عمرها ما جت معهد الضيافه واخدت منه ناس على
طول بيعملو اوبن داى وبيختارو منه ناس من المعهد ومن بره المعهد والاكتر بيكون من بره المعهد لان الخطوط بتاخد بنات كتييييييرانا لى صحاب اشتغلو عن طريق الاوبن داى وكانو بيدرسو فى المعهد دا وبعدين اى مسؤل سعودى قال لكم انهم بينزلو ياخدو بنات من المعهد للخطوط على طول الكلام دا مش صح خاااااااااااااالص وبعدين انا اعرف ان المعهد دا معتمد وفى شركه طيران متعاقده معاه
وبعدين انتى ضمنتى منين ان كلام المسؤلين دا صح اقولك حاجه شركات الطيران ملهاش دعوه بالكلام دا خالص كل اللى يهمها انها تنقى الاحسن وبدون تكلفه دا مصلحه ليهم واللى بيحصل بالنسبه لكلام المسؤلين دول اهو كلام ويااااااااااااعالم بقى .:iconloli:

[مايا شريف]

بصلى يا نهى دية اولا تصريحات من خالد الدوسرى بانهم كانوا بياخدوا من المعهد
https://www.flyingway.com/vb/showthread.php?t=73069&page=14 مشاركة رقم 205
ودية تصريحات ايضا منة بانهم هيحددوا مكان المقابلة الشخصية فى اى مكان ومش شرط المكان يكون المعهد https://www.flyingway.com/vb/showthread.php?t=73069&page=8 مشاركة رقم 112
وبالنسبة لتصريحات مسئول الوفير https://www.flyingway.com/vb/showthread.php?t=45109&page=70 مشاركة رقن 1036 والمشاركة دية بنقول بالفعل الشركة كانت بتاخد ناس من المعهد ولكن دة لضيق الوقت والحاجة لناس مؤهلين ولكن بعد كدة احتمال كبير تتغير طريقة التوظيف يقصد عمل اوبن داى وعلى فكرة انا فى راى الاحنمال بقى اكبر بعد افتتاح اكتر من معهد ضيافة وبعد التاكد بعدم تعاقد المعهد باى شركة طيران غير طيران البحرين
وبالمسبة لموضوع الخطوط السعودية
لا الخطوط السعودية كانت بتروح المعهد وبتاخد منة ودة اعتراف منهم لكا كانوا عندنا وهتسعجبى لو قلتلك حاجة قالولنا لما جم انهم اخدوا 200 بنت من مصر شهر 4 انا نفسى معرفش اخدوهم ازاى ولا امتى ولكن لما جم عندنا من شهر ووعدونا المرة دية انهم هيعملوا اوبن داى للناس كلها هما كانوا بيعملوا كدة بالاضافة لمروحهم للمعهد المرة دية مش هيروحوا المعهد وهيكتفوا بالاوبن داى وخلى بالك هو مش هيكون اوبن داى لكم مقابلة شخصية للناس الى اتصلوا بيهم من خلال استمارة التقديم على النت
وبالنسبة انهم بيقولوا اى كلام وخلاص دة مش صح لات الى قابلة صااحب المعهد عندنا هو مسئول التوظيف وهو كمان مش مجبر يقول كدة وكمان وهما ماشين من عندنا طلبوا المنهج بتاعنا

[noha mahmoud]

اولا انا مش من المعهد بس حابه بجد اوضح لك يا مايا ان الخطوط عمرها ماراحت المعهد والكلام دا اكيييييييييييييييييد 100 فى 100 صحابى كلهم اشتغلو عن طريق الاوبن داى للخطوط فقطططططططططط واى كلام غير كدا غلط

[مايا شريف]

اقتباس:     المشاركة الأصلية كتبت بواسطة noha mahmoud  

اولا انا مش من المعهد بس حابه بجد اوضح لك يا مايا ان الخطوط عمرها ماراحت المعهد والكلام دا اكيييييييييييييييييد 100 فى 100 صحابى كلهم اشتغلو عن طريق الاوبن داى للخطوط فقطططططططططط واى كلام غير كدا غلط

واللة واللة يا نهى هنا لما جم قالوا كانوا بيروحوا
يمكن قصدهم انهم عماوا اوبن داى فى كايرو بس لما بيجوا اليكس بيجمعوا الناس بتوع اليكس هناك فى المعهد مع عمل انترفيوهات بالمرة لبنات المعهد يعنى زى الى حصل فى اليمنية عملوا اوبن داى فى كايرو وبعدها جم معهد الضيتفة الدولى وعملوا انترفيوهات لناس المعهد ومن خارج المعهد واحنا كنا معاهم

[noha mahmoud]

بصى يا جميل والله انا كانت ليه واحده فى المعهد وسافرت كايرو وعملت الانترفيو هناك وراجعى فى المنتدى هنا الموضوع الخاص بتاع توظيف المضيفات فى الخطوط 2009 هتلاقى ان البنات كلها حتى بتاعت اسكندريه سافرو القاهره فى الاوبن داى وبعد ما تقبلو سافرو خلصو كل حاجه هناك
https://www.flyingway.com/vb/showthread.php?t=45958 لو قراتى هنا هتعرفى ان الخطوط منزلتش اسكندريه اصلا وكل حاجه خلصت فى كايرو :)

[مايا شريف]

واللة يا نهى ما اعرف يمكن مرة تانية مش شرط المرة دية وكمان احنا فهمنا من كلامهم لما جولنا اهم كانوا بينزلوا المعهد يمكن زى ما قولتلك مجرد استضافة ومكان لعمل الانترفيوهان لكل الناس الى اتقبلوا من اول يوم فى اليكس

[nashwaa]

يا جماعة مفيش اي اخبار عن نتيجة الامتحان بتاعت الاكاديمية او اي حد اتصل ونجح؟؟

[احمد من الزقازيق]

ايه الاخبار مفيش حد اتصل بيكم ؟؟؟؟؟

[Doda gh]

مافيش اي اخبار يا جماعه محدش كلمكم
؟؟؟؟؟؟؟؟؟؟؟
طيب هنتصل احنا بيهم ولا ايه النظام لو حد عنده اي اخبار يعرفنا

[داعية الخير]

هم قالوا ان اللى كانوا بيمتحنوا الجمعة يتصلوا السبت واللى امتحانهم السبت يتصلوا الاحد واكيد هيكونوا قالوا للى كان امتحانهم الاحد يتصلوا الاثنين مش عارفة ليه مجموعة الجمعة مش بيطمنونا!!! المفروض انهم اتصلوا واخدوا الرد

[BrightAngel]

والله أنا كلمتهم النهارده الساعة 1 وقالولي النتيجة لسه يوم الاثنين مع اني امتحنت يوم الجمعة و قالولنا نتصل بيهم يوم السبت المهم لسه مش هيقولوا نتائج النهارده

[احمد من الزقازيق]

مش تنسوا الانتخابات (مجلس الشعب) بكرة يمكن دي اللي هتأخر النتيجة

[ميسون تونز]

يعنى ملهاش علاقة خالص

[Doda gh]

فعلا اكيد الانتخابات مالهاش دعوه بس الله اعلم
يعني نفقد الامل ولا لسه

[سنووايت]

ربنا معاكم ان شاء الله

[مايا شريف]

الموضوع خير يا جماعة
الناس امبارح كانوا عندنا فى السنتر وصاحب السنتر رحب بيهم جدا وتقريبا عرف منهم اسم الشركة وقالوا النتيجة الاتنين او الثلاثاء
بصوا كل ما الايام تعدى ومفيش ملامح نصب مفيش هاتوا فلوس مفيش تعالوا ادربوا عندنا الاول تعالوا كذا تعالوا كذا يبقى المفروض نتفائل شوية انا امبارح فضلت فى السنتر لحد ما روحوا واعدت مع صاحب السنتر واطمنت منة الا حدا ما
انتوا بس ادعوا وقولوا يارب

[داعية الخير]

مايا هم ليه كانوا فى السنتر عندكوا انتى قلتى قبل كدة انكوا سافرتوا ليهم علشان تمتحنوا معانا؟؟؟ انتى بتدرسى فى اى سنتراللى تبع الكابتن اسامة ولا التانى ؟ ما تقوللنا على اسم الشركة وايه رأى صاحب السنتر فيها يعنى شركة محترمة؟؟؟ وهل هى شركة لسة فاتحة جديد؟؟؟

[مايا شريف]

بصى يا داعية الخير احنا روحنا امتحنا فى كايرو والمستر صاحب المعهد دعاهم فى اليكس يعنى عشان ياخد منهم معلومات اكتر ويطمن شوية ويطمنا انا فى المعهد التانى
بالنسبة لراية هما شكلهم ناس محترمة جدا كلامهم جدى وزى ما قلتلكو مطلبوش حاجة خالصصصصصصص
واللة انا مش عارفة اقول اية بس يمكن الواحد مش كبير اوى هشان يقدر يفهم حد اذا كان كويس ولا لا فى حالة لو الحد دة مش باين علية اى ملامح نصب وطريقنة كويسة ومفيش حاجة فية تثير القلق هو دة راى صاحب المعهد كويسين وكل حاجة بس برضة ربنا هو العالم هو مطمن بنسبة 70%
بس انا اعتقد طالما صرحوا عن الشركة يبقى احتمال كبير الموضوع يكون جدى
الشركة جديدة ومش هقدر اقول اكتر من كدة حفاظا على السر الى امنى علية صاحب المعهد وكدة كدة هنعرف بكرة او بعدة وربنا معانا ان شاء اللة يوفقنا ويعوض صبرنا خير

[مايا شريف]

وعلى فكرة الامنحان الى احنا امتحناة بيشوفة دلوقتى ال hr بتاع الشركة لان لو كنتوا اخدتوا بالكو الامنحان فى نهاة الامتحان مكتوب فية راى الشركة يعنى عشان الشركة تصفى الناس الكويسة من العدد الكبير الى اتقدم

[nashwaa]

ربنا يستر بقا الواحد بقا مش عارف يعمل ايه الحمد لله انا مستنيه النتيجه واسم الشركة بفارغ الصبر ..

[nashwaa]

[QUOTE=مايا شريف;1029008]وعلى فكرة الامنحان الى احنا امتحناة بيشوفة دلوقتى ال hr بتاع الشركة لان لو كنتوا اخدتوا بالكو الامنحان فى نهاة الامتحان مكتوب فية راى الشركة يعنى عشان الشركة تصفى الناس الكويسة من العدد الكبير الى اتقدم[/QUOازيك يا مايا طب معرفتيش الشركة الجديده دي هتطلب عدد كبير ولا محدود ولا ايه بالظبط؟؟

[مايا شريف]

لا واللة يا نشوى مش قالوا بس بيتهيالى طالما كانوا مادين فترة الامتحانات الى احنا عملناها يبقى كدة معناة انهم على استعداد انهم ياخدوا عدد كبير وخاصة انها شركة جديدة فاكيد محتاجة ناس كتير
ربنا يكتب لنا الى فية الخير